२ शमूएल 9:2 - नेवाः बाइबल

² शाऊलया घरानाय् सीबा नांयाम्‍ह छम्‍ह च्‍यः दु। वयात दाऊदं सःतके छ्वल। जुजुं वयात न्‍यन, “छु छ सीबा खः ला?” वं लिसः बिल, “खः, जि छिकपिनि दास सीबा हे खः।”

२ शमूएल 9:2 ပူးပေါင်းရင်းမြစ်များ

उत्‍पत्ति 24:2

अब्राहामं थः दक्‍वसिबय् पुलांम्‍ह व छेँय् फुक्‍क ज्‍या स्‍वइम्‍ह च्‍यःयात सःताः धाल –

उत्‍पत्ति 39:6

उकिं वं फुक्‍कं योसेफया जिम्‍माय् त्‍वःताबिल। थःम्‍हं नयेगु त्‍वनेगुलिइ बाहेक वं आः छुकी हे च्‍यूताः मतल। योसेफ बांलानाः यइपुसे च्‍वं।

२ शमूएल 19:17

वनापं शाऊलया घरानाया मू च्‍यः सीबा, थः झिंन्‍याम्‍ह काय्‌पिं व निइम्‍ह च्‍यःत अले द्वःछि बेन्‍यामीनीतय्‌त ज्‍वनाः वन। इपिं यर्दनय् ब्‍वाँय् ब्‍वाँय् वन। अन जुजु च्‍वनाच्‍वंगु खः।

२ शमूएल 19:18

अले इमिसं जुजुया घरानायात खुसि छिनाः उखेपाखे यंकल अले इपिं सकसिनं जुजुया आज्ञा कथं यायेत सकलें मानय् जुल। अले गेराया काय् शिमी खुसि छिनावनाः जुजुया न्‍ह्यःने भ्‍वसुल,