२ शमूएल 7:2 - नेवाः बाइबल

² दाऊदं नातान अगमवक्तायात धाल, “थन जि देवदारु सिं दय्‌कूगु लाय्‌कुलिइ च्‍वनाच्‍वनागु दु, परमप्रभुया बाचाया सनू धाःसा पालय् दु।”

२ शमूएल 7:2 ပူးပေါင်းရင်းမြစ်များ

२ शमूएल 11:11

उरियाहं लिसः बिल, “इस्राएल, यहूदा व सनू पालय् हे दु अले जिमि सेनापति योआब व छःपिं जिमि प्रभुया मनूत नं चकंगु ख्‍यलय् पाल ग्‍वयाच्‍वंगु दु। जि जक नयेत्‍वने यायेत व कलाःनापं द्यनेत छेँ वनेगु ला? जिं छःपिनिगु जीवनया नामं पाफयाः धाये, जिं अथे याये फइ मखु।”

२ शमूएल 12:1

परमप्रभुं नातान अगमवक्तायात दाऊदयाथाय् छ्वयादिल, अले व दाऊदया न्‍ह्यःने वनाः थथे धाल, “छगू शहरय् निम्‍ह मनूत दु, छम्‍ह तःमिम्‍ह मेम्‍ह चीमिम्‍ह।

२ शमूएल 5:11

टुरोसया जुजु हीरामं दूतत दाऊदयाथाय् छ्वत। अले वं इपिं नापं सिकःमि-दकःमित व देवदारुया सिँ नं छ्वल। इमिसं दाऊदया निंतिं छगू दरबार नं दय्‌कल।

२ शमूएल 6:17

इमिसं परमप्रभुया सनूयात पाल ग्‍वयाः थःथाय् दुने यंकाः पक्‍का यानातःगु थासय् तये यंकल। अले दाऊदं परमप्रभुया न्‍ह्यःने होमबलि व मेलबलि छाल।

२ शमूएल 7:17

परमेश्‍वरं दर्शनय् वयात धयादीगु फुक्‍क खँ नातानं दाऊदयात कन।

१ राजा 1:22

बतशेबा जुजुनापं नवानाच्‍वंबलय् हे नातान अगमवक्ता नं थ्‍यंकः वल।

१ राजा 1:8

सादोक पुजाहारी, यहोयादाया काय् बनायाह, नातान अगमवक्ता, शिमी, रेई व दाऊदया अङ्गरक्षकत धाःसा अदोनियाहपाखे मली।

१ राजा 4:5

नातानया काय् अजर्याह – जिल्‍लायापिं बडा-हाकिमतय् हाकिम। नातानया काय् जाबूद – पुजाहारी व जुजुयात सल्‍लाह बीम्‍ह।

१ राजा 8:17

सोलोमनं हानं धाल, “इस्राएलयाम्‍ह परमप्रभु परमेश्‍वरया नांया इज्‍जतया निंतिं जिमि बाः दाऊदं देगः दय्‌केगु इच्‍छा याःगु खः।

१ इतिहास 14:1

टुरोसयाम्‍ह जुजु हीरामं दाऊदयाथाय् दूतत छ्वल। वं दाऊदया लाय्‌कू दनेत खयःसिँ, दँकःमित व सिँकःमित नं छ्वल।

१ इतिहास 16:1

लेवीतय्‌सं परमेश्‍वरया सनू हयाः दाऊदं व तयेत ग्‍वःगु पाल दुने तल, अले इमिसं परमेश्‍वरयात होमबलि व मेलबलि छाल।

१ इतिहास 22:7

वं सोलोमनयात धाल, “हे जिमि काय्, थः परमप्रभु परमेश्‍वरया नांया लागि जितः देगः छगः दय्‌के मास्‍ति वःगु ला खः।

१ इतिहास 29:29

दाऊद जुजु जुयाच्‍वंबलय् जूगु फुक्‍क खँ शुरुंनिसें लिपाथ्‍यंक, शमूएल अगमवक्ताया इतिहास व नातान अगमवक्ताया इतिहास व गाद अगमवक्ताया इतिहासया सफुलिइ च्‍वयातःगु दु।

२ इतिहास 1:4

परमेश्‍वरया बाचाया सनू यरूशलेमय् हे दु। दाऊद जुजुं बाचाया सनू किर्यत-यारीमं हयाः यरूशलेमय् थःम्‍हं व तयेत ग्‍वःगु छगू पालय् तःगु खः।

२ इतिहास 29:25

जुजुं लेवीतय्‌त दाऊदं व जुजुया अगमवक्ता गाद व नातान अगमवक्तां क्‍वःछिनातःगु नियमकथं भुस्‍याः वीणा व सारंगीनापं परमप्रभुया देगलय् थथःगु ज्‍याय् तल। थ्‍व नियम परमप्रभुं थः अगमवक्तापाखें बियादीगु खः।

२ इतिहास 9:29

सोलोमन जुजु जुयाच्‍वंबलय् जूगु फुक्‍क खँ, वं याःगु फुक्‍क ज्‍या शुरुंनिसें लिपाथ्‍यंक व नातान अगमवक्ताया इतिहास, शीलोनी अहियाहया अगमवाणी व नबातया काय् यारोबामया बारे अगमवक्ता इद्दोया दर्शनया सफुलिइ च्‍वयातःगु दु।

भजनसंग्रहया सफू 132:2

वं परमप्रभुलिसें पाफल, अले याकूबया दक्‍वसिबय् बल्‍लाःम्‍ह परमेश्‍वरलिसें भाकल यात,

भजनसंग्रहया सफू 132:5

गबले तक परमप्रभुया निंतिं छगूथाय्, याकूबया दक्‍वसिबय् बल्‍लाःम्‍ह परमेश्‍वरयागु निंतिं छगः देगः जिं दय्‌के फइ मखु।”

प्रस्‍थान 40:21

वं बाचाया सनूयात महा-पवित्र थासय् हल। परमप्रभुं मोशायात उजं बियादीगु थें वं पर्दा यख्‍खानाबिल। थुकथं बाचाया सनू खने मदय्‌क तयाबिल।

हाग्‍गै 1:4

“जिगु देगः दुनाच्‍वंगु खंक खंकं छिपिं बांलाःगु छेँय् च्‍वनाच्‍वनेगु ई थ्‍व खः ला?”

यूहन्‍ना 2:17

वय्‌कःया चेलातय्‌सं थ्‍व खँ च्‍वयातःगु लुमंकल – “हे परमेश्‍वर, छिगु देगःया जोशं जितः छ्वय्‌की।”

प्रेरित 7:46

“दाऊदयात परमेश्‍वरं यःगुलिं वं परमेश्‍वरयाके याकूबया परमेश्‍वरया निंतिं देगः दय्‌काबी धकाः बिन्‍ति यात।