२ शमूएल 5:20 - नेवाः बाइबल

²⁰ दाऊद व वया सेना बाल-पराजीमय् वन। अन इमिसं पलिश्‍तीतय्‌त बुकल। अले दाऊदं धाल, “लः पंम्‍हुया पिहां वःगु थें परमप्रभु जिमि शत्रुतय् विरोधय् जिगु न्‍ह्यःने पंम्‍हुया पिहां झाःगु दु।” अथे जुयाः व थाय्‌या नां बाल-पराजीम तल।

२ शमूएल 5:20 ပူးပေါင်းရင်းမြစ်များ

२ शमूएल 19:9

अले इस्राएलया फुक्‍क कुलत थथे धयाः जवाःसवाः यानाच्‍वन, “जुजुं झीत थः शत्रुतपाखें छुत्‍कारा यानादिल, अले पलिश्‍तीतय्‌गु शक्तिं बचय् यानादिल, आः अब्‍शालोमं यानाः जुजु देशं बिस्‍युं वंगु दु।

१ इतिहास 14:11

दाऊद व वया सेना बाल-पराजीमय् वन। अन इमिसं पलिश्‍तीतय्‌त बुकल। अले वं धाल, “लः पंम्‍हुया पिहां वःगु थें जिमि शत्रुतय् विरोधय् परमेश्‍वरं जिपाखें पंम्‍हुया पिहां झाःगु दु।” अथे जुयाः व थाय्‌या नां बाल-पराजीम तल।

भजनसंग्रहया सफू 60:1

हे परमेश्‍वर! छिं जिमित त्‍वःतादिल। जिपिं खनाः छि तंम्‍वयादीगु दु। उकिं जिमिगु रक्षा यायेगु नं त्‍वःतादिल। जिमित हाकनं स्‍वयादिसँ।

यशैया 28:21

वय्‌कःया ज्‍या, थःगु गज्‍जबगु ज्‍या पूवंकादीत परमप्रभु पराजीम पर्वतय् दनादी थें दनादी, गिबोनया ब्‍यासि वय्‌कः झायादी थें झाइ।

हबकूक 3:13

थः मनूतय्‌त उद्धारया निंतिं, थः अभिषेक जूम्‍हय्‌सित बचय् यायेत छि झायादिल। दुष्‍टताया देशया न्‍हेलुवाःयात छिं चुंचुं यानादिल, वयागु छेनंनिसें तुति तक पचिनांगा यानादिल। सेला