२ शमूएल 7:22 - नेवाः बाइबल

²² “हे परमप्रभु परमेश्‍वर, छि थें मेपिं सुं नं मदु, अले जिमिसं थःगु हे न्‍हाय्‌पनं न्‍यनागु थें छि बाहेक मेम्‍ह परमेश्‍वर मदु।

२ शमूएल 7:22 ပူးပေါင်းရင်းမြစ်များ

२ शमूएल 22:32

उकिं परमप्रभु बाहेक मेम्‍ह सु परमेश्‍वर दु? झी परमेश्‍वर बाहेक मेम्‍ह सु ल्‍वहंधी दु?

१ राजा 8:23

प्रार्थना यात, “हे परमप्रभु! हे इस्राएलयाम्‍ह परमेश्‍वर! च्‍वय् स्‍वर्ग व क्‍वय् पृथ्‍वीइ छि थें जाःम्‍ह मेम्‍ह सुं हे ईश्‍वर मदु। छिं थः मनूतलिसें थःगु तःधंगु दयामाया या बाचा पूरा यानादी, गुपिन्‍सं दुनुगलंनिसें छिगु खँ न्‍यनाः जीवन हनी।

१ इतिहास 16:25

परमप्रभु तःधंम्‍ह व तसकं प्रशंसा याये बहःम्‍ह खः। मेपिं द्यःतय्‌त स्‍वयाः वय्‌कःयात अप्‍वः मानय् यायेमाः।

२ इतिहास 2:5

“जिं दय्‌के त्‍यनागु देगः तःधंगु जुइ छाय्‌धाःसा जिमि परमप्रभु परमेश्‍वर फुक्‍क द्यःत स्‍वयाः तःधं।

भजनसंग्रहया सफू 135:5

जिं स्‍यू, परमप्रभु तःधंम्‍ह खः, झी परमप्रभु फुक्‍क द्यःत स्‍वयाः तःधंम्‍ह खः।

भजनसंग्रहया सफू 145:3

परमप्रभु तःधंम्‍ह खः अले प्रशंसा याये बहःम्‍ह खः। वय्‌कः गुलि तःधं धकाः झीसं थुइके हे फइ मखु।

भजनसंग्रहया सफू 44:1

हे परमेश्‍वर, छिं यक्‍व न्‍हापा जिमि पुर्खातय्‌गु पालय् यानादीगु खँ इपिंपाखें जिमिसं थःगु हे न्‍हाय्‌पंनं न्‍यनागु दु।

भजनसंग्रहया सफू 48:1

परमप्रभु तःधंम्‍ह खः, परमेश्‍वरया शहरय्, वय्‌कःया पवित्र पर्वतय् वय्‌कः प्रशंसा याये बहःम्‍ह खः।

भजनसंग्रहया सफू 86:10

छाय्‌धाःसा छि तःधंम्‍ह व अजू चायापुगु ज्‍या यानादीम्‍ह खः, छि हे जक परमेश्‍वर खः।

भजनसंग्रहया सफू 86:8

हे परमप्रभु, द्यःत मध्‍ये छि थें जाःम्‍ह सुं मदु, छिं यानादीगु थें मेपिं सुनानं याये फइ मखु।

भजनसंग्रहया सफू 89:6

छाय्‌धाःसा स्‍वर्गय् परमप्रभु थें जाःम्‍ह सुं नं मदु, परमप्रभुनापं ज्‍वःलाःम्‍ह सुं नं स्‍वर्गयाम्‍ह प्राणी मदु।

भजनसंग्रहया सफू 89:8

हे दक्‍व शक्ति दुम्‍ह परमप्रभु परमेश्‍वर, छि थें ज्‍याःम्‍ह सु दु धकाः? हे परमप्रभु, फुक्‍क खँय् छि विश्‍वास याये बहःम्‍ह खः।

भजनसंग्रहया सफू 96:4

परमप्रभु तःधंम्‍ह व तसकं प्रशंसा याये बहःम्‍ह खः। मेपिं द्यःतय्‌त स्‍वयाः वय्‌कःयात अप्‍वः मानय् यायेमाः।

प्रस्‍थान 10:2

अले जिं गथे यानाः मिश्रीतय्‌त हेस्‍यानाः इमिगु दथुइ गज्‍याः गज्‍याःगु अजू चायापुगु चिं क्‍यना, छं थः काय्‌पिन्‍त व छय्‌पिन्‍त कँ। अले छिमिसं जि हे परमप्रभु खः धकाः सी।”

प्रस्‍थान 15:11

हे परमप्रभु, छि थें जाःम्‍ह सु द्यः दु धकाः? छि थें पवित्रम्‍ह सु दु धकाः? छि थें तःधंगु महिमां जाःम्‍ह व भय कायेबहःम्‍ह सु दु धकाः? छिं थें सुनां अजू चायापुगु ज्‍या क्‍यनेफु?

