२ शमूएल 5:6 - नेवाः बाइबल

⁶ दाऊद जुजु व सकल इस्राएलीत वनाः यरूशलेम शहरय् हमला यात। उबलय् अन यबूसीत च्‍वनाच्‍वंगु खः। यबूसीतय्‌सं दाऊदयात धाल, “छ थ्‍व शहरय् दुहां वये फइ मखु। कांपिं व खुत्‍यांपिन्‍सं नं छन्‍त ख्‍यानाछ्‌वइ।” इमिसं थथे बिचाः यात दाऊद गुबलें नं थन दुहां वये फइ मखु।

२ शमूएल 5:6 ပူးပေါင်းရင်းမြစ်များ

उत्‍पत्ति 14:18

शालेमया जुजु मल्‍कीसेदेक मरि व दाखमद्य ज्‍वनाः वल। व दक्‍वसिबय् तःधंम्‍ह परमेश्‍वरया पुजाहारी खः।

२ शमूएल 22:30

छिगु ग्‍वाहालिं जिं शत्रुतय्‌गु पुचलय् नं हय्‌काये फु अले जिमि परमेश्‍वरया ग्‍वाहालिं जिं न्‍ह्याथें ज्‍याःगु पःखाः नं गये फु।

हितोपदेश 21:22

बुद्धिमानतय्‌सं बल्‍लाःपिं मनूतय्‌गु शहरय् हय्‌काइ, अले इमिसं भलसा कयातःगु किल्‍ला थुनाबी।

यर्मिया 21:13

जि थः हे छंगु विरोधय् दु, अय् यरूशलेम, अय् थ्‍व ब्‍यासिया च्‍वय् च्‍वंपिं, ल्‍वहंया ल्‍वहं दुगु तज्‍जाःगु माथंवंगु थासय् च्‍वंपिं, जि, परमप्रभुं धाये, छिमिसं धाइ “सुनां जिमित हमला याये फइ? वा जिपिं च्‍वनेगु थासय् सु दुहां वये फइ?”

यर्मिया 37:10

छिपिंलिसें ल्‍वाइपिं बेबिलोनीतय्‌गु फुक्‍क सेनायात छिमिसं त्‍याकल धाःसां अले इमि घाःपाः जूपिं जक पालय् ल्‍यनाच्‍वन धाःसां इपिं घाःपाः जूपिं वयाः थ्‍व शहरयात मिं नकाबी।”

हिब्रू 7:1

थ्‍व मल्‍कीसेदेक शालेमयाम्‍ह जुजु, अले दकलय् तःधंम्‍ह परमेश्‍वरया पुजाहारी खः। लडाइँलय् जुजुपिन्‍त त्‍याकाः लिहां वयाच्‍वंम्‍ह अब्राहामयात नाप लानाः मल्‍कीसेदेकं आशिष बिल।

यहोशू 10:3

उकिं यरूशलेमयाम्‍ह जुजु अदोनिसेदेकं हेब्रोनयाम्‍ह जुजु होहाम, यर्मूतयाम्‍ह जुजु पिराम, लाकीशयाम्‍ह जुजु यापी व एग्‍लोनयाम्‍ह जुजु दबीरयात थथे धाय्‌के छ्वत,

यहोशू 15:63

यहूदाया मनूतय्‌सं यरूशलेमय् च्‍वंपिं यबूसीतय्‌त पितछ्वये मफुत। थौं तक नं यबूसीत यहूदायापिं मनूतलिसें च्‍वनाच्‍वंगु दु।

यहोशू 18:28

सेलाह, एलेप, यबूसी शहर धाइगु यरूशलेम, गिबा व किर्यत-झिंप्‍यंगू शहर व इमिगु फुक्‍क गां। बेन्‍यामीनया वंशतय्‌त थुपिं सर्बय् दत।

न्‍यायकर्ता 1:21

बेन्‍यामीनीतय्‌सं धाःसा यरूशलेमयापिं यबूसीतय्‌त ख्‍याना मछ्वः। उकिं यबूसीत थौं तक नं बेन्‍यामीनीतलिसें यरूशलेमय् च्‍वनाच्‍वंगु दु।

न्‍यायकर्ता 1:8

यहूदाया मनूतय्‌सं यरूशलेमय् हमला यानाः उकियात त्‍याकाकाल। इमिसं अनयापिं मनूतय्‌त तरवारं स्‍यात, अले व शहरय् मि च्‍याकाबिल।