२ शमूएल 7:14 - नेवाः बाइबल

^14-15 जि वया बौ जुइ अले व जिम्‍ह काय् जुइ। वं अधर्म यात धाःसा कथिं वयात जिं सजाँय बी अले मनूत छ्यलाः वयात कोर्रां दाये तर जिं छ स्‍वयाः न्‍हापा शासन याइम्‍ह शाऊलपाखें लित कयागु थें जिं वपाखें धाःसा जिगु सदां दयाच्‍वनीगु दयामाया गुबलें लित काये मखु।

२ शमूएल 7:14 ပူးပေါင်းရင်းမြစ်များ

१ राजा 11:34

“ ‘अय्‌नं थुबलय् जिं वयागु ल्‍हातं फुक्‍क राज्‍य लाकाकाये मखु। जिगु आज्ञा व विधि मानय् याःम्‍ह जिं ल्‍ययाम्‍ह दास दाऊदया निंतिं सोलोमन म्‍वाना च्‍वंतले वयात शासक याना हे तये।

१ राजा 9:6

“तर छ वा छिमि सन्‍तानं जिपाखें फहिलाः जिं छन्‍त बियागु आज्ञा व विधित मानय् मयात धाःसा अले मेपिं द्यःत पुजायात धाःसा

१ इतिहास 17:13

जि वया बौ जुइ अले व जिम्‍ह काय् जुइ। जिं छ स्‍वयाः न्‍हापा शासन याइम्‍ह शाऊलपाखें थःगु माया लित कयागु थें जिं वपाखें धाःसा जिगु सदां दयाच्‍वनीगु दयामाया गुबलें लित काये मखु।

१ इतिहास 22:10

वं हे जिगु नांया निंतिं छगः देगः दय्‌की। व जिम्‍ह काय् जुइ, जि वया बाः जुइ। वया वंशयाम्‍ह छम्‍हय्‌सिनं इस्राएलय् न्‍ह्याबलें शासन याइ।’”

१ इतिहास 28:6

परमप्रभुं जितः धयादिल, ‘जिगु देगः व चुकत दय्‌कीम्‍ह छिमि काय् सोलोमन जुइ। जिं वयात जिम्‍ह काय् जुइत ल्‍ययागु दु, अले जि वया बौ जुइ।

अय्‍यूब 5:17

व मनू धन्‍यम्‍ह खः, गुम्‍हसित परमेश्‍वरं न्‍वानादी। उकिं दक्‍व शक्ति दुम्‍ह परमेश्‍वरं ब्‍वःबियादीबलय् तंचाये मते।

भजनसंग्रहया सफू 2:7

जुजुं परमप्रभुं धयादीगु खँ न्‍ह्यथनी, “परमप्रभुं जितः धयादिल, ‘छ जिमि काय् खः, थनिनिसें जि छिमि बाः जुल।

यर्मिया 30:11

परमप्रभुं धयादी, ‘जि छनापं दइ अले छन्‍त बचय् याये। जिं छन्‍त छु छु जातितय्‌थाय् छ्यालब्‍याल यानागु खः, जिं व फुक्‍क जातियात नाश यानाबी, अय्‌नं जिं छन्‍त भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।’”

मत्ती 3:17

अले स्‍वर्गं थथे धयाहल – “थ्‍व जि यःम्‍ह काय् खः, थ्‍व खनाः जि तसकं लय्‌ताः।”

१ कोरिन्‍थी 11:32

सजाँय फयेबलय् संसारयापिं मनूतनापं नाश मजुइमा धकाः प्रभुं झीत कजय् यानाः ख्‍याच्‍वः बियादीगु खः।

२ कोरिन्‍थी 6:18

जि छिमि बाः जुइ। अले छिपिं जिम्‍ह काय्‌म्‍ह्याय्‌पिं जुइ धकाः दक्‍व शक्ति दुम्‍ह परमप्रभुं धयादीगु खः।”

व्‍यवस्‍था 8:5

मनूतय्‌सं थःकाय्‌यात कजय् याःगु थें परमप्रभु छिमि परमेश्‍वरं छिमित कजय् यानादी धकाः छिमिसं सीकि।

हिब्रू 1:5

धर्मशास्‍त्रय् नं परमेश्‍वरं वय्‌कःया काय्‌यात थथे धयादीगु खँ झीसं ब्‍वनागु दु – “छ जिम्‍ह काय् खः, थौंनिसें जि छिमि बाः जुल।” अले हानं धयादिल – “जि वया बाः जुइ, अले व जिम्‍ह काय् जुइ।” परमेश्‍वरं स्‍वर्गदूततय्‌त थथे गुब्‍सं धयामदी।

प्रकाश 21:7

त्‍याकावइपिन्‍त थ्‍व हे अंश दइ। जि वया परमेश्‍वर जुइ, अले व जिम्‍ह काय् जुइ।

प्रकाश 3:19

जिं माया यानापिन्‍त कजय् नं याये, ब्‍वः नं बी, उकिं जिगु वचन बांलाक मानय् यायेमाः व पश्‍चाताप नं यायेमाः।