२ शमूएल 7:13 - नेवाः बाइबल

¹³ जिगु लागि देगः दय्‌कीम्‍ह व हे जुइ, अले जिं वयागु सिंहासन न्‍ह्याबलेंया लागि पलिस्‍था याये।

२ शमूएल 7:13 ပူးပေါင်းရင်းမြစ်များ

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

२ शमूएल 22:51

छिं थःम्‍हं ल्‍यःम्‍ह जुजुयात ततःधंगु ल्‍वापु त्‍याके बियादी। छिं थःम्‍हं अभिषेक यानादीम्‍हय्‌सित न्‍ह्याबलें माया यानादी, दाऊदयात व वया सन्‍तानतय्‌त।

२ शमूएल 7:16

छंगु घराना न्‍ह्याबलें दयाच्‍वनी अले छिमि सन्‍तानतय्‌सं जुजु जुयाः न्‍ह्याबलें शासन याइ। अले छंगु सिंहासन न्‍ह्याबलें दयाच्‍वनी।’”

२ शमूएल 7:27

“हे दक्‍व शक्ति दुम्‍ह परमप्रभु, इस्राएलया परमेश्‍वर, छिम्‍ह दासं छिगु न्‍ह्यःने थ्‍व प्रार्थना यायेगु आँट यानागु दु छाय्‌धाःसा छिं थुपिं फुक्‍क खँ जि छिम्‍ह दासयात क्‍यनादिल अले जिमि सन्‍तानयात जुजु दय्‌के धकाः जितः धयादिल।

१ राजा 2:24

आः जितः जिमि अबु दाऊदया सिंहासनय् तयादीम्‍ह व थःगु बचंकथं जिगु वंश थापं यानादीम्‍ह म्‍वानाच्‍वनादीम्‍ह परमप्रभुया नामय् जिं धाये, थौं हे अदोनियाहयात स्‍यायेगु जुइ!”

१ राजा 2:4

छं थथे यात धाःसा परमप्रभुं थथे धयाः जितः बियादीगु बचं पूवंकादी, ‘छं सन्‍तान पहःचहलय् होश याना जुल धाःसा अले जिगु न्‍ह्यःने दुनुगलंनिसें व फुक्‍क प्राणंनिसें विश्‍वास याये बहःम्‍ह जुयाजुल धाःसा छंगु परिवारय् इस्राएलया सिंहासनय् च्‍वनेत छम्‍ह न्‍ह्याबलें दया हे च्‍वनी।’

१ राजा 2:45

तर सोलोमन जुजुयात सुवाः दइ अले परमप्रभुया न्‍ह्यःने दाऊदया सिंहासन न्‍ह्याबलें सुरक्षित जुयाच्‍वनी।”

१ राजा 5:5

स्‍वयादिसँ, परमेश्‍वरं जिमि अबु दाऊदयात थथे धयादीगु खः, ‘जिं छंगु थासय् सिंहासनय् तयाम्‍ह काय्‌नं हे जिगु नांया निंतिं देगः दय्‌की।’ आः जिं जिमि परमप्रभु परमेश्‍वरया इज्‍जतया निंतिं उगु देगः दय्‌केगु क्‍वःछिनागु दु।

१ राजा 6:12

“छं दय्‌काच्‍वंगु थ्‍व देगःया बारे धाःसा थथे जुइ- छं जिगु विधि व नियम मानय् यात धाःसा अले जिगु आज्ञा मानय् यात धाःसा जिं छिमि बौ दाऊदयात बियागु बचं छपाखें पुरा याये।

१ राजा 8:13

जिं छि न्‍ह्याबलें च्‍वनादीत छगू तसकं तःजिगु देगः दय्‌कागु दु।”

१ राजा 8:15

अले वं धाल, “परमप्रभु इस्राएलया परमेश्‍वरया प्रशंसा जुइमा! वय्‌कलं जिमि बाः दाऊदयात थ्‍व बचं बियादीगु खः अले व पूरा नं यानादीगु दु।

१ राजा 8:19

अय्‌नं व छं गुबलें दय्‌के खनी मखु। छं थः हे काय्‌नं जिगु नांया निंतिं जिगु देगः दय्‌की।’

२ राजा 21:4

वं परमप्रभुया देगलय् वेदीत दय्‌कल, उगु देगःया बारे परमप्रभुं धयादीगु खः, “यरूशलेमय् जिं थःगु नां तये।”

२ राजा 21:7

थःम्‍हं दय्‌के ब्‍यूगु अशेरा द्यःमय्‌जुया थां परमप्रभुया देगलय् तल, उगु देगःया बारे परमप्रभुं दाऊद व वया काय् सोलोमनयात थथे धयादीगु खः, “जिं थ्‍व देगलय् व इस्राएलया फुक्‍क कुलतपाखें ल्‍ययागु यरूशलेमय् जिं न्‍ह्याबलेंया निंतिं जिगु नां तये।

