२ शमूएल 7:26 - नेवाः बाइबल

²⁶ अले व थापं जुइमा व छिगु नां न्‍ह्याबलेंया लागि तःधनेमा। अले मनूतय्‌सं थथे धाइ, ‘दक्‍व शक्ति दुम्‍ह परमप्रभु इस्राएलयाम्‍ह खः।’ अले छिं थः दास दाऊदया घरानायात छिगु न्‍ह्यःने सदां तयातयेमा।

२ शमूएल 7:26 ပူးပေါင်းရင်းမြစ်များ

उत्‍पत्ति 17:18

वं परमेश्‍वरयात धाल, “इश्‍माएलयात हे छिगु आशिष बियादीसां ज्‍यूनि।”

२ शमूएल 7:25

“आः हे परमप्रभु परमेश्‍वर, थः दास व जिगु घरानायात छिं छु बचं बियादीगु खः व न्‍ह्याबलेंया लागि थापं जुयाच्‍वनेमा। छिं बचं बियादीगु थें यानादिसँ।

१ राजा 18:36

बलि बीगु इलय् एलिया अगमवक्तां न्‍ह्यःने वनाः प्रार्थना यात, “हे परमप्रभु परमेश्‍वर, अब्राहाम, इसहाक व याकूबया परमेश्‍वर, इस्राएलय् छि हे परमेश्‍वर खः धकाः थौं क्‍यनादिसँ। जि छिकपिनि दास खः, जिं थ्‍व फुक्‍क छिं धयादीगु थें हे यानागु खः।

१ राजा 18:37

जितः लिसः बियादिसँ! हे परमप्रभु, जितः लिसः बियादिसँ! थुपिं मनूतय्‌सं छि हे परमप्रभु, परमेश्‍वर खः अले छिं हे इमिगु मनयात हीकादी धकाः सीमा।”

भजनसंग्रहया सफू 115:1

जिमिगु मखु, हे परमप्रभु, जिमिगु मखु, छिगु सदां दयाच्‍वनीगु दया माया व विश्‍वास याये बहःसूया निंतिं छिगु थःगु हे नांया महिमा जुइमा।

भजनसंग्रहया सफू 61:7

हे परमेश्‍वर, छिगु न्‍ह्यःने वं न्‍ह्याबलें राज्‍य यानाच्‍वनेमा। छिगु सदां दयाच्‍वनीगु माया व विश्‍वासं वयात सुरक्षा बियादिसँ।

भजनसंग्रहया सफू 89:36

वयागु वंश न्‍ह्याबलें दयाच्‍वनी अले जिगु न्‍ह्यःने वयागु सिंहासन सूर्य थें दयाच्‍वनी।

मत्ती 6:9

छिमिसं थथे प्रार्थना या – “‘हे झीम्‍ह स्‍वर्गय् च्‍वनादीम्‍ह परमेश्‍वर बाः, छिगु नां पवित्र जुइमा।

यूहन्‍ना 12:28

‘बाः, छिगु नांयात तःधंकादिसँ।’” अले स्‍वर्गं थथे धयाहल – “जिं तःधंके धुन, आः हानं तःधंके तिनि।”