२ शमूएल 5:3 - नेवाः बाइबल

³ इस्राएलयापिं सकल थकालित हेब्रोनय् जुजु दाऊदयाथाय् वल। दाऊदं इपिंलिसें परमप्रभुया न्‍ह्यःने बाचा चिन। इमिसं दाऊदयात इस्राएलया जुजु अभिषेक यात।

२ शमूएल 5:3 ပူးပေါင်းရင်းမြစ်များ

२ शमूएल 2:4

अले यहूदाया मनूत हेब्रोनय् वल अले दाऊदयात अन यहूदाया घरानाया जुजु कथं अभिषेक यात। याबेश-गिलादया मनूतय्‌सं शाऊलयात थुनाब्‍यूगु खः धयागु खँ दाऊदयात न्‍यंकल।

२ शमूएल 2:7

बल्‍ला व मग्‍याःम्‍ह जु छाय्‌धाःसा छिमि मालिक शाऊल सीगु दु अले यहूदाया मनूतय्‌सं जितः थः जुजु अभिषेक याःगु दु।”

२ शमूएल 3:21

अले अबनेरं दाऊदयात धाल, “आः जि वने, फुक्‍क इस्राएलीत छिनापं मिलय् जुइ फयेमा धकाः जिं इमित थः प्रभु महाराजयाथाय् मुंके। अनंलि छिं थः इच्‍छा यानादी थें शासन यानादिसँ।” दाऊदं अबनेरयात बिदा बिल, अले व खुशी जुयाः वन।

१ राजा 1:34

अन पुजाहारी सादोक व अगमवक्ता नातानं वयात इस्राएलया जुजु अभिषेक यायेमाः। फैया नेकू पु, अले थथे धकाः तःसलं हा, ‘जुजु सोलोमन ताःई तक म्‍वानाच्‍वनेमा।’

२ राजा 11:17

अले यहोयादां परमप्रभु, जुजु, थः प्रजाया दथुइ जिपिं परमप्रभुया प्रजा जुया हे च्‍वने धकाः बाचा चीके बिल। जुजु व प्रजाया दथुइ नं वं छगू बाचा चिनाबिल।

१ इतिहास 11:1

इस्राएलयापिं सकल मनूत हेब्रोनय् दाऊदयाथाय् मुंवयाः वयात थथे धाल, “जिपिं छिगु हे ला व हि खः।

१ इतिहास 11:3

इस्राएलयापिं सकल थकालित हेब्रोनय् जुजु दाऊदयाथाय् वल। दाऊदं इपिंलिसें परमप्रभुया न्‍ह्यःने बाचा चिन। परमप्रभुं शमूएलया म्‍हुतुं धयादीगु थें हे इमिसं दाऊदयात इस्राएलया जुजु अभिषेक यात।

१ इतिहास 28:4

“परमप्रभु, इस्राएलयाम्‍ह परमेश्‍वरं जिमि अबुया फुक्‍क परिवारया दथुं जितः इस्राएलय् शासन यायेत ल्‍ययादिल। वय्‌कलं यहूदायात नायःकथं ल्‍ययादिल, अले यहूदाया कुलं जिगु परिवारयात ल्‍ययादिल, उगु परिवारं जितः कयाः इस्राएल न्‍यंकयाम्‍ह जुजु दय्‌केगु वय्‌कलं इच्‍छा यानादिल।

२ इतिहास 23:16

अले यहोयादां थः प्रजा व जुजुया दथुइ जिपिं परमप्रभुया प्रजा जुया हे च्‍वने धकाः छगू बाचा चित।

नहेम्‍याह 9:38

“थुपिं फुक्‍क कारणं जिपिं इस्राएलीतय्‌सं च्‍वयाः थ्‍व बचं बी। अले जिमि नायः, लेवी व पुजाहारीतय्‌सं थुकी सही छाप तयाबी।”

प्रस्‍थान 3:16

“छ वनाः इस्राएलयापिं थकालित मुंकाः इमित थथे धा, ‘छिमि पुर्खा अब्राहाम, इसहाक, याकूबया परमप्रभु परमेश्‍वर जिथाय् न्‍ह्यःने खनेदय्‌कः झायाः थथे धयादीगु दु, जि छिमिथाय् वयागु दु, मिश्रय् छिमित गुलि दुःख ब्‍यूगु दु व नं जिं खनागु दु।

यहोशू 10:36

हानं यहोशू सकल इस्राएलीतनापं ऐग्‍लोनं हेब्रोनय् वन। इमिसं व शहरयात हमला यात।

न्‍यायकर्ता 11:11

उकिं यिप्‍ता गिलादया थकालित नापं वन, अले मनूतय्‌सं वयात थः न्‍ह्यलुवाः व सेनापति दय्‌कल। अले मिस्‍पाय् परमप्रभुया न्‍ह्यःने यिप्‍तां थःगु फुक्‍क खँ हाकनं धाल।

१ शमूएल 11:15

अथे जुयाः इपिं फुक्‍क गिलगालय् वनाः परमप्रभुया न्‍ह्यःने मेलबलि छाल अले परमप्रभुया न्‍ह्यःने शाऊलयात जुजु घोषणा यात। शाऊल व फुक्‍क इस्राएलीतय्‌सं खुशी जुयाः तःधंगु नखः हन।

१ शमूएल 16:13

शमूएलं नेकुलिं चिकं कयाः वया दाजुपिनिगु न्‍ह्यःने हे वयात अभिषेक यात। उखुन्‍हुनिसें परमप्रभुया आत्‍मा दाऊदयाके वल। अनंलि शमूएल दनाः रामाया लँपु जुयाः वन।

१ शमूएल 23:18

थुपिं निम्‍हय्‌सिनं परमप्रभुया न्‍ह्यःने थःथवय् स्‍वापु तयाः पवित्र बाचा चीत। अले जोनाथन थःगु छेँ लिहां वन दाऊद धाःसा होरेशय् तुं च्‍वन।