२ शमूएल 6:12 - नेवाः बाइबल

¹² परमप्रभुया सनूया कारणं परमप्रभुं ओबेद-एदोमया छेँ व वयागु परिवारयात आशिष बियादिल धकाः न्‍यनाः दाऊदं वनाः ओबेद-एदोमया छेँनं परमप्रभुया सनू लय्‌लय्‌तातां खुशी जुयाः दाऊदया शहरय् हल।

२ शमूएल 6:12 ပူးပေါင်းရင်းမြစ်များ

२ शमूएल 5:7

अय्‌नं दाऊदं सियोनया गद्दी त्‍याकाकाल। लिपा थ्‍व शहरया नां “दाऊदया शहर” जुल।

१ राजा 8:1

अले सोलोमनं इस्राएलया थकालित, कुल कुलया नायःत व इस्राएलया परिवार परिवारया मू मू मनूतय्‌त दाऊदया शहर सियोनं परमप्रभुया बाचा चिनादीगु सनू देगलय् यंकेत यरूशलेमय् सःतल।

१ राजा 8:3

इस्राएलया फुक्‍क थकालित वयेधुंकाः पुजाहारीतय्‌सं सनू ल्‍ह्वन।

१ राजा 8:4

अले पुजाहारीत व लेवीतय्‌सं परमप्रभुया सनू, नापलायेगु पाल व उकी दुगु फुक्‍क पवित्र सामान व ज्‍वलं क्‍वबियाः च्‍वय् यंकल।

१ इतिहास 15:15

मोशां परमेश्‍वरया वचनकथं आज्ञा ब्‍यू थें लेवीतय्‌सं परमेश्‍वरया सनू न्‍वःनापं थथःगु ब्‍वहलय् क्‍वबिया हल।

१ इतिहास 15:25

अले दाऊद व इस्राएलयापिं थकालित व द्वःछि-द्वःछिम्‍ह सिपाइँतय् नायःत ओबेद-एदोमया छेँनं लय्‌लय्‌तातां बाचाया सनू हयेत वन।

१ इतिहास 16:16

व बाचा वय्‌कलं अब्राहामलिसे चिनादिल, अले उकिया बारे वय्‌कलं इसहाकलिसे पाफयादिल।

१ इतिहास 26:4

ओबेद-एदोमया नं काय्‌पिं दु – दक्‍वसिबय् तःधिकःम्‍ह शमायाह निम्‍हम्‍ह यहोजाबाद, स्‍वम्‍हम्‍ह योआ, प्‍यम्‍हम्‍ह साकार, न्‍याम्‍हम्‍ह नतनेल,

१ इतिहास 26:5

खुम्‍हम्‍ह अम्‍मीएल, न्‍हयम्‍ह इस्‍साखार, अले च्‍याम्‍हम्‍ह पुल्‍लतै खः। (छाय्‌धाःसा परमेश्‍वरं ओबेद-एदोमयात सुवाः बियादीगु खः।)

२ इतिहास 5:2

अनंलि सोलोमनं इस्राएलयापिं थकालित, कुल कुलयापिं सकलें नायःत व इस्राएलया परिवारया मू मू मनूतय्‌त परमप्रभुया बाचाया सनू दाऊदया शहर सियोनं देगलय् हयेत यरूशलेमय् मुंकल।

मत्ती 10:42

जिं छिमित खःगु खँ धाये – सुनानं जिमि चेला खः धकाः दकलय् चिधंम्‍ह मनूयात तकं छगू गिलास जक लः त्‍वंकूसां वं सिरपाः कायेखनी।”