२ शमूएल 7:23 - नेवाः बाइबल

²³ अले छिगु जाति इस्राएल थें ज्‍याःगु जाति मेगु छु जाति दु धकाः? थः हे मू पुलाः त्‍वःतकेत झाःगु पृथ्‍वीइ मेगु छुं जाति दु ला? छिं मिश्रं थः मनूतय्‌त मू पुलाः त्‍वःतकाः थःगु नां तःधंकादिल, छिं अजू चायापुगु ज्‍या क्‍यनादिल अले छि थःमनूतय्‌गु लँय् दंपिं जाति जातियात व इमि द्यःतय्‌त ख्‍याना छ्वयादिल।

२ शमूएल 7:23 ပူးပေါင်းရင်းမြစ်များ

२ शमूएल 7:24

छिं थः प्रजा इस्राएलयात न्‍ह्याबलेंया लागि थःगु दय्‌कादीगु दु। अले छि हे परमप्रभु, इमि जुयादीगु दु।

१ इतिहास 17:21

अले छिगु जाति इस्राएल थें ज्‍याःगु जाति मेगु छु जाति दु धकाः? उद्धार यायेत परमेश्‍वर थः हे झाःगु पृथ्‍वीइ मेगु छुं जाति दु ला? छिं मिश्रं थः मनूतय्‌त त्‍वःतकाः थःगु नां तःधंकादिल, छिं अजू चायापुगु ज्‍या क्‍यनादिल अले इमिगु लँय् दंपिं जाति जातियात ख्‍यानाः छ्वयादिल।

नहेम्‍याह 1:10

“छिं थःगु तःधंगु शक्तिं व बल्‍लाःगु ल्‍हातं बचय् यानादीपिं इपिं छि दासत व छि थः मनूत खः।

भजनसंग्रहया सफू 106:22

गुम्‍हय्‌सिनं हामया देशय् अजू चायापुगु ज्‍या व लाल समुद्रय् ग्‍यानपुसे च्‍वंगु ज्‍या यानादीगु खः।

भजनसंग्रहया सफू 111:9

वय्‌कलं थः मनूतय्‌त मू पुलाः त्‍वःतकादिल, अले वय्‌कलं इपिंलिसें न्‍ह्याबलेंया बाचा चिनादिल। वय्‌कः पवित्र व मानय् यायेमाःम्‍ह खः।

भजनसंग्रहया सफू 145:6

इमिसं छिगु ततःधंगु ज्‍यायागु शक्तिया बारे खँ ल्‍हाइ, अले जिं छिगु ततःधंगु ज्‍या कने।

भजनसंग्रहया सफू 147:20

मेगु छुं जातियात वय्‌कलं थथे यानादीगु मदु, वय्‌कःया नियम इमिसं मस्‍यू। हल्‍लेलूयाह!

भजनसंग्रहया सफू 40:5

हे परमप्रभु जि परमेश्‍वर! छिं जिमिगु निंतिं यक्‍व हे अजू चायापुगु ज्‍या यानादीगु दु। छिं जिमिगु निंतिं ल्‍याः खानां ल्‍याः खाये मफयेक अजू चायापुगु ग्‍वसाः ग्‍वयादीगु दु। छि थें ज्‍याःम्‍ह सुं हे मदु। छिं यानादीगु ज्‍या कन धाःसा गुबलें नं सिधइ मखु।

भजनसंग्रहया सफू 44:3

इमिसं तरवारया बलं देश त्‍याकाकाःगु मखु, इपिं थःगु शक्तिं त्‍याःपिं नं मखु। छिगु हे जव ल्‍हातं, छिगु हे लप्‍पां व छिगु ख्‍वाःया जलं इपिं त्‍याःगु खः। छाय्‌धाःसा छिं इमित यय्‌कादिल।

भजनसंग्रहया सफू 65:5

हे जिमित उद्धार याइम्‍ह परमेश्‍वर, छिं जिमिगु प्रार्थनाया लिसः अजू चायापुगु ज्‍या यानाक्‍यनाः बियादी। पृथ्‍वीया कुंकुलामय् च्‍वंपिं मनूत व समुद्रया तापाक्‍क तापाक्‍क च्‍वंपिं मनूतय्‌सं नं छितः विश्‍वास याःगु दु।

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

प्रस्‍थान 12:12

“उखुन्‍हु हे चान्‍हय् जि मिश्र जुयाः वने। अले मिश्रया न्‍हापां बूपिं मनूत व पशुत फुक्‍कं स्‍यानाबी। मिश्रया फुक्‍क द्यःतय्‌त सजाँय बी। जि परमप्रभु खः।

प्रस्‍थान 33:16

जिपिंनापं मवंतले जि व जिमि मनूतय्‌सं छिगु दया जिमिके दु धकाः गथे यानाः सीकेगु? मेगु छु खं जि व छिकपिनि मनूत पृथ्‍वी च्‍वंपिं मनूत स्‍वयाः अलग जुइ?”

