२ शमूएल 7:16 - नेवाः बाइबल

¹⁶ छंगु घराना न्‍ह्याबलें दयाच्‍वनी अले छिमि सन्‍तानतय्‌सं जुजु जुयाः न्‍ह्याबलें शासन याइ। अले छंगु सिंहासन न्‍ह्याबलें दयाच्‍वनी।’”

२ शमूएल 7:16 ပူးပေါင်းရင်းမြစ်များ

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

२ शमूएल 22:51

छिं थःम्‍हं ल्‍यःम्‍ह जुजुयात ततःधंगु ल्‍वापु त्‍याके बियादी। छिं थःम्‍हं अभिषेक यानादीम्‍हय्‌सित न्‍ह्याबलें माया यानादी, दाऊदयात व वया सन्‍तानतय्‌त।

२ शमूएल 7:13

जिगु लागि देगः दय्‌कीम्‍ह व हे जुइ, अले जिं वयागु सिंहासन न्‍ह्याबलेंया लागि पलिस्‍था याये।

२ शमूएल 7:17

परमेश्‍वरं दर्शनय् वयात धयादीगु फुक्‍क खँ नातानं दाऊदयात कन।

१ राजा 2:4

छं थथे यात धाःसा परमप्रभुं थथे धयाः जितः बियादीगु बचं पूवंकादी, ‘छं सन्‍तान पहःचहलय् होश याना जुल धाःसा अले जिगु न्‍ह्यःने दुनुगलंनिसें व फुक्‍क प्राणंनिसें विश्‍वास याये बहःम्‍ह जुयाजुल धाःसा छंगु परिवारय् इस्राएलया सिंहासनय् च्‍वनेत छम्‍ह न्‍ह्याबलें दया हे च्‍वनी।’

१ राजा 9:5

जिं छंगु सिंहासनयात सदां बल्‍लाकाबी। जिं छिमि अबु दाऊदयात थथे धकाः बचं बियागु खः, ‘छिमि परिवारय् इस्राएलया सिंहासनय् च्‍वनेत न्‍ह्याबलें छम्‍ह मनू दइ।’

२ राजा 19:34

थःगु निंतिं व जिमि च्‍यः दाऊदया निंतिं, जिं थ्‍व शहरयात रक्षा यानाः बचय् याये।”

२ राजा 8:19

अथेसां थः दास दाऊदया निंतिं परमप्रभुं यहूदायात नाश याये मास्‍ति वय्‌कामदी, छाय्‌धाःसा दाऊद व वया सन्‍तानयात न्‍ह्याबलें जः बियाच्‍वनीगु छप्‍वाः मत बी धकाः वय्‌कलं बचं बियादीगु खः।

२ इतिहास 6:16

“आः हे परमप्रभु, इस्राएलयाम्‍ह परमेश्‍वर, छिं जिमि बाः दाऊदयात बियादीगु थ्‍व बचं नं पूरा यानादिसँ, ‘छं थें छिमि काय्‌पिन्‍सं नं जिगु आज्ञा पालन यात धाःसा छिमि परिवारय् इस्राएलया जुजु जुइत न्‍ह्याबलें मनू दयाच्‍वनी।’

अय्‍यूब 36:7

वय्‌कलं धर्मीतपाखें थःगु मिखा चीकादी मखु, तर वय्‌कलं इमित जुजुपिंनापं तयादी, अले न्‍ह्याबलेंया निंतिं इमित थकयादी।

भजनसंग्रहया सफू 45:6

हे परमेश्‍वर, छिगु राज्‍य न्‍ह्याबलें दयाच्‍वनी। छिं थः मनूतय्‌त न्‍याय यानाः राज्‍य यानादी।

भजनसंग्रहया सफू 72:5

सूर्य व तिमिला दत्तले छिकपिनि मनूतय्‌सं सदां सदां छिगु भय कयाच्‍वनेमा।

भजनसंग्रहया सफू 89:4

‘छिमि छम्‍ह सन्‍तान न्‍ह्याबलें जुजु जुयाच्‍वनी, छंगु सिंहासनयात पुस्‍तां पुस्‍ता तक तये।’” सेला

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यर्मिया 17:25

दाऊदया सिंहासनय् च्‍वंपिं जुजुपिं थः भारदारतनापं थ्‍व शहरया ध्‍वाखात जुयाः दुहां वइ। इपिं व इमि भारदारत रथ व सल गयाः यहूदायापिं मनूत व यरूशलेमयापिं मनूतनापं थ्‍व शहरया ध्‍वाखां वयेगु वनेगु याइ। अले थ्‍व शहर न्‍ह्याबलें दयाच्‍वनी।

यर्मिया 33:17

“परमप्रभुं थथे धयादी, ‘दाऊदया वंशय् इस्राएलया घरानाया गद्दीइ च्‍वनेत न्‍ह्याबलें मनू दया हे च्‍वनी।

इजकिएल 37:25

जिं जिम्‍ह दास याकूबयात बियागु देशय् इपिं च्‍वनी, अन इमि पुर्खात च्‍वनाच्‍वंगु खः। इपिं व इमि सन्‍तानत न्‍ह्याबलें अन च्‍वनी। जिम्‍ह दास दाऊद न्‍ह्याबलेंया निंतिं इमि शासक जुइ।

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

दानिएल 7:14

वय्‌कःयात अधिकार, हनाबना व राज्‍य बिल। जाति जाति, देश देश व थीथी भाय् ल्‍हाइपिं सकसिनं वय्‌कःयागु आराधना यात। वय्‌कःया शासन न्‍ह्याबलें दयाच्‍वनी अले वय्‌कःया राज्‍य गुबलें क्‍वचाइ मखु।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

यूहन्‍ना 12:34

अले यक्‍व मनूतय्‌सं थथे धाल – “जिमिसं मुक्ति बीम्‍ह ख्रीष्‍ट न्‍ह्याबलें म्‍वानाच्‍वनी धकाः व्‍यवस्‍थाय् च्‍वयातःगु न्‍यनागु दु। छिं मनूया काय्‌यात यख्‍खाइ तिनि धकाः गुकथं धयादियागु? थ्‍व मनूया काय् धाःम्‍ह सु खः?”

हिब्रू 1:8

काय्‌यागु खँय् धाःसा वय्‌कलं थथे धयादीगु दु – “हे परमेश्‍वर, छिगु सिंहासन सदां सदां दयाच्‍वनी। छिं छिगु राज्‍यय् च्‍वंपिं मनूतय्‌त फुक्‍कसितं उतिग्‍यंक न्‍याय यानाः बांलाक शासन यानादी।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

१ शमूएल 25:28

हे जिमि प्रभु, छिकपिनि दासीं मभिं याःगु दुसा क्षमा यानादिसँ। परमप्रभुं छिकपिनि वंशयात सदां दय्‌का तयादी, छाय्‌धाःसा छिं परमेश्‍वरया हे लडाइँ यानादीगु दु। छपिनिगु जिवंकाछि छु नं कथंयागु मभिंगु मजुइमा।