२ शमूएल 8:4 - नेवाः बाइबल

⁴ दाऊदं द्वःछि गः रथ व न्‍हय्‌द्वःम्‍ह रथ चले याइपिं व निइद्वःम्‍ह न्‍यासि जुइपिं सिपाइँतय्‌त कब्‍जा यात। दाऊदं सछिम्‍ह सल बाहेक हददेजेरया रथ सालिपिं दक्‍व सलतय्‌त खुत्‍यां यानाबिल।

२ शमूएल 8:4 ပူးပေါင်းရင်းမြစ်များ

उत्‍पत्ति 49:6

जिं गुबलें नं इमिगु ज्‍या व बिचालय् ब्‍वति मकया छाय्‌धाःसा इमिसं तमय् मनूत स्‍याःगु दु। अले थःयत्‍थें द्वहंतय्‌त पाःगु दु।

१ राजा 10:26

सोलोमनं रथ व सल मुंकल। वया १,४०० ग रथ व १२,००० म्‍ह सल दु। उमित वं रथ तइगु शहर शहरय् व यरूशलेमय् थःथाय् तल।

१ इतिहास 18:4

दाऊदं द्वःछि गः रथ, न्‍हय्‌द्वःम्‍ह रथ चलय् याइपिं व निइद्वः न्‍यासि वनीपिं सिपाइँतय्‌त कब्‍जा यात। दाऊदं सछिम्‍ह सल बाहेक हददेजेरया रथ सालिपिं दक्‍व सलतय्‌त खुत्‍यां यानाबिल।

भजनसंग्रहया सफू 20:7

गुलिं मनूत थःगु रथया भलसाय् च्‍वनी, गुलिं मनूत थःगु सलया भलसाय् च्‍वनी, झी धाःसा परमप्रभु झी परमेश्‍वरया भलसाय् च्‍वने।

व्‍यवस्‍था 17:16

व जुजुं यक्‍व सलत नं मतयेमाः, वा यक्‍व सल दयेमाः धकाः मनूतय्‌त मिश्रय् मछ्वयेमाः। छाय्‌धाःसा “व लँपु हाकनं लिहां वने मते” धकाः परमप्रभुं धयादीगु दु।

यहोशू 11:6

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा कन्‍हय् थुबलय् हे इपिं स्‍याःपिं सकसितं जिं इस्राएलीतय्‌गु ल्‍हातय् तयाबी। छं इमि सलतय्‌गु तुतिख्‍वःया लिउने च्‍वंगु सँय्‌प्‍वाँय् चानाब्‍यु, अले इमिगु रथत मिं छ्वय्‌काब्‍यु।”

यहोशू 11:9

परमप्रभुं आज्ञा बियादीगुकथं यहोशूं इमित यात। वं इमि सलतय्‌गु पुलिया ल्‍युने च्‍वंगु सँय्‌प्‍वाँय् चानाबिल अले इमि रथत मिं छ्वय्‌काबिल।