२ शमूएल 7:8 - नेवाः बाइबल

⁸ “उकिं आः वनाः जिम्‍ह दास दाऊदयात थथे धा, ‘दक्‍व शक्ति दुम्‍ह परमप्रभुं थथे धयादी, जिं छन्‍त ख्‍यलय् फैच्‍वलय् ज्वयेगु ज्‍यां लिकयाः इस्राएलया जिमि मनूतय् शासक दय्‌का।

२ शमूएल 7:8 ပူးပေါင်းရင်းမြစ်များ

२ शमूएल 12:7

अनंलि नातानं दाऊदयात धाल, “व मनू ला छि हे खः! परमप्रभु इस्राएलया परमेश्‍वरं धयादी, ‘जिं छन्‍त इस्राएलीतय् जुजु अभिषेक याना। जिं छन्‍त शाऊलया ल्‍हातं बचय् याना।

२ शमूएल 14:13

मिसां धाल, “छिसं छाय् परमेश्‍वरया मनूतय्‌त थज्‍याःगु मभिं यानागु? जुजुं थथे धाःगुलिं इपिं दोषी ठहरय् जुइ, छाय्‌धाःसा देशं पितनाछ्वम्‍ह मनूयात छलपोलं हाकनं लित हयादीत मानय् मजू।

२ शमूएल 23:1

दाऊदयागु दक्‍कलय् लिपांगु वचन थुपिं हे खः – यिशैया काय् दाऊदं धाःगु खँ थ्‍व हे खः, व मनुखं धाःगु खँ, सुयात परमेश्‍वरं तःधंकादिल, सुयात याकूबया परमेश्‍वरं जुजु अभिषेक यानादिल, सु इस्राएलया भजनत हालिम्‍ह खः, वयागु वचन –

२ शमूएल 24:17

अले दाऊदं मनूतय्‌त स्‍यानाच्‍वंम्‍ह स्‍वर्गदूतयात खन अले वं परमप्रभुयात धाल, “पाप यानाम्‍ह जि खः। द्वंकाःगु जिं खः। थुपिं फैत थें छुं मस्‍यूपिन्‍सं छु याःगु दु धकाः? हे परमप्रभु जिमि परमेश्‍वर, जि व जिमि परिवारयात सजाँय बियादिसँ। अय्‌नं थ्‍व विपत्ति छिकपिनि मनूतय्‌के मलायेमा।”

२ शमूएल 5:2

न्‍हापा शाऊल जुजु जुयाच्‍वंबलय् नं छि लडाइँलय् जिमि सिपाइँतय् न्‍ह्यलुवाः जुयादीगु खः। अले परमप्रभुं छितः थथे धयादिल, ‘छ जिम्‍ह मनूतय् जवाः व शासक जुइ।’”

२ शमूएल 6:21

दाऊदं मीकलयात थथे लिसः बिल, “छिमि अबु व वया घरानाया सुयागुं पलेसा जितः वय्‌कःया प्रजा इस्राएलया जुजु ल्‍ययादीम्‍ह परमप्रभुया न्‍ह्यःने थथे यानागु खः। परमप्रभुया न्‍ह्यःने जिं लसतां हने।

१ राजा 3:6

सोलोमनं लिसः बिल, “छिं जिमि बाः दाऊदयात तःधंगु दयामाया क्‍यनादिल, छाय्‌धाःसा वय्‌कः छिगु न्‍ह्यःने इमान्‍दार व विश्‍वास याये बहःम्‍ह जुयाजुल। छिं आः तक नं वयात तःधंगु दयामाया क्‍यनाच्‍वनादीगु दु। आः वय्‌कःया लिपा सिंहासनय् च्‍वनेत छिं वय्‌कःयात थौं छम्‍ह काय् बियादीगु दु।

१ राजा 8:16

‘जिमि मनूतय्‌त मिश्रं पित हयागु दिनंनिसें आः तक जिं जिगु नांया इज्‍जतया निंतिं इस्राएलया छुं नं कुलय् गन नं देगः दय्‌केत शहर ल्‍ययागु मदुनि। तर दाऊदयात जिमि मनूतय्‌त शासन यायेत ल्‍ययागु दु।’”

१ इतिहास 17:7

“उकिं आः वनाः जिम्‍ह दास दाऊदयात थथे धा, ‘दक्‍व शक्ति दुम्‍ह परमप्रभुं थथे धयादी, जिं छन्‍त ख्‍यलय् फैच्‍वलय् ज्‍वयेगु ज्‍यां लिकयाः इस्राएलया जिमि मनूतय् जुजु दय्‌का।

१ इतिहास 21:17

अले दाऊदं परमेश्‍वरयात धाल, “मनूतय्‌त ल्‍याः खायेगु लागि आज्ञा बियाम्‍ह जि खः। पाप यानाम्‍ह जि खः। द्वंकाम्‍ह जि खः। बिचरा फैतय्‌सं छु याःगु दु धकाः? हे परमप्रभु जिमि परमेश्‍वर, जि व जिमि परिवारयात सजाँय बियादिसँ अय्‌नं थ्‍व विपत्ति छिकपिनि मनूतय्‌के मलायेमा।”

आमोस 7:15

तर परमप्रभुं जितः फै-च्‍वलय् ज्‍वयेगुपाखें सःतादिल अले धयादिल, ‘हुँ, वनाः जिमि इस्राएली मनूतय्‌त अगमवाणी धाः।’

प्रेरित 7:46

“दाऊदयात परमेश्‍वरं यःगुलिं वं परमेश्‍वरयाके याकूबया परमेश्‍वरया निंतिं देगः दय्‌काबी धकाः बिन्‍ति यात।

१ शमूएल 10:1

शमूएलं छथल चिकं कयाः शाऊलया छेनय् प्‍वंकाबिल, अले वयात चुप्‍पा नयाः धाल, “परमप्रभुं छितः थः प्रजा इस्राएलीतय् जुजु अभिषेक यानादीगु दु।

१ शमूएल 2:8

वय्‌कलं चीमिपिन्‍त धुलं थकयादी, वय्‌कलं मगाःमचाःपिनिन्‍त नउया द्वं थकयादी, अले इमित इज्‍जतया थासय् तयादी, इमित राजकुमारतय् दथुइ तयादी। “पृथ्‍वीयागु जग परमप्रभुयागु हे खः अले उकी हे वय्‌कलं संसारयात थापं यानादिल।

१ शमूएल 9:16

“जिं कन्‍हय् थ्‍व हे इलय् बेन्‍यामीनया लागां छम्‍ह मनू छ्वयाहये। वयात हे छं जिमि प्रजा इस्राएलया निंतिं जुजु अभिषेक या। वं जिमि प्रजातय्‌त पलिश्‍तीतय्‌गु ल्‍हातं त्‍वःतका हइ। जिं जिमि प्रजायागु दुःख खनागु दु छाय्‌धाःसा इमिगु ख्‍वःसः जिथाय् थ्‍यंगु दु।”