२ शमूएल 4:5 - नेवाः बाइबल

⁵ छन्‍हु बेरोती रिम्‍मोनया काय्‌पिं रेकाब व बानाह, न्‍हिनय् ईश्‍बोशेत आराम कयाच्‍वंबलय् वयागु छेँ दुहां वल।

२ शमूएल 4:5 ပူးပေါင်းရင်းမြစ်များ

२ शमूएल 11:2

छन्‍हु बहनी दाऊद खातां दना वनाः दरबारया कःसि चाःहिला च्‍वंबलय् छम्‍ह तसकं हिसि दुम्‍ह मिसा म्‍वःल्‍हुया च्‍वंगु खन। व तसकं बांलाःम्‍ह खः।

२ शमूएल 2:8

थुकिया दथुइ शाऊलया सेनापति नेरया काय् अबनेरं शाऊलया काय् ईश्‍बोशेतयात महनोमय् यंकल,

२ शमूएल 4:2

ईश्‍बोशेतया निम्‍ह मनूत दु। उपिं शत्रुतय् शहर लुतय् याइपिं वया सिपाइँतय् नायःत खः। इमिगु नां बानाह व रेकाब खः। इपिं बेन्‍यामीन कुलयाम्‍ह बेरोती रिम्‍मोनया काय्‌पिं खः। बेरोत नं बेन्‍यामीननापं हे ल्‍याः खाःगु दु।

१ राजा 16:9

जिम्री धाःम्‍ह जुजु एलाहयागु बच्‍छि रथया कप्‍तानं वयागु विरोधय् ग्‍वसाः ग्‍वल। उबलय् एलाह तिर्साय् थःगु दरबारयाम्‍ह हाकिम आर्साया छेँय् अय्‌लाखं काय्‌काच्‍वंगु खः।

२ इतिहास 24:25

व तसकं बांमलाक घाःपा जुल। शत्रुत लिहां वनेधुंकाः थः हे निम्‍ह भारदारतय्‌सं वयागु विरोधय् ग्‍वःसा ग्‍वल अले द्यनाच्‍वंगु थासय् हे वयात स्‍यात। इमिसं पुजाहारी यहोयादाया काय् स्‍याःगुया बदला कायेत वयात स्‍याःगु खः। वयात दाऊदया शहरय् थुनाबिल, तर जुजुपिनिगु चिहानय् धाःसा मखु।

२ इतिहास 25:27

अमस्‍याह परमप्रभुपाखें फस्‍वयावंगु इलंनिसें वयागु विरोधय् यरूशलेमय् जाः ग्‍वःगु खः। अले व लाकीशय् बिस्‍युं वन अय्‌नं इमिसं अन नं मनूत छ्वल अले वयात अन हेस्‍यात।

२ इतिहास 33:24

आमोनया भारदारतय्‌सं वयागु विरोधय् ग्‍वसाः ग्‍वल, अले वयात वयागु हे दरबारय् स्‍यानाबिल।