२ शमूएल 3:39 - नेवाः बाइबल

³⁹ जि अभिषेक जूम्‍ह जुजु जूसां सरूयाहया थुपिं दयामदुपिं काय्‌पिनि न्‍ह्यःने जि बमलाःम्‍ह व शक्ति मदुम्‍ह जूगु दु। इपिं जिगु निंतिं तसकं हे बल्‍लाःपिं खः। परमप्रभुं मभिंगु ज्‍या याइपिन्‍त उकिया पाय्‌छिगु लिच्‍वः बियादीमा।”

२ शमूएल 3:39 ပူးပေါင်းရင်းမြစ်များ

२ शमूएल 16:10

तर जुजुं धाल, “अय् सरूयाहया काय्‌पिं, छिमित जिनापं छु मतलब? परमप्रभुं हे वयात दाऊदयात सराः ब्‍यु धकाः धाःगु खःसा सुनां वयात पनेगु?”

२ शमूएल 19:13

अले अमासायात थथे धा, छु छ जिगु ला व हि मखु ला? छ योआबया पलेसा छंगु जिवंकाःछि हे जिम्‍ह सेनापति मजुल धाःसा परमेश्‍वरं जिनापं बांमलाःगु व्‍यवहार यानादीमा।’”

२ शमूएल 19:22

दाऊदं लिसः बिल, “हे सरूयाहया काय्‌पिं, छिमिगु जिनापं छु स्‍वापु दु? छिपिं थौं जिगु विरोधी जूगु दु। आः जि इस्राएलया जुजु जूगु दु अथे जुयाः थौं सुं नं इस्राएलीत सी मखु।”

२ शमूएल 3:38

जुजुं थः मनूतय्‌त धाल, “इस्राएलय् थौंया दिंलय् छम्‍ह तसकं बल्‍लाःम्‍ह, छम्‍ह तःधंम्‍ह मनू सीत धकाः छिमिसं मस्‍यू ला?

१ राजा 2:32

जिमि बौ दाऊदं मसीकं योआबं निम्‍ह मनू स्‍याःगुलिं परमप्रभुं वयात सजाँय बियादी। योआबं थः स्‍वयाः भिंपिं निम्‍ह स्‍वजापिं मनूत इस्राएलया सेनापति नेरया काय् अबनेर व यहूदाया सेनापति येतेरया काय् अमासायात तरवारं स्‍याःगु खः।

१ राजा 2:9

तर छं वयात सजाँय मब्‍यूसें त्‍वःते मते। छ बुद्धि दुम्‍ह मनू खः, वयात छु यायेमाः व छं बांलाक सी। वयागु तुयुगु सँ पातालय् हिनापं वनेमाः।”

१ इतिहास 22:5

दाऊदं धाल, “परमप्रभुया निंतिं दय्‌कीगु देगः फुक्‍क जातिया मिखाय् तःजिगु नांजाःगु व तसकं बांलाःगु जुइमा। जिमि काय् सोलोमन ल्‍याय्‌म्‍हचा हे तिनि, उकिं देगः दय्‌केत जिं हे फुक्‍क तयार यायेमा।” अथे जुयाः थः सी न्‍ह्यः दाऊदं यक्‍व सामान जोरय् यात।

१ इतिहास 29:1

अनंलि जुजु दाऊदं सकल मनूतय्‌त धाल, “परमेश्‍वरं ल्‍ययादीम्‍ह मनू जिमि काय् सोलोमन खः, तर व ल्‍याय्‌म्‍हचा हे तिनि, अले वयाके अनुभव मदु। थ्‍व ज्‍या तःधं, छाय्‌धाःसा थ्‍व देगः मनूया लागि मखु परमप्रभु परमेश्‍वरया निंतिं खः।

२ इतिहास 13:7

अले ज्‍यालगे मजूपिं छुं लुच्‍चात वनापं मिलय् जुल। यारोबाम व उपिं लुच्‍चातय्‌सं रहबामया विरोधय् थःत बल्‍लाकल। अबलय् रहबाम नकतिनियाम्‍ह व थःम्‍हं छुं क्‍वःछीमफुम्‍ह जूगुलिं वं इमित पने मफुत।

