२ शमूएल 4:1 - नेवाः बाइबल

¹ अबनेरयात हेब्रोनय् स्‍यात धयागु खँ न्‍यनाः शाऊलया काय् ईश्‍बोशेत ग्‍यात अले फुक्‍क इस्राएलीत नं तसकं ग्‍यात।

२ शमूएल 4:1 ပူးပေါင်းရင်းမြစ်များ

२ शमूएल 17:2

व त्‍यानुचायाः थाकुयाच्‍वंबलय् हे जिं वयात हमला याये। वयात जिं तसकं ख्‍याये, अले वया फुक्‍क मनूत छ्यालब्‍याल जुयाः बिस्‍युं वनी। जिं जुजुयात बाहेक मेपिं सुयातं स्‍याये मखु।

२ शमूएल 2:8

थुकिया दथुइ शाऊलया सेनापति नेरया काय् अबनेरं शाऊलया काय् ईश्‍बोशेतयात महनोमय् यंकल,

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

एज्रा 4:4

अनंलि व थासय् च्‍वनाच्‍वंपिं मनूतय्‌सं यहूदीतय्‌गु नुगः क्‍वतुंकाबीत व देगः दय्‌केगु ज्‍या पनेत ख्‍यायेगु याना हल।

नहेम्‍याह 6:9

जिपिं कमजोर जुइमा अले जिमिगु ज्‍या गुबलें सिमधय्‌मा धइगु बिचाः यानाः इमिसं ज्‍या दिकेत जिमित ख्‍यायेत स्‍वइगु। जिं प्रार्थना याना, “हे परमेश्‍वर, जिमिगु ल्‍हाः बल्‍लाकादिसँ।”

यशैया 13:7

अथे जुयाः फुक्‍क ल्‍हाःत बमलाना वनी, फुक्‍क मनूतय्‌गु नुगः भारा-भारा मिनाः तसकं ग्‍याइ।

यशैया 35:3

बमलाःगु ल्‍हात बल्‍लाकि! अले बमलाःगु पुलि बल्‍लाकि!

यर्मिया 50:43

बेबिलोनयाम्‍ह जुजुं इमिगु बारे न्‍यन, वयागु ल्‍हाः याग्‍लाप्‍याग्‍ला जुल। मचाबू ब्‍यथा जूम्‍ह मिसा थें वयात धन्‍दा जुल।

यर्मिया 6:24

थ्‍व खँ न्‍यनेवं जिमिगु ल्‍हाः याग्‍लाप्‍याग्‍ला जुल। जिमित तसकं कष्‍ट जुल। जिपिं मचाबू ब्‍यथा जूम्‍ह मिसा थें जुल।

सपन्‍याह 3:16

व दिं यरूशलेमयात इमिसं थथे धाइ, “छ ग्‍याये मते, हे सियोन। छंगु ल्‍हाः कमजोर मजुइमाः।