२ शमूएल 6:14 - नेवाः बाइबल

¹⁴ दाऊदं सूती कापःयागु एपोद फिनाः परमप्रभुया न्‍ह्यःने थःगु बलं फतले प्‍याखं हुल।

२ शमूएल 6:14 ပူးပေါင်းရင်းမြစ်များ

२ शमूएल 6:15

थुकथं दाऊद व फुक्‍क इस्राएलीतय्‌सं ततःसलं हालाः व तुरही पुयाः परमप्रभुया सनू ज्‍वनावल।

२ शमूएल 6:20

दाऊदं थः परिवारयात सुवाः बीत वःबलय् शाऊलया म्‍ह्याय् मीकल वयात नापलायेत पिहां वयाः थथे धाल, “थौं इस्राएलया जुजुया निंतिं गज्‍याःगु गौरवया दिं! व थः दासीतय्‌गु न्‍ह्यःने पचिनांगा जुयाः वँय् थें जुल।”

१ इतिहास 15:27

दाऊद व सनू क्‍वबिपिं सकल लेवीत म्‍ये हालीपिं व म्‍ये हालिपिनि नायः कनन्‍याहं मलमलयागु वसः फिनातःगु दु। दाऊदं मलमलया एपोद नं फिनातःगु दु।

भजनसंग्रहया सफू 149:3

प्‍याखं ल्‍हुल्‍हुं इमिसं वय्‌कःया नांया प्रशंसा यायेमा, दम्‍फु व वीणा थानाः इमिसं वय्‌कःया भजन हालेमा।

भजनसंग्रहया सफू 150:4

दम्‍फु थाथां प्‍याखं ल्‍हुयाः वय्‌कःया प्रशंसा या। वीणा थानाः अले बाँसुरी पुयाः वय्‌कःया प्रशंसा या।

भजनसंग्रहया सफू 30:11

जिगु दुःखयात छिं लसताया प्‍याखनय् हिलादिल। जिगु दुःखयात न्‍हंकाः छिं लसतां जाय्‌कादिल।

भजनसंग्रहया सफू 87:7

इपिं प्‍याखं ल्‍हुइ अले म्‍ये हाली, “जिमिगु फुक्‍क सुवाःया मुहान सियोनय् दु।”

प्रस्‍थान 15:20

अले हारूनया तता मिरियम अगमवादिनीनं दम्‍फु काल। फुक्‍क मिसात नं दम्‍फु ज्‍वनाः प्‍याखं हुहुं वया ल्‍यूल्‍यू वल।

प्रस्‍थान 15:21

मिरियमं थथे धकाः म्‍ये हाल, “परमप्रभुयागु म्‍ये हा छाय्‌धाःसा वय्‌कलं तःधंगु ज्‍या यानादीगु दु, सल व सल गयावःपिन्‍त वय्‌कलं समुद्रय् वांछ्वयादीगु दु।”

प्रस्‍थान 19:6

छिपिं जिगु निंतिं पुजाहारीतय्‌गु छगू राज्‍य व छगू पवित्र जाति जुइ।’ छं इस्राएलीतय्‌त धायेमाःगु खँ थ्‍व हे खः।”

उपदेशक 9:10

छंगु ल्‍हातय् छु ज्‍या दु व थःगु बलं फत्तले या, छाय्‌धाःसा पातालय् वनीबलय् अन न छुं ज्‍या याइ, न ग्‍वसाः ग्‍वइ, न ज्ञान दइ, न त बुद्धि हे दइ।

इजकिएल 46:10

इपिं दुहां वइबलय् इमिगु दथुइ च्‍वनाः शासक वयेमाः अले शासक पिहां वनीबलय् इपिंनापं हे पिहां वनेमाः।

लूका 15:25

“अबलय् वया तःधिकःम्‍ह काय् बुँइ वनाच्‍वंगु जुयाच्‍वन। बुं लिहां वयाः छेँ लिक्‍क थ्‍यंबलय् वं छेँय् म्‍ये हालाच्‍वंगु व प्‍याखं ल्‍हुयाच्‍वंगु सः ताल।

व्‍यवस्‍था 6:5

परमप्रभु झी परमेश्‍वरयात दुनुगलंनिसें माया या, थःगु प्राण बिया तकं माया या, अले थःगु बलं फत्तले माया या।

कलस्‍सी 3:23

न्‍ह्यागु याःसां मनूतय्‌गु निंतिं मखु, बरु प्रभुयागु निंतिं यानाच्‍वना धकाः मतिइ तयाः दुनुगलंनिसें यायेमाः।

न्‍यायकर्ता 11:34

यिप्‍ता मिस्‍पाय् थःगु छेँय् लिहां वःबलय् वयात पिने नापलायेत दम्‍फुत थाथां अले प्‍याखं हुहुँ झ्‍वात्त वया म्‍ह्याय् पिहां वल। व वया याकः म्‍ह्याय् खः, वया मेपिं सुं नं काय्‌म्‍ह्याय् मदु।

न्‍यायकर्ता 21:21

नखः खुन्‍हु शीलोयापिं कुमारी मिस्‍त प्‍याखं हुलेत वइबलय् छिपिं दाखक्‍यबं पिहां वयाः छम्‍ह छम्‍हय्‌सिनं छम्‍ह छम्‍हय्‌सित भम्‍चा दय्‌केत ज्‍वँ। कुमारी मिस्‍तय्‌त थःनापं थःगु देशय् ज्‍वनाः हुँ।

१ शमूएल 2:18

उबलय् शमूएल भिंगु सूती कापःया एपोद फिनाः परमप्रभुया न्‍ह्यःने सेवा याना हे च्‍वन।

१ शमूएल 2:28

जिं इस्राएलया फुक्‍क कुल मध्‍ये छिमि पुर्खा हारूनयात जिमि पुजाहारी जुइत, जिगु वेदीइ बलि छायेत, गुँगू थनेत व जिगु न्‍ह्यःने पुजाहारीया भिंगु सूती कापःया वसः फिनाः वयेत ल्‍ययागु खः। इस्राएलया फुक्‍क विशेष देछा छिमि पुर्खातय्‌गु निंतिं अलग तयाबिया।

१ शमूएल 22:18

अथे जुयाः जुजुं एदोमी दोएगयात धाल, “अय् दोएग, वनाः पुजाहारीतय्‌त स्‍या।” अले एदोमी दोएगं वनाः पुजाहारीतय्‌त स्‍यात। उखुन्‍हु वं चयन्‍याम्‍ह एपोद फिनातःपिं पुजाहारीतय्‌त थःगु हे ल्‍हातं स्‍यात।