२ राजा 8:19

अथेसां थः दास दाऊदया निंतिं परमप्रभुं यहूदायात नाश याये मास्‍ति वय्‌कामदी, छाय्‌धाःसा दाऊद व वया सन्‍तानयात न्‍ह्याबलें जः बियाच्‍वनीगु छप्‍वाः मत बी धकाः वय्‌कलं बचं बियादीगु खः।

१ इतिहास 28:10

परमप्रभुं थःगु पवित्र देगः दय्‌केत छन्‍त ल्‍ययादीगु दु धइगु खँ छं सीकेमा। उकिं साहस यानाः उगु ज्‍या या।”

२ इतिहास 33:4

मूर्ति पुजा याइपिनिगु निंतिं वं देगलय् वेदीत दय्‌कल। उगु देगःया बारे यरूशलेमय् न्‍ह्याबलें जिगु नां दइ धकाः परमप्रभुं धयादीगु खः।

२ इतिहास 6:16

“आः हे परमप्रभु, इस्राएलयाम्‍ह परमेश्‍वर, छिं जिमि बाः दाऊदयात बियादीगु थ्‍व बचं नं पूरा यानादिसँ, ‘छं थें छिमि काय्‌पिन्‍सं नं जिगु आज्ञा पालन यात धाःसा छिमि परिवारय् इस्राएलया जुजु जुइत न्‍ह्याबलें मनू दयाच्‍वनी।’

अय्‍यूब 36:7

वय्‌कलं धर्मीतपाखें थःगु मिखा चीकादी मखु, तर वय्‌कलं इमित जुजुपिंनापं तयादी, अले न्‍ह्याबलेंया निंतिं इमित थकयादी।

भजनसंग्रहया सफू 72:17

वयागु नां न्‍ह्याबलें लुमनाच्‍वनेमा। सूर्य दतले वयागु नां जायाच्‍वनेमा। फुक्‍क जातियापिन्‍सं वयापाखें परमेश्‍वरया आशिष कायेमा। सकसिनं वयात धन्‍य धायेमा।

भजनसंग्रहया सफू 89:21

जिगु बल न्‍ह्याबलें वयाके दयाच्‍वनी। जिगु शक्तिं वयात बल्‍लाकाबी।

भजनसंग्रहया सफू 89:29

जिं वया वंशयात न्‍ह्याबलें तयातये, अले आकाश दतले वयागु सिंहासन दयाच्‍वनी।

भजनसंग्रहया सफू 89:4

‘छिमि छम्‍ह सन्‍तान न्‍ह्याबलें जुजु जुयाच्‍वनी, छंगु सिंहासनयात पुस्‍तां पुस्‍ता तक तये।’” सेला

यशैया 49:8

परमप्रभुं थथे धयादी, “जिं दयामाया यायेगु इलय् छन्‍त लिसः बी, अले उद्धारया दिनय् छन्‍त जिं ग्‍वाहालि याये। जिं छन्‍त जिमि मनूतलिसें जिगु बाचा चिनेत, देश हाकनं पलिस्‍था यायेत व उकिया नाश जूगु फुक्‍क सम्‍पत्ति हाकनं छिमिगु अधिकारय् हयेत,

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यर्मिया 33:17

“परमप्रभुं थथे धयादी, ‘दाऊदया वंशय् इस्राएलया घरानाया गद्दीइ च्‍वनेत न्‍ह्याबलें मनू दया हे च्‍वनी।

इजकिएल 37:25

जिं जिम्‍ह दास याकूबयात बियागु देशय् इपिं च्‍वनी, अन इमि पुर्खात च्‍वनाच्‍वंगु खः। इपिं व इमि सन्‍तानत न्‍ह्याबलें अन च्‍वनी। जिम्‍ह दास दाऊद न्‍ह्याबलेंया निंतिं इमि शासक जुइ।

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

जकरिया 6:12

दक्‍व शक्ति दुम्‍ह परमप्रभुं वयात थ्‍व धयादिल, ‘स्‍व, कचा धाःम्‍ह थ्‍व मनू थःगु थासय् हे च्‍वन्‍ह्याया वइ अले वं परमप्रभुयागु देगः दय्‌की।

जकरिया 6:13

वं हे परमप्रभुया देगः दय्‌केगु ज्‍या सिधय्‌की अले वयात जुजुयात दइगु मान दइ, वं थः मनूतय्‌त गद्दीं जुजुं थें शासन याइ। वं गद्दीं पुजाहारी जुयाः सेवा याइ। अले थुपिं नितां मिलय् जुयाः ज्‍या याइ।’

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

हिब्रू 3:3

छेँ स्‍वयाः छेँ दय्‌कूम्‍हय्‌सिया इज्‍जत तःधं जुइ। अथे हे मोशा स्‍वयाः येशू यक्‍व अप्‍वः इज्‍जत याये बहःम्‍ह जुयादिल।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।