२ शमूएल 8:1 - नेवाः बाइबल

¹ जुजु दाऊदं पलिश्‍तीतय्‌त हमला यानाः त्‍याकुबलय् वं मेथेग-आमाहय् अधिकार यात।

२ शमूएल 8:1 ပူးပေါင်းရင်းမြစ်များ

२ शमूएल 19:9

अले इस्राएलया फुक्‍क कुलत थथे धयाः जवाःसवाः यानाच्‍वन, “जुजुं झीत थः शत्रुतपाखें छुत्‍कारा यानादिल, अले पलिश्‍तीतय्‌गु शक्तिं बचय् यानादिल, आः अब्‍शालोमं यानाः जुजु देशं बिस्‍युं वंगु दु।

२ शमूएल 2:24

योआब व अबीशैनं धाःसा अबनेरयात लिना हे च्‍वन। निभाः बीवं इपिं अम्‍मा डाँडाय् थ्‍यन। अम्‍मा डाँडा गिबोनया मरुभूमिइ वनीगु लँय् दुगु गीहया पुर्बय् लाः।

२ शमूएल 22:44

छिं जितः विद्रोहीतय्‌पाखें बचय् यानादिल, जाति जातितय् जुजु यानादिल। जिं म्‍हमस्‍यूपिं मनूत नं आः जिगु अधीनय् जुल।

२ शमूएल 5:17

दाऊद इस्राएल न्‍यंकयाम्‍ह जुजु जूगु खँ न्‍यनाः पलिश्‍तीतय्‌सं वयात ज्‍वनेत थः सकल सेना छ्वल। थ्‍व खँ न्‍यनाः दाऊद किल्‍लाय् क्‍वहां वन।

२ शमूएल 5:25

दाऊदं परमेश्‍वरया आज्ञा कथं यात। अले वं पलिश्‍तीतय्‌त बुकल। वं अज्‍ज पलिश्‍तीतय्‌त गिबोनंनिसें गेजेर तक लँ दुच्‍छि हे लिनायंकल।

२ शमूएल 7:9

छ गन वन, जि छनापं च्‍वना, अले जिं छिमि फुक्‍क शत्रुतय्‌त छंगु न्‍ह्यःनेनं चीकाबिया। आः जिं छन्‍त पृथ्‍वीयापिं नांजाःपिं मनूत मध्‍ये छम्‍ह दय्‌काबी।’”

भजनसंग्रहया सफू 18:43

छिं जितः विद्रोहीतय्‌पाखें बचय् यानादिल, जाति जातितय् जुजु यानादिल। जिं म्‍हमस्‍यूपिं मनूत नं आः जिगु अधीनय् जुल।

भजनसंग्रहया सफू 60:2

छिं जिमिगु बँयात लिगिलिगि संकाब्‍यूगु दु, जिमिगु बँयात चिरिफायाब्‍यूगु दु। आः थुकियात जाय्‌काबियादिसँ, छाय्‌धाःसा थ्‍व आः नं सनाच्‍वंगु दु।

भजनसंग्रहया सफू 60:8

मोआब जिगु ल्‍हाः सिलेगु थल खः। एदोमय् जिं थःगु लाकां वांछ्वये। थुकथं थ्‍व जिगु खः धकाः क्‍यने। पलिश्‍त देशयात त्‍याकाः जि चिल्‍लाय् दनाः हाले।”

हिब्रू 11:33

विश्‍वासं हे इमिसं देश देश त्‍याका काल। विश्‍वासं हे इमिसं बांलाक राज्‍य याना वन, अले विश्‍वासं हे परमेश्‍वरं बी धकाः धयादीगु काये खन। विश्‍वासं हे इमिसं सिंहतय्‌गु म्‍हुतुप्‍वाः तिकल।

हिब्रू 11:34

ह्वाना ह्वाना च्‍यानाच्‍वंगु मिं नं इमित छुं याये मफुत। तरवारं पालाः स्‍यायेत्‍यंबलय् नं इपिं बचय् जुल। बमलाःपिं इपिं, आः तसकं बल्‍लाना वल। भचा मग्‍यासे ल्‍वानाः इमिसं पिनें वःपिं शत्रुतय्‌त बिसिका छ्वत।

१ शमूएल 7:13

थुकथं पलिश्‍तीत बुत अले हाकनं छुं ई तक इस्राएलीतनापं लडाइँ याः वये मफुत। शमूएलया जिवंकाछि हे परमप्रभुया ल्‍हाः पलिश्‍तीतय्‌गु विरोधय् लात।