२ शमूएल 4:9 - नेवाः बाइबल

⁹ दाऊदं बेरोती रिम्‍मोनया काय् रेकाब व वया किजा बानाहयात लिसः बिल, “धात्‍थें परमप्रभु म्‍वाःम्‍ह खः थें, सुनां जितः जिगु फुक्‍क कष्‍टपाखें छुतय् यानादिल।

२ शमूएल 4:9 ပူးပေါင်းရင်းမြစ်များ

उत्‍पत्ति 48:16

जितः दुःखय् ग्‍वाहालि यानादीम्‍ह स्‍वर्गदूतं थ्‍व मस्‍तय्‌त आशिष बियादीमा। अले थुमिपाखें हे जिगु नां, जिमि बाज्‍या अब्राहाम व बाः इसहाकयागु नां ल्‍यनाच्‍वने मा। पृथ्‍वीइ थुमि सन्‍तान यक्‍व दयाः न्‍यनावनेमा।”

२ शमूएल 4:2

ईश्‍बोशेतया निम्‍ह मनूत दु। उपिं शत्रुतय् शहर लुतय् याइपिं वया सिपाइँतय् नायःत खः। इमिगु नां बानाह व रेकाब खः। इपिं बेन्‍यामीन कुलयाम्‍ह बेरोती रिम्‍मोनया काय्‌पिं खः। बेरोत नं बेन्‍यामीननापं हे ल्‍याः खाःगु दु।

१ राजा 1:29

अले जुजुं थथे धकाः पाफल, “जिगु फुक्‍क दुःखपाखें जितः त्‍वःतकादीम्‍ह म्‍वाःम्‍ह परमप्रभुया नामय् पाफयाः जिं धाये –

भजनसंग्रहया सफू 103:4

वय्‌कलं जितः सीगालं त्‍वःतकादिल, अले जितः सदां दइगु दया माया व मायां घेरय् यानादी।

भजनसंग्रहया सफू 106:10

परमेश्‍वरं इमित मयय्‌किपिनिगु ल्‍हातं बचय् यानादिल, वय्‌कलं इमित शत्रुतय्‌गु ल्‍हातं त्‍वःतकादिल।

भजनसंग्रहया सफू 107:2

परमप्रभुं बचय् यानादीपिन्‍सं थथे धायेमा, परमप्रभुं छिमित थः शत्रुतय्‌गु ल्‍हातं त्‍वःतकादिल।

भजनसंग्रहया सफू 34:17

भिंगु ज्‍या याइपिन्‍सं परमप्रभुयात प्रार्थना याइबलय् परमप्रभुं न्‍यनादी, अले इमिगु फुक्‍क दुःख मदय्‌कादी।

भजनसंग्रहया सफू 34:22

परमप्रभुं थः दासतय्‌त बचय् यानादी। वय्‌कःयागु शरणय् वइपिं दोषी ठहरय् जुइ मखु।

भजनसंग्रहया सफू 69:18

जितः वयाः बचय् यानादिसँ जितः जिमि शत्रुतय्‌पाखें त्‍वःतकादिसँ।

भजनसंग्रहया सफू 71:23

जिं छिगु प्रशंसाया म्‍ये हालेबलय् लय्‌तायाः ततःसलं हाले, छाय्‌धाःसा छिं जितः मू पुलाः त्‍वःतकादीगु दु।

१ शमूएल 26:24

गथे जिं थौं छिगु प्राण तसकं मू वंगु ताय्‌का अथे हे परमप्रभुं नं जिगु प्राण तसकं मू वंगु ताय्‌केमा अले जितः फुक्‍क विपत्तिपाखें बचय् यानादीमा।”