२ शमूएल 4:11 - नेवाः बाइबल

¹¹ तर मभिंपिं मनूतय्‌सं छम्‍ह दोष मदुम्‍ह निर्दोष मनूयात वयागु हे छेँ थःगु खाताय् हेस्‍यात धाःसा अझ गुलि अप्‍वः लिच्‍वः बी माल! छु जिं आः छिमिसं मनू स्‍याःगुया बदला कयाः छिमित संसारं नाश यानाः मछ्वय्‌गु ला?”

२ शमूएल 4:11 ပူးပေါင်းရင်းမြစ်များ

उत्‍पत्ति 4:11

छं आः बँ स्‍वयाः अप्‍वः सराः फयेमाली। छाय्‌धाःसा थ्‍व बं छंगु ल्‍हातिं छिमि किजायागु हि फयेत म्‍हुतु वांखाःगु दु।

उत्‍पत्ति 6:13

अले परमेश्‍वरं नोआयात धयादिल, “पृथ्‍वीइ च्‍वंपिं फुक्‍क मनूतय्‌त जिं न्‍हंकाछ्वयेगु क्‍वःछीधुन। जिं इमित पृथ्‍वी नापं सुचुक न्‍हंकाछ्वये। छाय्‌धाःसा पृथ्‍वी इमिगु ल्‍वापुख्‍यापुं जाये धुंकल।

उत्‍पत्ति 7:23

परमप्रभुं पृथ्‍वीइ च्‍वंपिं फुक्‍क मनू, छेँय् लहीपिं, बँय् घिसय्‌ जुयाजुइपिं प्राणीत व फुक्‍क झंगःपंक्षी न्‍हंकादिल। नोआ व नोआलिसे जहाजय् दुपिं प्राणीत जक ल्‍यन।

२ शमूएल 16:8

शाऊलया घरानाय् हि हाय्‌काः वया पलेसा राज्‍य यायेत स्‍वःम्‍हय्‌सित थौं परमप्रभुं बदला कयादीगु पक्‍का हे खः। अले थ्‍व राज्‍य परमप्रभुं छिमि काय् अब्‍शालोमयात बियादिल। छ नाश जुइ धुंकल छाय्‌धाःसा छ ज्‍यानमारा खः।”

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

२ शमूएल 3:39

जि अभिषेक जूम्‍ह जुजु जूसां सरूयाहया थुपिं दयामदुपिं काय्‌पिनि न्‍ह्यःने जि बमलाःम्‍ह व शक्ति मदुम्‍ह जूगु दु। इपिं जिगु निंतिं तसकं हे बल्‍लाःपिं खः। परमप्रभुं मभिंगु ज्‍या याइपिन्‍त उकिया पाय्‌छिगु लिच्‍वः बियादीमा।”

१ राजा 2:32

जिमि बौ दाऊदं मसीकं योआबं निम्‍ह मनू स्‍याःगुलिं परमप्रभुं वयात सजाँय बियादी। योआबं थः स्‍वयाः भिंपिं निम्‍ह स्‍वजापिं मनूत इस्राएलया सेनापति नेरया काय् अबनेर व यहूदाया सेनापति येतेरया काय् अमासायात तरवारं स्‍याःगु खः।

भजनसंग्रहया सफू 109:15

परमप्रभुं इमिगु पाप न्‍ह्याबलें लुमंका तयादीमा, वय्‌कलं इमिगु लुमन्‍ति पृथ्‍वीं सुचुक हुया छ्वयादीमा।

भजनसंग्रहया सफू 9:12

परमेश्‍वरं दुःख सियाच्‍वंपिन्‍त लुमंकादी, छाय्‌धाःसा हिया ब्‍वला साइम्‍हय्‌सिनं इमिगु ख्‍वःसः ल्‍वःमंकादी मखु। वय्‌कलं इमित मभिंकूपिन्‍त सजाँय बियादी।

प्रस्‍थान 21:12

“सुनानं सुयातं दायाः स्‍यात धाःसा वयात नं स्‍याना छ्वयेमाः।

प्रस्‍थान 9:15

जिं थःगु ल्‍हाः न्‍ह्यज्‍याकाः छन्‍त व छिमि प्रजायात महामारीं कय्‌कूगु जूसा छ पृथ्‍वीं हे नाश जुयावने धुंकल जुइ।

हितोपदेश 2:22

परमेश्‍वरं दुष्‍टतय्‌त थनं पितिनाछ्वइ अले पापीतय्‌त घाँय् लये थें लयाछ्वइ।

हितोपदेश 25:26

दुष्‍ट मनूतय्‌गु खँय् जुइम्‍ह धर्मी मनू फोहर वांछ्वयातःगु लः थें खः।

यर्मिया 10:11

“छं इमित थथे धा, ‘थुपिं द्यःतय्‌सं आकाश व पृथ्‍वी दय्‌कूगु मखु। थुपिं द्यःत पृथ्‍वीं व आकाशया क्‍वय्‌नं नाश जुयावनी।’”

हबकूक 1:12

हे परमप्रभु, छु छि न्‍हापांनिसें हे दीम्‍ह मखु ला? हे परमेश्‍वर, जिम्‍ह परमपवित्र जिपिं सी मखु। हे परमप्रभु, छिं इमित न्‍याय यायेत ल्‍ययादीगु खः। छि जिमिगु ल्‍वहंधी, सजाँय बीत छिं इमित अभिषेक यानादीगु दु।

हबकूक 1:4

अथे जुयाः व्‍यवस्‍था बमलाय् धुंकल अले न्‍याय मजुइ धुंकल। दुष्‍टतय्‌सं धर्मीपिन्‍त घेरय् याइ, अथे जुयाः न्‍याय ज्‍यालगय् मजुइ धुंकल।

१ यूहन्‍ना 3:12

झीपिं कयिन थें जुइ मज्‍यू। कयिन शैतानया मनू जूगुलिं वं थः हे किजा हाबिलयात स्‍यात। कयिनं थः हे किजायात छाय् स्‍यात? कयिन शैतानया मनू जूगुलिं वया किजां भिंगु बांलाःगु याना जूगु स्‍वये मफयाः वं थः किजायात स्‍यात।