२ शमूएल 8:6 - नेवाः बाइबल

⁶ अले दाऊदं अरामया दमस्‍कस शहरय् प्‍यखें छाउनीत तल। अरामीतय्‌सं दाऊदया अधीनय् च्‍वनाः वयात कर पुल। थुकथं दाऊद न्‍ह्याथाय् वंसां परमप्रभुं वयात त्‍याकादिल।

२ शमूएल 8:6 ပူးပေါင်းရင်းမြစ်များ

२ शमूएल 10:19

हददेजेरया अधीनय् च्‍वंपिं फुक्‍क जुजुपिन्‍सं जिमित इस्राएलं त्‍याकल धकाः सियाः इस्राएललिसें सन्‍धि यात अले वयागु अधीनय् च्‍वन। अनंलि अरामीतय्‌सं हाकनं अम्‍मोनीतय्‌त ग्‍वाहालि बीगु इच्‍छा मयात।

२ शमूएल 23:14

उबलय् दाऊद किल्‍लाय् दु, अले छपुचः पलिश्‍तीतय् सिपाइँत बेथलेहेमय् च्‍वनाच्‍वंगु खः।

२ शमूएल 3:18

आः व ज्‍या पूवंकीगु ई थ्‍व हे खः, छाय्‌धाःसा दाऊदया बिषय्‌लय् परमप्रभुया बचं थ्‍व दु, जिमि दास दाऊदया ल्‍हातं हे जिमि प्रजा इस्राएलयात पलिश्‍तीतय्‌गु व इमि फुक्‍क शत्रुतपाखें बचय् याइ।”

२ शमूएल 5:10

अले दाऊद झन झन बल्‍लानावन। छाय्‌धाःसा दक्‍व शक्ति दुम्‍ह परमप्रभु वलिसे दी।

२ शमूएल 7:9

छ गन वन, जि छनापं च्‍वना, अले जिं छिमि फुक्‍क शत्रुतय्‌त छंगु न्‍ह्यःनेनं चीकाबिया। आः जिं छन्‍त पृथ्‍वीयापिं नांजाःपिं मनूत मध्‍ये छम्‍ह दय्‌काबी।’”

२ शमूएल 8:14

व अनं लिहां वःबलय् एदोमय् सिपाइँतय् छाउनीत तल, अले सकल एदोमीत दाऊदया अधीनय् च्‍वन। दाऊद न्‍ह्याथाय् वंसां परमप्रभुं वयात त्‍याकादिल।

२ शमूएल 8:2

दाऊदं मोआबीतय्‌त नं बुकल, अले इमित बँय् द्यंकेबिल। अले इमित छपु खिपतं नापय् यात। स्‍यायेत खिपतं निक्‍वः नापय् यात, मस्‍यासे म्‍वाकातयेत खिपतं स्‍वक्‍वः नापय् यात। थुकथं मोआबीत वयागु अधीनय् च्‍वनाः कर पुलिपिं जुल।

२ शमूएल 8:7

दाऊदं हददेजेरया कप्‍तानतय्‌गु लुँया ढाल कब्‍जा यानाः यरूशलेमय् हल।

१ राजा 4:21

यूफ्रेटिस खुसिंनिसें कयाः पलिश्‍तीतय्‌गु देश व मिश्रया सिमाना तकयागु फुक्‍क देशय् सोलोमनं शासन याइगु खः। अन च्‍वंपिं मनूतय्‌सं सोलोमनयात कर पुलिगु, वयागु जिवंकाछि हे इपिं वयागु अधीनय् च्‍वन।

२ राजा 1:1

इस्राएलया जुजु आहाब सीधुंकाः मोआबं इस्राएलया विरोधय् विद्रोह यात।

२ राजा 14:28

यारोबाम जुजु जुयाच्‍वंबलय् जूगु फुक्‍क घटना, वं याःगु फुक्‍क ज्‍या, व बहादुर जुयाः ल्‍वाःगु लडाइँ अले गय् यानाः दमस्‍कस व हमात शहर गुगु शहर न्‍हापा यहूदाया खः, वं इस्राएलय् लितहल। व फुक्‍क इस्राएलया जुजुपिनिगु इतिहासया सफुलिइ च्‍वयातःगु दु।

