२ शमूएल 7:29 - नेवाः बाइबल

²⁹ अथे जुयाः, आः छिं थःदासया घरानायात लय्‌तायाः आशिष बियादिसँ, थ्‍व न्‍ह्याबलें छिगु न्‍ह्यःने दयाच्‍वनेमा। छाय्‌धाःसा हे परमप्रभु परमेश्‍वर, छिं हे थथे धयादीगु दु। छिगु सुवालं हे छिकपिनि दासया परिवारयात न्‍ह्याबलें सुवाः दयाच्‍वनी।”

२ शमूएल 7:29 ပူးပေါင်းရင်းမြစ်များ

२ शमूएल 22:51

छिं थःम्‍हं ल्‍यःम्‍ह जुजुयात ततःधंगु ल्‍वापु त्‍याके बियादी। छिं थःम्‍हं अभिषेक यानादीम्‍हय्‌सित न्‍ह्याबलें माया यानादी, दाऊदयात व वया सन्‍तानतय्‌त।

२ शमूएल 8:1

जुजु दाऊदं पलिश्‍तीतय्‌त हमला यानाः त्‍याकुबलय् वं मेथेग-आमाहय् अधिकार यात।

१ इतिहास 17:27

व छिगु न्‍ह्यःने न्‍ह्याबलें दयाच्‍वनेमा धकाः आः छिं यय्‌काः थःदासया घरानायात सुवाः बियादीगु दु। परमप्रभु, छिं वयात सुवाः बियादिल अले वयाके न्‍ह्याबलें छिगु सुवाः दइ।”

यशैया 55:3

हे मनूत, जिथाय् वयाः जिगु खँ बांलाक न्‍यँ! अले छिमित जीवन दइ। जिं छिपिंनापं सदांया निंतिं छगू बाचा चिने, जिं दाऊदयात सदां दइगु दयामाया बी धकाः बचं बियागु पवित्र आशिष छिमित बी।