प्रस्‍थान 6:7

जिं छिमित थः मनू नालाकाये, अले जि छिमि परमेश्‍वर जुइ। अले मिश्रीतय्‌गु दासत्‍वं छिमित पितहःम्‍ह जि हे छिमि परमप्रभु परमेश्‍वर खः धकाः छिमिसं म्‍हसीकी।

प्रस्‍थान 9:15

जिं थःगु ल्‍हाः न्‍ह्यज्‍याकाः छन्‍त व छिमि प्रजायात महामारीं कय्‌कूगु जूसा छ पृथ्‍वीं हे नाश जुयावने धुंकल जुइ।

प्रस्‍थान 9:16

अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।

यर्मिया 32:20

छिं मिश्र देशय् अजू चायापुगु चिं व अजू चायापुगु ज्‍या क्‍यनादिल अले थौं तक इस्राएलीत व फुक्‍क मनूतय्‌त अथे क्‍यनाच्‍वनादीगु दु। आः छितः फुक्‍क थासय् म्‍हस्‍यू।

यर्मिया 32:21

चिंत व अजू चायापुगु ज्‍या क्‍यनाः जिमि शत्रुतय्‌त ख्‍यानाः छिं थः प्रजा इस्राएलयात थःगु शक्ति व बलं मिश्र देशं पित हयादिल।

इजकिएल 20:9

तर जिं अथे मयाना, छाय्‌धाःसा जिं जिगु नांया इज्‍जतयात रक्षा यायेगु ज्‍या याना। जिं इस्राएलीतय्‌त मिश्र देशं पितहःगु खंपिं जःखः च्‍वंगु जातितय्‌गु दथुइ जिं थःगु नांयात बदनाम जुइके मबिया।

गन्‍ती 6:27

“हारून व वया काय्‌पिन्‍सं इस्राएलीतय्‌त सुवाः बियाः जिगु नां काइबलय् जिं इमित सुवाः बी।”

एफिसी 1:6

वय्‌कलं झीत थथे तःधंगु दया माया यानादीगुलिं झीसं वय्‌कःयात तःधंकेमाः। वय्‌कलं थः यःम्‍ह काय्‌पाखें झीत दया माया यानादिल।

व्‍यवस्‍था 10:21

वय्‌कः हे च्‍वछाये बहःम्‍ह छिमि परमेश्‍वर खः। वय्‌कलं छिमिगु निंतिं छिमिसं खंक हे तःधंगु व ग्‍यानपुसे च्‍वंगु अजू चाइपुगु ज्‍या यानादिल।

व्‍यवस्‍था 15:15

मिश्रय् छिपिं दास जुयाच्‍वंबलय् परमप्रभु छिमि परमेश्‍वरं छिमित त्‍वःतकाहयादीगु खँ लुमंकि। अथे जुयाः थौं जिं छिमित थ्‍व आज्ञा बी।

व्‍यवस्‍था 33:29

इस्राएल, छिपिं धन्‍यपिं खः! छिमित थें मेपिं सुयात बचय् यानादीगु दु, छिपिं थें ज्‍याःपिं धन्‍य जाति मेपिं सु दु? परमप्रभु थः हे छिमित ग्‍वाहालि याइगु ढाल व त्‍याकीगु तरवार खः। छिमि शत्रुत छिमिगु न्‍ह्यःने ग्‍यानाः कय्‌कुनाच्‍वनी, अले छिमिसं इमित न्‍हुइ।”

व्‍यवस्‍था 9:26

जिं प्रार्थना यानाः धया, “हे परमप्रभु परमेश्‍वर, छिं ल्‍ययादीपिं थःगु तःधंगु बलं त्‍वःतकाः बल्‍लाःगु ल्‍हातं मिश्रं पित हयादीपिं थः मनूतय्‌त व थःगु सर्बययात नाश यानादी मते।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

यहोशू 7:9

कनानी व थ्‍व देशयापिं मेपिं मनूतय्‌सं थ्‍व खँ न्‍यनेवं इमिसं जिमित घेरय् यानाः पृथ्‍वीं जिमिगु नां हुया बी। अनं लिपा छिं थःगु तःधंगु नांया लागिं छु यानादी?”

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।