२ शमूएल 8:2 - नेवाः बाइबल

² दाऊदं मोआबीतय्‌त नं बुकल, अले इमित बँय् द्यंकेबिल। अले इमित छपु खिपतं नापय् यात। स्‍यायेत खिपतं निक्‍वः नापय् यात, मस्‍यासे म्‍वाकातयेत खिपतं स्‍वक्‍वः नापय् यात। थुकथं मोआबीत वयागु अधीनय् च्‍वनाः कर पुलिपिं जुल।

२ शमूएल 8:2 ပူးပေါင်းရင်းမြစ်များ

२ शमूएल 12:31

वं शहरयापिं मनूतय्‌त पिने पितहल अले इमित कःति, नया कू व पा ज्‍वंकाः ज्‍या याकल। अले अप्‍पा दय्‌कीगु ज्‍या याकल। दाऊदं अम्‍मोनीतय् फुक्‍क शहरय् थथे हे यात। अनंलि दाऊद व वया सकल मनूत यरूशलेमय् लिहां वल।

२ शमूएल 8:6

अले दाऊदं अरामया दमस्‍कस शहरय् प्‍यखें छाउनीत तल। अरामीतय्‌सं दाऊदया अधीनय् च्‍वनाः वयात कर पुल। थुकथं दाऊद न्‍ह्याथाय् वंसां परमप्रभुं वयात त्‍याकादिल।

१ राजा 4:21

यूफ्रेटिस खुसिंनिसें कयाः पलिश्‍तीतय्‌गु देश व मिश्रया सिमाना तकयागु फुक्‍क देशय् सोलोमनं शासन याइगु खः। अन च्‍वंपिं मनूतय्‌सं सोलोमनयात कर पुलिगु, वयागु जिवंकाछि हे इपिं वयागु अधीनय् च्‍वन।

२ राजा 1:1

इस्राएलया जुजु आहाब सीधुंकाः मोआबं इस्राएलया विरोधय् विद्रोह यात।

२ राजा 17:3

अश्‍शूरयाम्‍ह जुजु शलमनेशेरं होशियायात हमला याः वल। होशियां वयागु अधीनय् च्‍वनाः दँय्‌दसं वयात कर पूगु खः।

१ इतिहास 18:2

दाऊदं मोआबीतय्‌त नं बुकल अले इपिं वयागु अधीनय् च्‍वनाः कर पुलिपिं जुल।

२ इतिहास 26:8

अम्‍मोनीतय्‌सं उज्‍जियाहयाथाय् दँय्‌दसं कर पुले हल। व तसकं बल्‍लात अले मिश्रय् च्‍वंपिन्‍सं तकं वयागु नां न्‍यन।

भजनसंग्रहया सफू 108:9

मोआब जिगु ल्‍हाः सिलेगु थल खः, एदोमय् जिं थःगु लाकां वांछ्वये। थुकथं थ्‍व जिगु खः धकाः क्‍यने। पलिश्‍त देशयात त्‍याकाः जि चिल्‍लाय् दनाः हाले।”

भजनसंग्रहया सफू 18:45

थःगु साहस तंकाः इपिं थःपिनिगु किल्‍लां ग्‍याग्‍यां पिहां वल।

भजनसंग्रहया सफू 60:10

हे परमेश्‍वर, छु धात्‍थें हे छिं जिमित त्‍वःतादियागु ला? आः छि जिमिगु सेनालिसे जुइ मखुत ला?

भजनसंग्रहया सफू 60:8

मोआब जिगु ल्‍हाः सिलेगु थल खः। एदोमय् जिं थःगु लाकां वांछ्वये। थुकथं थ्‍व जिगु खः धकाः क्‍यने। पलिश्‍त देशयात त्‍याकाः जि चिल्‍लाय् दनाः हाले।”

भजनसंग्रहया सफू 83:6

थुपिं एदोम व इश्‍माएलयापिं मनूत, मोआबीत व हग्रीत,

यशैया 36:16

“हिजकियायागु खँ न्‍यने मते। अश्‍शूरयाम्‍ह महाराजं थथे धयादी – छिपिं जिनापं मिलय् जूवःसा अले पिहां वयाः जिथाय् वःसा, छिपिं फुक्‍कसिनं थथःगु दाखमाया फल व यःमरिमाया फल नयेखनी, अले थथःगु तुंपाखें लः त्‍वनेखनी।

गन्‍ती 24:17

जिं वय्‌कःयात स्‍वये, तर आः थत्‍थें ला मखु। जिं वय्‌कःयात खंके, तर लिक्‍क हे ला मखु। याकूबं छगः नगु त्‍वइ, इस्राएलं छगू राजदण्‍ड पिहां वइ। वय्‌कलं मोआबया छ्यं तछ्यानादी। शेथया सन्‍तानयात नाश यानाबी।

१ शमूएल 10:27

तर इपिं मध्‍ये लुच्‍चात नं दु अले इमिसं धाल, “थ्‍व मनुखं झीत गथे यानाः बचय् याइ?” इमिसं शाऊलयात हेपय् यात अले छुं कोसेलि नं ज्‍वनाः मवः। अथेसां शाऊलं इमित छुं नं मधासे सुम्‍क च्‍वन।

१ शमूएल 14:47

शाऊलं इस्राएलय् शासन यानाच्‍वंबलय् वं प्‍यखेरं च्‍वंपिं शत्रुतनापं लडाइँ यात। वं मोआबीत, अम्‍मोनीत, एदोमीत, सोबाया जुजुपिं व पलिश्‍तीतनापं लडाइँ यात। गन गन वं लडाइँ यात अन अन वं इमित बुकल।

१ शमूएल 22:3

अनं दाऊद मोआबया मिस्‍पाय् वनाः मोआबया जुजुयात बिन्‍ति यात “परमेश्‍वरं जिगु निंतिं छु यानादी व मस्‍युतले दया यानाः जिमि मां-बौयात छिगु हे शरणय् तयादिसँ।”

१ शमूएल 22:4

अले दाऊदं थः मां-बौयात मोआबया जुजुया लाय्‌कुलिइ हे त्‍वःताथकल। व सुरक्षित थासय् सुलाच्‍वंबलय् इपिं मोआबयाम्‍ह जुजुया लाय्‌कुलिइ च्‍वनाच्‍वन।