२ शमूएल 9:3 - नेवाः बाइबल

³ अनंलि जुजुं वयात धाल, “छु शाऊलया घरानाय् बचय् जूम्‍ह सुं दु ला, गुम्‍हय्‌सित जिं परमेश्‍वरया सदां विश्‍वास याये बहःगु दयामाया क्‍यने फइ ला?” सीबां धाल, “स्‍वयादिसँ, जोनाथनया छम्‍ह काय् म्‍वाःगु दु। बरु व निपा तुतिं खुत्‍यांम्‍ह खः।”

२ शमूएल 9:3 ပူးပေါင်းရင်းမြစ်များ

२ शमूएल 19:26

वं लिसः बिल, “छसपोल, स्‍वयादिसँ, जि च्‍यः सीबां जितः धोखा बिल। जि ला गधाया म्‍हय् काठी तयाः जुजुनापं वनेगु इच्‍छा यानाच्‍वनागु खः, तर जि छिकपिनि दास खुत्‍यांम्‍ह खः अले जिं मसीकं हे वं जितः त्‍वःतावन।

२ शमूएल 19:27

वं जिगु विरोधय् छिनापं खँ ल्‍हाःगु दु। छसपोल परमेश्‍वरया दूत थें खः। आः छितः छु पाय्‌छि जु व हे यानादिसँ।

२ शमूएल 4:4

(शाऊलया काय् जोनाथनया छम्‍ह काय् दु, वयागु नां मपीबोशेत खः। यिजरेलपाखें शाऊल व जोनाथन स्‍यूगु खबर वःबलय् मपीबोशेत न्‍यादँ दुम्‍ह खः। व खँ न्‍यनाः वया अजि वयात क्‍वबियाः बिस्‍युं वंगु खः तर इपिं हथाय् चाचां बिस्‍युं वंबलय् मपीबोशेत लँय्‌दयाः खुत्‍यां जूगु खः। व निपा तुतिं खुत्‍यां काःम्‍ह खः।)

२ शमूएल 9:13

अले मपीबोशेत यरूशलेमय् हे च्‍वनाच्‍वन, छाय्‌धाःसा न्‍ह्याबलें व जुजुया टेबिलय् च्‍वनाः जुजुनापं तुं नयेगु याइ। व निपा तुतिं खुत्‍यांम्‍ह खः।

२ शमूएल 9:7

दाऊदं धाल, “ग्‍याये मते। जिं छन्‍त छिमि अबु जोनाथनया कारणं दया याये। जिं छिमि बाज्‍या शाऊलया जग्‍गा छन्‍त लितबी। अले छ जिनापं न्‍ह्याबलें हे टेबिलय् च्‍वनाः नयेगु जुइ।”

लूका 6:36

अथे हे छिपिं नं, बाः थें, दया माया याइपिं जुयाच्‍वँ।”

व्‍यवस्‍था 10:15

अय्‌नं छिमि पुर्खातय्‌त परमेश्‍वरं माया यानाः ल्‍ययादिल। अथे जुयाः मेगु फुक्‍क जातितय् दथुं वय्‌कलं छिपिं, इमि सन्‍तानतय्‌त ल्‍ययादिल। थथे छिपिं थौं तक नं वय्‌कःयागु ल्‍यःपिं मनूत खः।

व्‍यवस्‍था 4:37

वय्‌कलं छिमि पुर्खातय्‌त माया यानादीगुलिं इमि सन्‍तानतय्‌त नं ल्‍ययादिल। वय्‌कः थम्‍हं हे थःगु तःधंगु शक्तिं छिमित मिश्रं पितहयादिल।