२ शमूएल 6:2 - नेवाः बाइबल

² अले दाऊद उपिं मनूतनापं परमेश्‍वरया सनू हयेत यहूदाया बालां वन। व सनू करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुयागु खः।

२ शमूएल 6:2 ပူးပေါင်းရင်းမြစ်များ

२ शमूएल 22:11

वय्‌कः करूबया म्‍हय् च्‍वनाः ब्‍वयाझाल। वय्‌कः फय्‌या पपुतिइ च्‍वनाः ब्‍वयाझाल।

भजनसंग्रहया सफू 80:1

हे इस्राएलया फैजवाः, जिमिगु खँ न्‍यनादिसँ। छिं हे योसेफया सन्‍तानयात फैबथांयात थें ज्‍वयादीगु खः। पपू दुपिं करूबतय् दथुइ च्‍वनादीम्‍ह हे परमेश्‍वर, मनूतय्‌त थःगु जः क्‍यनादिसँ।

भजनसंग्रहया सफू 99:1

परमप्रभु जुजु खः, मनूत ग्‍यायेमा। वय्‌कः करूबतय् दथुइ च्‍वनादीगु दु। पृथ्‍वी लिगिलिगि सनेमा।

यशैया 47:4

झीत उद्धार याइम्‍ह दक्‍व शक्ति दुम्‍ह परमप्रभु हे वय्‌कःया नां खः! वय्‌कः इस्राएलया पवित्र परमेश्‍वर खः।

यशैया 54:5

छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

यहोशू 15:60

किर्यत-बाल (थुकियात किर्यत-यारीम नं धाः) अले रब्‍बा। थुपिं फुक्‍क निगू शहर व इमिगु छचाःखेरं दुगु गां।

१ पत्रुस 1:12

अले परमेश्‍वरं व अगमवक्तातय्‌त थ्‍व खँ इमिगु निंतिं जुइ मखु, लिपा छिमिगु निंतिं जुइ धकाः धयादिल। स्‍वर्गं छ्वयाहःगु पवित्र आत्‍मापाखें भिंगु खँ न्‍यंकीपिन्‍सं छिमित आः न्‍यंकाच्‍वंगु खँयात स्‍वर्गदूततय्‌सं आः तकं थुइकेत स्‍वयाच्‍वंगु दु।

१ शमूएल 4:4

अथे जुयाः इमिसं शीलोय् मनूत छ्वल अले करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुया बाचाया सनू हल। एलीया निम्‍ह काय्‌पिं होप्‍नी व पीनहास नं व सनू नापं हे वल।

१ शमूएल 6:21

अले इमिसं किर्यत-यारीमया मनूतय्‌थाय् थ्‍व खबर छ्वत, “पलिश्‍तीतय्‌सं परमप्रभुया बाचाया सनू लित हःगु दु। क्‍वहां वयाः थ्‍व छिकपिन्‍थाय् यंकादिसँ।”

१ शमूएल 7:1

अथे जुयाः किर्यत-यारीमया मनूत वयाः परमप्रभुया सनू यंकल। इमिसं सनू डाँडाय् च्‍वनाच्‍वंम्‍ह अबीनादाबया छेँय् हल। वया काय् एलाजारयात सनू स्‍वयेगु ज्‍याया निंतिं लःल्‍हाना बिल।