२ शमूएल 7:10 - नेवाः बाइबल

^10-11 “जिं जिमि मनूत इस्राएलया निंतिं छगूथाय् ल्‍यये। जिं अन हे इमित तये अले इपिं थःगु हे देशय् च्‍वनी। अले जिं थः प्रजा इस्राएलया निंतिं न्‍यायकर्तात धाइपिं नायःत ल्‍ययागु इलंनिसें थुखे इमिसं न्‍हापा दुःख ब्‍यू थें दुष्‍ट मनूतय्‌सं इमित हाकनं गुबलें दुःख बी मखुत। जिं छिमि सकल शत्रुतय्‌त नं नाश यानाबी।” “‘जि परमप्रभुं छंगु निंतिं छगू वंश दय्‌काबी धकाः जिं छन्‍त धाये।

२ शमूएल 7:10 ပူးပေါင်းရင်းမြစ်များ

२ राजा 21:8

इमिसं जिगु फुक्‍क आज्ञा मानय् यानाः जिम्‍ह दास मोशां इमित ब्‍यूगु फुक्‍क विधि व नियम होश यानाः पालन यात धाःसा जिं इमि पुर्खातय्‌त बियागु देशं इस्राएलीतय्‌त थुखे उखे चाःहिके बी मखु।”

१ इतिहास 17:9

जिं थः प्रजा इस्राएलया निंतिं छगूथाय् ल्‍यये। जिं अन हे इमित तये अले इपिं थःगु हे देशय् च्‍वनी। इमित आवंलि दुःख बी मखुत।

२ इतिहास 33:8

इमिसं जिगु फुक्‍क आज्ञा मानय् यानाः जिम्‍ह दास मोशां इमित ब्‍यूगु व्‍यवस्‍था, विधि व नियम होश यानाः पालन यात धाःसा जिं इमि पुर्खातय्‌त बियागु देशं इस्राएलीतय्‌त हाकनं पितिनाछ्वये मखु।”

भजनसंग्रहया सफू 44:2

छिं थःगु हे शक्तिं जाति जातियापिं मनूतय्‌त पितिनाः इमिगु थासय् जिमि पुर्खातय्‌त तयादिल। छिं इमि शत्रुतय्‌त क्‍वत्‍यलाः इमित ब्‍वलंकादिल।

भजनसंग्रहया सफू 44:4

हे परमेश्‍वर, छि हे जिमि जुजु खः, छिं याकूबयात त्‍याके बियादी।

भजनसंग्रहया सफू 80:8

छिं जिमित दाखमा थें मिश्रं हयादिल। छिं मेमेगु जातियापिन्‍त पितिनाः जिमित थःगु देशय् पिनादिल।

भजनसंग्रहया सफू 80:9

छिं जिमित ब्‍वलनेत छिंकादिल। जिमिगु हा बल्‍लात, अले देशन्‍यंक न्‍यनावना।

प्रस्‍थान 1:22

अले फारोनं थः फुक्‍क प्रजायात थथे धकाः उजं बिल, “हिब्रूतय् ग्‍वःम्‍ह काय्‌मस्‍त बुइ इपिं फुक्‍कसित नील खुसिइ यंकाः वांछ्व। म्‍ह्याय् मस्‍तय्‌त जक ल्‍यंका ति।”

प्रस्‍थान 15:17

छिं इमित हयाः थःम्‍हं ल्‍ययातःगु पर्वतय् पिनादी, हे परमप्रभु, छिं थः हे च्‍वनेत दय्‌कादीगु थासय् अले छिं थःगु हे ल्‍हातं दय्‌कादीगु नापलायेगु पाल लागाय् इमित तयादी।

यशैया 5:2

वं क्‍यबय् बुँ पाल। अले ल्‍वहंत लिकयाः वांछ्वल। अले अन वं दक्‍वसिबय् भिंगु दाखमा पित। दाखक्‍यब स्‍वयेत बल्‍चा दय्‌कल, दाख तिसीत ल्‍वहँतय् कियाः छगू गाः म्‍हुल। वं भिंगु दाख सइ धकाः आशा यात अय्‌नं उकी मभिंगु दाख सल।

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

यशैया 60:18

छंगु देशय् हाकनं गुबलें ल्‍वापुख्‍यापु न्‍यनेमाली मखु, छंगु सिमानाया दुने गुबलें स्‍यंगु व नाश जूगु न्‍यनेमाली मखु। तर छंगु पःखाःयात मुक्ति धकाः धाइ, अले छंगु मू ध्‍वाखायात प्रशंसा धकाः धाइ।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यर्मिया 18:9

अले गुगुं जाति वा राज्‍यया बारे जिं उकियात दय्‌के वा थापं याये धकाः गुबलें धयागु दुसा,

यर्मिया 24:6

जिं इमित दया याये अले इमित हाकनं थ्‍व देशय् लित हये, जिं इमित नाश याये मखु तर जिं इमित दय्‌के, जिं इमित लिनाकाये मखु तर तयातये।

इजकिएल 28:24

“‘आवंलि इस्राएलयापिं मनूतय् सिउँडी व च्‍वामुगु कँ दुपिं ईख याइपिं जःलाखःलात दइ मखुत। अले इमिसं जि हे परमप्रभु परमेश्‍वर खः धकाः सी।

होशे 2:18

व दिं हे जिं इमिगु निंतिं गुँपशुत, आकाशया झंगःत व बँय् घिसय् जुइपिं पशुतनापं बाचा ची। सकलें याउँक च्‍वने फयेमा धकाः जिं धनुष वाण, तरवार व लडाइँ देशं तापाकाबी।

आमोस 9:15

जिं जि प्रजा इस्राएलयात इमित बियागु देशय् पी, इमित सुनानं हाकनं लिनाकाये फइ मखु,” परमप्रभु छिमि परमेश्‍वरं धयादी।

प्रकाश 21:4

वय्‌कलं इमिगु मिखाय् च्‍वंगु ख्‍वबि सुचुक हुयादी। आः अन इपिं सी माली मखुत, दुःखं च्‍वने म्‍वाःल, ख्‍वय् म्‍वाःल, अले छुं नं दुःख जुइ मखुत। पुलांगु ज्‍याखँ फुक्‍कं मदयावने धुंकल।”

न्‍यायकर्ता 4:3

इस्राएलीतय्‌सं परमप्रभुयाके ग्‍वाहालि फ्‍वन, छाय्‌धाःसा याबीनयाके गुसःगः नँयागु रथ दु, वं इस्राएलीतय्‌त निइदँ तक सास्‍ती बियाः क्‍वत्‍यलातःगु खः।

१ शमूएल 13:17

पलिश्‍तीतय्‌गु पालं लुतय् याइपिं स्‍वंगू पुचः वल। छगू पुचः शूआलया जिल्‍लाय् दुगु ओप्रापाखे वन।