२ शमूएल 8:14 - नेवाः बाइबल

¹⁴ व अनं लिहां वःबलय् एदोमय् सिपाइँतय् छाउनीत तल, अले सकल एदोमीत दाऊदया अधीनय् च्‍वन। दाऊद न्‍ह्याथाय् वंसां परमप्रभुं वयात त्‍याकादिल।

२ शमूएल 8:14 ပူးပေါင်းရင်းမြစ်များ

उत्‍पत्ति 25:23

परमप्रभुं वयात लिसः बियादिल, “छंगु प्‍वाथय् निगू जाति दु। इपिं बूसांनिसें हे अलग जुयाः बुइ। चीधीम्‍ह तःधीम्‍ह स्‍वयाः बल्‍लाइ। तःधीम्‍हय्‌स्‍यां चीधीम्‍हय्‌सिगु सेवा याइ।”

उत्‍पत्ति 27:29

थीथी जातिं छंगु सेवा यायेमा, मनूतय्‌सं छन्‍त भागि यायेमा, छं दाजुकिजाया छ मालिक जुइमा, छं किजापिन्‍सं छन्‍त भागि यायेमा, छन्‍त सराः बीपिं फुक्‍कसित सराः लायेमा, छन्‍त आशिष बीपिं फुक्‍कसिनं आशिष कायेमा।”

२ शमूएल 5:10

अले दाऊद झन झन बल्‍लानावन। छाय्‌धाःसा दक्‍व शक्ति दुम्‍ह परमप्रभु वलिसे दी।

२ शमूएल 7:9

छ गन वन, जि छनापं च्‍वना, अले जिं छिमि फुक्‍क शत्रुतय्‌त छंगु न्‍ह्यःनेनं चीकाबिया। आः जिं छन्‍त पृथ्‍वीयापिं नांजाःपिं मनूत मध्‍ये छम्‍ह दय्‌काबी।’”

२ शमूएल 8:15

दाऊदं इस्राएल न्‍यंक शासन यात। वं फुक्‍कसिगु लागि खःकथं व न्‍यायकथं ज्‍या यात।

२ शमूएल 8:6

अले दाऊदं अरामया दमस्‍कस शहरय् प्‍यखें छाउनीत तल। अरामीतय्‌सं दाऊदया अधीनय् च्‍वनाः वयात कर पुल। थुकथं दाऊद न्‍ह्याथाय् वंसां परमप्रभुं वयात त्‍याकादिल।

१ राजा 11:15

व स्‍वयाः यक्‍व न्‍हापा, दाऊदं एदोमयात बुकेधुंकाः वया सेनापति योआब लडाइँलय् सीपिं इस्राएलीतय्‌त थुनेत अन वंबलय् उगु देशयापिं सकलें मिजंपिन्‍त स्‍याःगु खः।

१ राजा 22:47

एदोम देशय् जुजु मदु। यहूदाया जुजुं ल्‍ययातःम्‍ह छम्‍ह जिल्‍लाया बडा-हाकिमं अन शासन याइगु।

१ राजा 22:48

यहोशापात जुजुं ओपीर देशं लुँ हयेत ब्‍यापारी जहाजत दय्‌कल। तर एस्‍योन-गेबेरय् उपिं स्‍यंगुलिं जहाजत बनेज्‍याया लागि न्‍ह्याके मफुत।

२ राजा 14:7

वं चिया ब्‍यासिइ झिद्वःम्‍ह एदोमीतय्‌त स्‍यात। अले लडाइँ यानाः सेला त्‍याका काल। अले उकिया नां योक्तेल तल, गुगु थौं तक दनी।

२ राजा 18:7

परमप्रभु वलिसें दीगुलिं वं याःगु फुक्‍क ज्‍याय् व ताःलात। व अश्‍शूरयाम्‍ह जुजुया विरोधय् विद्रोही जुल, वयात कर पुलेगु त्‍वःतल।

१ इतिहास 18:13

अबीशैनं एदोमय् छाउनीत तल, अले सकल एदोमीत दाऊदया अधीनय् च्‍वन। दाऊद न्‍ह्याथाय् वंसां परमप्रभुं वयात त्‍याकादिल।

भजनसंग्रहया सफू 60:1

हे परमेश्‍वर! छिं जिमित त्‍वःतादिल। जिपिं खनाः छि तंम्‍वयादीगु दु। उकिं जिमिगु रक्षा यायेगु नं त्‍वःतादिल। जिमित हाकनं स्‍वयादिसँ।