२ शमूएल 5:10 - नेवाः बाइबल

¹⁰ अले दाऊद झन झन बल्‍लानावन। छाय्‌धाःसा दक्‍व शक्ति दुम्‍ह परमप्रभु वलिसे दी।

२ शमूएल 5:10 ပူးပေါင်းရင်းမြစ်များ

उत्‍पत्ति 21:22

थुबलय् हे अबीमेलेक व वया सेनापति पीकोलं अब्राहामयात धाल, “छिं यानादीगु न्‍ह्यागु ज्‍याय् नं छितः परमेश्‍वरं आशिष बियादिल।

२ शमूएल 3:1

शाऊलया घराना व दाऊदया घरानाया दथुइ यक्‍व दिं तक लडाइँ जुयाच्‍वन। दाऊद झन झन बल्‍लानावन, अले शाऊलया घराना धाःसा झन झन बमलाना वन।

२ शमूएल 7:9

छ गन वन, जि छनापं च्‍वना, अले जिं छिमि फुक्‍क शत्रुतय्‌त छंगु न्‍ह्यःनेनं चीकाबिया। आः जिं छन्‍त पृथ्‍वीयापिं नांजाःपिं मनूत मध्‍ये छम्‍ह दय्‌काबी।’”

२ शमूएल 8:14

व अनं लिहां वःबलय् एदोमय् सिपाइँतय् छाउनीत तल, अले सकल एदोमीत दाऊदया अधीनय् च्‍वन। दाऊद न्‍ह्याथाय् वंसां परमप्रभुं वयात त्‍याकादिल।

२ शमूएल 8:6

अले दाऊदं अरामया दमस्‍कस शहरय् प्‍यखें छाउनीत तल। अरामीतय्‌सं दाऊदया अधीनय् च्‍वनाः वयात कर पुल। थुकथं दाऊद न्‍ह्याथाय् वंसां परमप्रभुं वयात त्‍याकादिल।

अय्‍यूब 17:9

थ्‍व फुक्‍क जूसां तबि धर्मी मनूत थःगु लँय् वना हे च्‍वनी, अले सुयागु ल्‍हाः शुद्ध जू, व बल्‍लानावनी।

भजनसंग्रहया सफू 24:10

तःधंम्‍ह जुजु सु खः? दक्‍व शक्ति दुम्‍ह परमप्रभु! वय्‌कः तःधंम्‍ह जुजु खः। सेला

भजनसंग्रहया सफू 46:11

दक्‍व शक्ति दुम्‍ह परमप्रभु झीनापं दी, याकूबया परमेश्‍वर झीगु शरण कायेगु थाय् खः। सेला

भजनसंग्रहया सफू 46:7

दक्‍व शक्ति दुम्‍ह परमप्रभु झीलिसे दी, याकूबया परमेश्‍वर झी शरण कायेगु थाय् खः।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

हाग्‍गै 2:4

परमप्रभुं धयादी, ‘हे यरूबाबेल, साहस या! हे यहोसादाकया काय्, दकलय् तःधंम्‍ह पुजाहारी यहोशू, साहस या!’ परमप्रभुं धयादी, ‘देशय् दक्‍व मनूत साहस यानाः ज्‍या न्‍ह्याकि। छाय्‌धाःसा जि छिपिंलिसे दु,’ दक्‍व शक्ति दुम्‍ह परमप्रभुं घोषणा यानादी।

लूका 2:52

वय्‌कः मनूतय्‌गु व परमेश्‍वरयागु दया मायां झन झन तःधिकः जुयाः बुद्धिं जायावल।

रोमी 8:31

आः थ्‍व खँयात झीसं छु धायेगु? परमेश्‍वर झीनाप दीसा झीनाप ल्‍वाइपिं सु?

१ शमूएल 18:12

शाऊल दाऊद खनाः दाह जुल, अले ग्‍यात छाय्‌धाःसा दाऊदनापं परमप्रभु दी तर शाऊलयात परमप्रभुं त्‍वःतादी धुंकूगु खः।

१ शमूएल 18:14

परमप्रभु व नापं दीगुलिं वं याःगु न्‍ह्यागु ज्‍याय् नं व ताःलात

१ शमूएल 18:5

शाऊलं याके छ्वःगु न्‍ह्याथें ज्‍याःगु ज्‍या यायेत नं दाऊद तसकं ताःलात। अले शाऊलं वयात थःगु सेनापतिया पदय् तयेत ल्‍यल। थुकथं वयागु मान व पद च्‍वन्‍ह्याःगुलिं फुक्‍क सिपाइँत व शाऊलया हाकिमत नं लय्‌ताल।