प्रस्‍थान 8:10

फारोनं धाल, “कन्‍हय्।” मोशां लिसः बिल, “छिं धयादी थें जुइमा। अले छिं परमप्रभु जिमि परमेश्‍वर थें जाःम्‍ह मेपिं सुं मदु धकाः सीकादी।

प्रस्‍थान 8:6

हारूनं मिश्र देशय् च्‍वंगु फुक्‍क लःपाखे थःगु ल्‍हाः न्‍ह्यज्‍याकल, अले देशय् हे त्‍वपुक ब्‍यांचा पिहां वल।

प्रस्‍थान 9:14

मखुसा थ्‍वपालय् जिं छन्‍थाय्, छिमि भारदारतय्‌थाय् व छिमि प्रजायाथाय् तसकं तःधंगु महामारी छ्वयाहये। अले छं थ्‍व पृथ्‍वी न्‍यंक जि थें ज्‍याःम्‍ह मेम्‍ह सुं हे मदु धकाः सी।

यशैया 40:18

अनंलि छिमिसं परमेश्‍वरयात सुनापं दाँजय् यायेगु? अले वय्‌कःयात छु मूर्ति नाप दाँजय् यायेगु?

यशैया 40:25

“छिमिसं जितः सुनापं दाँजय् यायेगु? जि थें ज्‍याःम्‍ह सु दु?” पवित्र परमेश्‍वरं धयादी।

यशैया 45:18

परमप्रभुं स्‍वर्ग सृष्‍टि यानादिल। वय्‌कः हे परमेश्‍वर खः। वय्‌कलं पृथ्‍वीयात बां लुइकादिल, वय्‌कलं उकियात थापं यानादिल। वय्‌कलं पृथ्‍वीयात झिजांमिजां जुइत सृष्‍टि यानादीगु मखु, तर मनूत च्‍वनेत दय्‌कादीगु खः। वय्‌कलं थथे धयादी, “जि हे परमप्रभु खः, जि बाहेक मेपिं सुं नं द्यः मदु।

यशैया 45:22

“जिपाखे फःहिला वा, अले बचय् जु, हे पृथ्‍वीया कुन्‍चाय् थ्‍यंक च्‍वंपिं फुक्‍क मनूत, छाय्‌धाःसा जि हे परमेश्‍वर खः, जि बाहेक मेपिं सुं नं मदु।

यशैया 45:5

जि परमप्रभु खः, जि बाहेक मेपिं सुं नं परमेश्‍वर मदु। छं जितः नाला मकाःसां जिं छन्‍त बल्‍लाके।

इजकिएल 36:22

“उकिं इस्राएलया घरानायात धा, परमप्रभु परमेश्‍वरं थथे धयादी – हे इस्राएलया घराना, छिमिगु लागि जिं थथे याये त्‍यनागु मखु, तर छिमिसं छिपिं वंगु जाति जातितय्‌गु दथुइ अशुद्ध याःगु जिगु नांयात रक्षा यायेत जिं थथे याये।

इजकिएल 36:32

छिमिगु लागि जिं थ्‍व फुक्‍क ज्‍या यानाच्‍वंगु मखु धकाः छिमिसं थूगु जितः यः, परमप्रभु परमेश्‍वरं धयादी। हे इस्राएलया घराना, छिमिगु पहःचहःया कारणं छिपिं लज्‍या चा अले ख्‍वाः ह्याउँकी।

दानिएल 2:45

पर्वतं मनूतय्‌गु ल्‍हातं मथीकं तज्‍यानावःगु ल्‍वहं अले उकिं नँ, कँय्, चा, वहः व लुँयात चुंचुं याःगु छःपिन्‍सं खनादिल। वपाखें तःधंम्‍ह परमेश्‍वरं महाराजयात लिपा छु छु जुइतिनि धकाः क्‍यनादीगु दु। “म्‍हगस धात्‍थेंयागु खः अले अर्थ विश्‍वास यायेबहः जू।”

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

व्‍यवस्‍था 3:24

“परमप्रभु परमेश्‍वर छिं थः दासयात थःगु महिमा व बल क्‍यनादीत्‍यंगु दु। स्‍वर्ग व पृथ्‍वीइ छिं यानादीगु थें ज्‍याःगु ज्‍या व शक्ति क्‍यनेफुम्‍ह सु द्यः दु धकाः?

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।

व्‍यवस्‍था 4:35

परमप्रभु हे परमेश्‍वर खः, वय्‌कः बाहेक मेम्‍ह सुं मदु धकाः थुइकेत उपिं फुक्‍क छिमित क्‍यंगु खः।

व्‍यवस्‍था 4:39

परमप्रभु हे च्‍वय् स्‍वर्गय् व क्‍वय् पृथ्‍वीइ परमेश्‍वर खः अले वय्‌कः बाहेक मेम्‍ह सुं मदु धकाः छिमिसं थौं सीका का, अले नुगलय् ति।

१ शमूएल 2:2

“परमप्रभु थें पवित्रम्‍ह सुं हे मदु, अले वय्‌कः थें ज्‍याःम्‍ह सुं हे मदु। झी परमेश्‍वर थें रक्षा याइम्‍ह मेपिं सुं हे मदु।