२ राजा 18:7

परमप्रभु वलिसें दीगुलिं वं याःगु फुक्‍क ज्‍याय् व ताःलात। व अश्‍शूरयाम्‍ह जुजुया विरोधय् विद्रोही जुल, वयात कर पुलेगु त्‍वःतल।

२ राजा 3:4

मोआबया जुजु मेशां यक्‍व फै लहिनातःगु दु। दँय्‌दसं वं १,००,००० चिधिकःपिं भ्‍याःचा व १,००,००० भ्‍याःचाया ऊन इस्राएलया जुजुयात बीमाः।

१ इतिहास 18:13

अबीशैनं एदोमय् छाउनीत तल, अले सकल एदोमीत दाऊदया अधीनय् च्‍वन। दाऊद न्‍ह्याथाय् वंसां परमप्रभुं वयात त्‍याकादिल।

२ इतिहास 17:2

वं यहूदाया पखालं घेरय्‌ यानातःगु फुक्‍क शहरय् सिपाइँत तल। अले यहूदा न्‍यंकं व वया अबु आसां त्‍याकाकाःगु एफ्राइमया शहरय् सुरक्षाया लागि छाउनीत तल।

भजनसंग्रहया सफू 140:7

हे परमप्रभु परमेश्‍वर, जिगु उद्धारया बल छिं लडाइँया इलय् जिगु छ्यंयात रक्षा यानादीगु दु।

भजनसंग्रहया सफू 60:10

हे परमेश्‍वर, छु धात्‍थें हे छिं जिमित त्‍वःतादियागु ला? आः छि जिमिगु सेनालिसे जुइ मखुत ला?

हितोपदेश 21:31

लडाइँया निंतिं सल ला तयार याये फइ, त्‍याःबू धाःसा परमप्रभुया ल्‍हातिइ दु।

१ शमूएल 13:3

जोनाथनं गेबाय् च्‍वंगु पलिश्‍तीतय्‌गु छाउनी हमला यात। थुकिया खबर पलिश्‍तीतय्‌गु दथुइ थ्‍यन। अले शाऊलं “फुक्‍क हिब्रूत न्‍यँ” धकाः देय्‌न्‍यंक तुरही पुइकल।

१ शमूएल 14:1

छन्‍हु शाऊलया काय् जोनाथनं थःगु ल्‍वाभः ज्‍वनीम्‍ह ल्‍याय्‌म्‍हम्‍ह मनूयात धाल, “वा, झीपिं उखेपाखेया डाँडाय् च्‍वंगु पलिश्‍तीतय्‌गु छाउनी वनेनु।” तर थ्‍व खँ वं थः बौयात मधाः।

१ शमूएल 14:15

अनंलि छाउनी व लडाइँ जूगु थासय् च्‍वंपिं फुक्‍क सेनात तसकं ग्‍यात। छाउनीइ दुपिं सिपाइँत व आकाझाकां हमला याइपिं सिपाइँत तसकं ग्‍यानाः खात। पृथ्‍वी सन अले इपिं परमेश्‍वर खनाः तसकं ग्‍यात।

१ शमूएल 14:6

जोनाथनं ल्‍वाभः ज्‍वनीम्‍हय्‌सित धाल, “वा, झीपिं परमेश्‍वरयात मानय् मयाइपिं उपिं म्‍हय् चिं मतःपिनिगु छाउनी स्‍वःवनेनु। परमप्रभुं झीत ग्‍वाहालि यानादी। झीपिं यक्‍व दयेमा वा म्‍हो जुइमा झीत बचय् यायेगुपाखें वय्‌कःयात सुनानं पने फइ मखु।”