२ शमूएल 3:6 - नेवाः बाइबल

⁶ शाऊलया घराना व दाऊदया घरानाया दथुइ लडाइँ जुयाच्‍वंबलय् अबनेरं बुलुहुं बुलुहुं थःत बल्‍लाका यंकाच्‍वंगु खः।

२ शमूएल 3:6 ပူးပေါင်းရင်းမြစ်များ

२ शमूएल 3:1

शाऊलया घराना व दाऊदया घरानाया दथुइ यक्‍व दिं तक लडाइँ जुयाच्‍वन। दाऊद झन झन बल्‍लानावन, अले शाऊलया घराना धाःसा झन झन बमलाना वन।

२ शमूएल 3:5

अले कान्छाम्‍ह धाःसा यित्राम खः, थ्‍वया मां दाऊदया कलाः एग्‍ला खः। थुपिं फुक्‍कं हेब्रोनय् बूपिं दाऊदया काय्‌पिं खः।

२ राजा 10:23

अले येहू व रेकाबया काय् यहोनादाब बालया देगलय् दुहां वन। येहूं बालयात पुजा याइपिं मनूतय्‌त धाल, “प्‍यखेरं स्‍व, थन छिपिंनापं बालयात पुजा याइपिं जक दु, परमप्रभुया सुं नं दास मदु धइगु खँ पक्‍का या।”

२ इतिहास 25:8

छि वनाः साहस पिकयाः ल्‍वानादिल धाःसां परमेश्‍वरं छितः शत्रुया न्‍ह्यःने बुकादी, छाय्‌धाःसा ग्‍वाहालि यायेगु व बुकेगु अधिकार परमेश्‍वरयाके दु।”

हितोपदेश 21:30

परमप्रभुयागु विरोधय् सुं नं मनूया बुद्धि, ज्ञान व ग्‍वसाः ताःलाये फइ मखु।

मत्ती 12:30

“जिगु पँ मलीपिं फुक्‍क जिमि शत्रु खः। जितः मुंकेत ग्‍वाहालि मयाइम्‍हय्‌सिनं जिं मुना तयागु नं ह्वलाबी।

१ शमूएल 14:50

वया कलाः धाःसा अहीमासया म्‍ह्याय् अहीनोम खः। अले वया सेनापति वया कका नेरया काय् अबनेर खः।