२ शमूएल 8:10 - नेवाः बाइबल

¹⁰ उकिं वं थःकाय् योरामयात दाऊद जुजुयाथाय् हददेजेरयात बुकूगुलिं ज्‍वजलपा यायेत व बधाई बीत छ्वल। तोऊ हददेजेर नापं तःक्‍वः हे लडाइँ याये धुंकूगु खः। अले योरामं लुँ, वहः व कँय्‌यागु थीथी कथंयागु सामानत ज्‍वनाः वल।

२ शमूएल 8:10 ပူးပေါင်းရင်းမြစ်များ

उत्‍पत्ति 43:27

योसेफं इमिके म्‍हंफु मफु न्‍यने धुंकाः धाल, “छिमिसं जितः थः बुराम्‍ह अबुयागु खँ कंगु खः। आः व गय् च्‍वं? आः तकं म्‍हं फु ला?”

२ शमूएल 8:11

जुजु दाऊदं उपिं थलबल परमप्रभुयात देछाल। थःम्‍हं त्‍याकाःगु फुक्‍क देशत एदोमी, मोआबी, अम्‍मोनी, पलिश्‍ती व अमालेकीतपाखें काःगु लुँ व वहः नं देछाल। सोबाया जुजु रहोबया काय् हददेजेरपाखें लाकाहःगु सामान नं देछाल।

२ शमूएल 8:9

हमातयाम्‍ह जुजु तोऊनं सोबायाम्‍ह जुजु हददेजेरया फुक्‍क सेनायात दाऊदं बुकूगु खँ न्‍यन।

१ राजा 1:47

अले जुजुया फुक्‍क हाकिमत झी प्रभु महाराज दाऊदयाथाय् वनाः वय्‌कःयात थथे धयाः सुभाय् बिल, ‘छिकपिनि परमेश्‍वरं सोलोमनया नांयात छिगु नां स्‍वयाः तःधंकेमा, वयागु सिंहासनयात छिगु सिंहासन स्‍वयाः तःधंकादीमाः।’ अनंलि दाऊद जुजुं लासाय् च्‍वनाः हे छ्यं क्‍वछुकाः हनाबना यानाः

१ इतिहास 18:10

उकिं वं थःकाय् हदोरमयात दाऊद जुजुयाथाय् हददेजेरयात बुकूगुलिं ज्‍वजलपा यायेत व बधाई बीत छ्वल। तोऊनं हददेजेरनापं तःक्‍वः हे लडाइँ याये धुंकूगु खः। अले हदोरमं लुँ, वहः व कँय्‌यागु थीथी कथंयागु थलबल ज्‍वनाः वल।

२ इतिहास 32:23

यक्‍व मनूतय्‌सं यरूशलेमय् परमप्रभुया निंतिं देछा व जुजु हिजकियाया निंतिं मू वंगु कोस्‍यालि हल। अबलय् निसें फुक्‍क जातितय्‌सं हिजकियायात इज्‍जत यात।

भजनसंग्रहया सफू 129:8

अनं जुयाः वइपिं वनिपिन्‍सं सुनानं थथे धाइ मखु, “परमप्रभुं छन्‍त सुवाः बियादीमा। परमप्रभुया नामय् जिमिसं छन्‍त सुवाः बी।”

यशैया 39:1

अबलय् लाक्‍क हे बेबिलोनयाम्‍ह जुजु बलदानया काय् मरोदक-बलदानं हिजकिया जुजु म्‍हंमफुगुपाखें लाये धुंकूगु दु धकाः न्‍यनाः वयाथाय् पौत व कोसेलि बियाः दूतत छ्वल।

१ शमूएल 13:10

शाऊलं होमबलि नकतिनि छाये सिधय्‌कूबलय् शमूएल वल अले शाऊल वयात नाप लानाः लसकुस यायेत वन।