भजनसंग्रहया सफू 101:8

जिं न्‍हियान्‍हिथं सुथ पतिकं देशय् च्‍वंपिं दुष्‍टतय्‌त न्‍हंकेगु याये। परमप्रभुया शहरं मभिं ज्‍या याइपिं सकसितं पितिनाछ्वये।

भजनसंग्रहया सफू 28:4

इमिगु ज्‍या व इमिसं याःगु मभिंगु ज्‍याकथं इमित सजाँय बियादिसँ, इमिगु ल्‍हातं याःगु ज्‍याकथं इमित पलेसा बियादिसँ, अले इमित बीमाःगु सजाँय बियादिसँ।

भजनसंग्रहया सफू 62:12

सदां दयाच्‍वनीगु माया नं जिगु हे खः।” हे परमप्रभु छिं मनूतय्‌गु ज्‍या स्‍वयाः सिरपाः बियादी।

भजनसंग्रहया सफू 7:16

वं याःगु मभिंगु ज्‍या वयागु हे छेनय् लाःवनी। वं याःगु अत्‍याचार वयागु हे कपालय् लाःवनी।

भजनसंग्रहया सफू 75:10

परमेश्‍वरं धयादी, “दुष्‍टतय्‌गु शक्ति जिं न्‍हंकाबी। अले धर्मीतय्‌गु शक्ति अप्‍वय्‌काबी।”

प्रस्‍थान 21:12

“सुनानं सुयातं दायाः स्‍यात धाःसा वयात नं स्‍याना छ्वयेमाः।

हितोपदेश 20:8

जुजु न्‍याय यायेत सिंहासनय् च्‍वनीबलय् वं मभिंगु फुक्‍कं हायाछ्वइ।

हितोपदेश 25:5

मभिंपिं मनूतय्‌त जुजुपाखें तापाक ति, अले तिनि न्‍यायया शासन याये फइ।

यशैया 3:11

धिक्‍कार दुष्‍टतय्‌त! दुष्‍ट मनूतय्‌गु धाःसा पक्‍का हे नाश जुइ। अले इमिगु ल्‍हातं याःगु ज्‍याया पाय्‌छिगु ज्‍याला दइ।

यशैया 7:4

वयात थथे धा, ‘होश‍यानाच्‍वँ, ग्‍याये मते अले शान्‍त जुयाच्‍वँ। अरामया जुजु रसीन व जुजु पेकहया तं ला च्‍यानाच्‍वंगु निका सिँ पिहां वयाच्‍वंगु कुँति हे मग्‍यं।

यर्मिया 38:5

सिदकियाह जुजुं लिसः बिल, “व छिमिगु हे ल्‍हातय् दु। जुजुं ला छिमिगु विरोधय् छुं याये फइ मखु।”

दानिएल 6:16

उकिं जुजुं दानिएलयात ज्‍वनेगु आज्ञा बिल अले इमिसं वयात हयाः सिंहत तयातःगु तःजाःगु गालय् वांछ्वल। जुजुं दानिएलयात धाल, “छं न्‍ह्याबलें सेवा याइम्‍ह छिमि परमेश्‍वरं छन्‍त बचय् यायेमा।”

गन्‍ती 32:23

“छिमिसं थःपिन्‍सं धाःथें मयात धाःसा छिमिसं परमप्रभुया न्‍ह्यःने पाप याःगु जुइ। अले छिमिगु पाप छिमित लाइ।

रोमी 13:4

इपिं छिमित भिंगु यायेत तयातःपिं परमेश्‍वरया सेवकत खः। अय्‌नं छिमिसं मभिंगु ज्‍या याना जुल धाःसा इपिं खनाः छिपिं ग्‍याये माली, छाय्‌धाःसा सुनानं म्‍वाय्‌कं तरवार घाना वइ मखु। इपिं मभिंगु ज्‍याखँ यानाजुइपिन्‍त सजाँय बीत तयातःपिं परमेश्‍वरया सेवकत खः।

२ तिमोथी 4:14

अलेक्‍जेन्‍डर सिजःकःमिनं जितः तसकं बांमलाकल। प्रभुं वयात यायेमाःगु यानादी।

न्‍यायकर्ता 9:57

अले शकेमयापिं मनूतय्‌सं याःगु फुक्‍क मभिंगु ज्‍या नं परमेश्‍वरं इमिगु हे छेनय् लितः छ्वयादिल। यरूब-बालया काय् योतामयागु सराः इमित हे लात।