२ शमूएल 8:15 - नेवाः बाइबल

¹⁵ दाऊदं इस्राएल न्‍यंक शासन यात। वं फुक्‍कसिगु लागि खःकथं व न्‍यायकथं ज्‍या यात।

२ शमूएल 8:15 ပူးပေါင်းရင်းမြစ်များ

२ शमूएल 15:3

अब्‍शालोमं धाल, “खः, छंगु मुद्दा पाय्‌छि जू, तर छंगु मुद्दा न्‍यनीम्‍ह जुजुया सुं मनू मदु।”

२ शमूएल 20:23

योआब फुक्‍क इस्राएली पुचःया सेनापति खः, अले यहोयादाया काय् बनायाह धाःसा करेती व पेलेथीतय् कप्‍तान खः।

२ शमूएल 3:12

अनंलि अबनेरं हेब्रोनय् दाऊदयाथाय् थथे धकाः दूतत छ्वल, “थ्‍व देय् सुयागु खः? झीपिं मिलय् जुइ नु, अले जि फुक्‍क इस्राएलयात छिगुपाखे हयेत फयांफत्तले कुतः याये।”

२ शमूएल 5:5

थथे धयागु, वं हेब्रोनं यहूदाय् न्‍हय्‌दँ व खुला अले यहूदा व इस्राएलय् निगू थासय् यानाः यरूशलेमय् स्‍विस्‍वदँ शासन यात।

२ शमूएल 8:14

व अनं लिहां वःबलय् एदोमय् सिपाइँतय् छाउनीत तल, अले सकल एदोमीत दाऊदया अधीनय् च्‍वन। दाऊद न्‍ह्याथाय् वंसां परमप्रभुं वयात त्‍याकादिल।

२ शमूएल 8:16

सरूयाहया काय् योआब सेनापति खः, अहीलूदया काय् यहोशापात देशय् जूगु घटना च्‍वयातइम्‍ह खः।

१ राजा 10:9

परमप्रभु छिकपिनि परमेश्‍वरया प्रशंसा जुइमा। वय्‌कः छि खनाः गुलि लय्‌तायादी व छितः जुजु दय्‌काः थःगु नामय् शासन याके बियाः क्‍यनादीगु दु। छाय्‌धाःसा परमप्रभुं इस्राएलयात सदां माया यानादी। उकिं न्‍याय व धार्मिकता तया तयेत वय्‌कलं छितः इस्राएलयाम्‍ह जुजु दय्‌कादीगु दु।”

१ राजा 4:1

थुकथं सोलोमन जुजुं इस्राएल न्‍यंक शासन यात।

१ इतिहास 18:14

दाऊदं इस्राएल न्‍यंक शासन यात। वं फुक्‍कसिगु लागि खःकथं व न्‍यायकथं ज्‍या यात।

भजनसंग्रहया सफू 119:121

जिं ला धार्मिकता व न्‍यायया ज्‍या यानागु दु, छिं जितः शत्रुतय्‌गु ल्‍हातय् त्‍वःतादी मते।

भजनसंग्रहया सफू 72:2

छिकपिनि मनूतय्‌त वं धार्मिकतां शासन याये फयेमा, अले क्‍वत्‍यय्‌काच्‍वंपिन्‍त नं उतिग्‍यंक न्‍याय याये फयेमा।

भजनसंग्रहया सफू 75:2

छिं धयादीगु दु, “जिं न्‍यायया निंतिं ल्‍वःगु ई ल्‍ययागु दु। जिं पक्षपात मजुइक न्‍याय याये।”

भजनसंग्रहया सफू 89:14

धार्मिकता व न्‍याय छिगु सिंहासनया जग खः। छिगु सदां दइगु दया माया व विश्‍वास याये बहःसू छिकपिनि दूतत जुयाः छिगु न्‍ह्यः न्‍ह्यः वनी।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

आमोस 5:15

मभिंगु फुक्‍क त्‍वःताछ्व, छु छु भिंगु खः व हे जक यय्‌की। अदालतय् न्‍याय ल्‍यंकाः तयाति, सके दक्‍व शक्ति दुम्‍ह परमप्रभु परमेश्‍वरं योसेफया ल्‍यंदनिपिं मनूतय्‌त दया यानादी ला।

आमोस 5:24

तर न्‍याय धाःसा खुसि थें अले धार्मिकता गुब्‍सं मसुइगु खुसि थें न्‍ह्याना च्‍वनेमा।

हिब्रू 11:33

विश्‍वासं हे इमिसं देश देश त्‍याका काल। विश्‍वासं हे इमिसं बांलाक राज्‍य याना वन, अले विश्‍वासं हे परमेश्‍वरं बी धकाः धयादीगु काये खन। विश्‍वासं हे इमिसं सिंहतय्‌गु म्‍हुतुप्‍वाः तिकल।

१ शमूएल 14:47

शाऊलं इस्राएलय् शासन यानाच्‍वंबलय् वं प्‍यखेरं च्‍वंपिं शत्रुतनापं लडाइँ यात। वं मोआबीत, अम्‍मोनीत, एदोमीत, सोबाया जुजुपिं व पलिश्‍तीतनापं लडाइँ यात। गन गन वं लडाइँ यात अन अन वं इमित बुकल।