२ शमूएल 9:10 - नेवाः बाइबल

¹⁰ छ, छिमि काय्‌पिं व च्‍यःतय्‌सं वयागु जग्‍गाय् बुँज्‍या यानाः उकिं वःगु अन्‍न छं छिमि मालिकया परिवारयात बीमाः। अले मपीबोशेत, छिमि मालिकया छय् नं न्‍ह्याबलें जिगु टेबिलय् च्‍वनाः नयेगु याइ।” (सीबाया झिंन्‍याम्‍ह काय् व निइम्‍ह च्‍यःत दु।)

२ शमूएल 9:10 ပူးပေါင်းရင်းမြစ်များ

२ शमूएल 16:3

जुजुं न्‍यन, “छिमि मालिकया छय् गन दु?” सीबां धाल, “व ला यरूशलेमय् हे दु, छाय्‌धाःसा इस्राएलया घरानां वयात थः बाज्‍याया सिंहासन लितबी धकाः मतिइ तःगु दु।”

२ शमूएल 19:18

अले इमिसं जुजुया घरानायात खुसि छिनाः उखेपाखे यंकल अले इपिं सकसिनं जुजुया आज्ञा कथं यायेत सकलें मानय् जुल। अले गेराया काय् शिमी खुसि छिनावनाः जुजुया न्‍ह्यःने भ्‍वसुल,

२ शमूएल 19:28

जिमि बाज्‍याया फुक्‍क घराना छिगु ल्‍हातं सीमाःपिं खः तर छिकपिनि दास जितः छिसं थःनापं हे नयेत्‍वने बियादिल। थुलिं तःधंगु दया दयाः नं जिं मेगु अप्‍वः छु आशा याये माल?”

२ शमूएल 21:7

जुजुं दाऊद व शाऊलया काय् जोनाथनं परमप्रभुया न्‍ह्यःने पाफःगुलिं शाऊलया छय्, जोनाथनया काय् मपीबोशेतयात बचय् याना तल।

२ शमूएल 9:7

दाऊदं धाल, “ग्‍याये मते। जिं छन्‍त छिमि अबु जोनाथनया कारणं दया याये। जिं छिमि बाज्‍या शाऊलया जग्‍गा छन्‍त लितबी। अले छ जिनापं न्‍ह्याबलें हे टेबिलय् च्‍वनाः नयेगु जुइ।”

१ राजा 2:7

“गिलादया बर्जिल्‍लैया काय्‌पिन्‍त धाःसा दयामाया या, इमित छंगु टेबिलय् थःनापं नकि। छिमि दाजु अब्‍शालोमपाखें जि बिस्‍युं जुयाबलय् इपिं जिनापं हे जुल।

२ राजा 25:29

थुकथं यहोयाकीनं कैदीया वसः त्‍वःतल अले म्‍वाःतले न्‍ह्याबलें जुजुया टेबिलय् नल।

यर्मिया 52:34

यहोयाकीन म्‍वानाच्‍वंतले बेबिलोनयाम्‍ह जुजुं वयात न्‍हिन्‍हि नयेत माःगु खर्च बियाच्‍वन।

लूका 14:15

थ्‍व न्‍यनाः वय्‌कःयागु लिक्‍कसं च्‍वनाच्‍वंम्‍ह छम्‍ह मनुखं थथे धाल – “स्‍वर्गय् परमेश्‍वरयागु राज्‍यय् च्‍वनाः नयेत्‍वने याये खनीम्‍ह मनू ला तसकं धन्‍यम्‍ह जुइ।”