२ शमूएल 4:6 - नेवाः बाइबल

^6-7 अले इपिं छ्व काःवंगु थें यानाः छेँ दुने दुहां वन, छेँ दुने दुहां वने धुंकाः इपिं ईश्‍बोशेतया क्‍वथाय् तक वन। अन न्‍हिनय् आराम कयाः च्‍वंम्‍ह ईश्‍बोशेतया प्‍वाथय् इमिसं चुपिं सुयाबिल। इमिसं वयात स्‍यानाबिल अले इमिसं वयागु छ्यं द्यनाबिल। अले छ्यं ज्‍वनाः यर्दनया ब्‍यासि जुयाः चच्‍छि न्‍यासि वन।

२ शमूएल 4:6 ပူးပေါင်းရင်းမြစ်များ

२ शमूएल 2:23

तर असाहेल थुखे उखे वने मानय् मजुल। उकिं अबनेरं थःगु भालाया ल्‍युने च्‍वंगु चूं वयागु प्‍वाथय् सुयाबिल, अले भाला वया ल्‍यूनेपाखे पिचाल। अले व लँय् हे क्‍वदयाः सित। असाहेल क्‍वदयाः सीगु थासय् थ्‍यने धुंकाः फुक्‍क अन हे दित।

२ शमूएल 20:10

अमासां योआबयाके ल्‍हातय् चुपि दुगु खँ वास्‍ता हे याये मफुत। योआबं वयागु प्‍वाथय् चुपिं सुयाबिल अले आतापुति पिहां वयाः बँय् कुतुंवन। वं हाकनं सुइ म्‍वाल छाय्‌धाःसा व सी धुंकल। अनंलि योआब व वया किजा अबीशैनं बिक्रीया काय् शेबायात ल्‍यू वन।

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

२ शमूएल 4:2

ईश्‍बोशेतया निम्‍ह मनूत दु। उपिं शत्रुतय् शहर लुतय् याइपिं वया सिपाइँतय् नायःत खः। इमिगु नां बानाह व रेकाब खः। इपिं बेन्‍यामीन कुलयाम्‍ह बेरोती रिम्‍मोनया काय्‌पिं खः। बेरोत नं बेन्‍यामीननापं हे ल्‍याः खाःगु दु।

न्‍यायकर्ता 3:26

इपिं पियाच्‍वंबलय् हे एहूद बिस्‍युं वन। व उपिं ल्‍वहंया मूर्तितय् लिक्‍क जुयाः सीरा धाःगु थासय् बिस्‍युं वन।