२ शमूएल 3:34 - नेवाः बाइबल

³⁴ छंगु ल्‍हाः चिनातःगु मदु, छंगु तुति नं चिनातःगु मदु। छ ला दुष्‍टतय्‌गु ल्‍हातय् लाःम्‍ह थें हे क्‍वदल।” अले मनूत वयागु निंतिं हाकनं हे ख्‍वल।

२ शमूएल 3:34 ပူးပေါင်းရင်းမြစ်များ

२ शमूएल 1:12

अनंलि इस्राएलया घरानाया शाऊल, वया काय् जोनाथन व परमप्रभुया सिपाइँत लडाइँलय् सीगुलिं इपिं नुगःपा दादां ख्‍वल, अले सन्‍ध्‍याकाः इलय् तक हे इपिं अपसं च्‍वन।

२ शमूएल 3:33

अले जुजुं अबनेरया निंतिं थ्‍व बिलापया म्‍ये दय्‌कल, “छु अबनेर छम्‍ह अपराधी थें सीमाःगु ला?

२ शमूएल 3:35

दाऊदं न्‍हिच्‍छि हे छुं मन। अले मनूतय्‌सं दाऊदयात छुं भपियादिसँ धकाः धायेत वल, तर दाऊदं पाफयाः थथे धाल, “सूर्य बिनावने न्‍ह्यः छुं नयेगु नसा थिल धाःसा परमेश्‍वरं जितः कडा सजाँय बियादीमा।”

अय्‍यूब 24:14

ज्‍यानमारा धाःसा सुथय् खिउँ खिउँ धाबलय् दनाः गरीब व मगाःमचाःपिन्‍त स्‍याइ। चान्‍हय् धाःसा वं खुँनं थें लुटपाट याइ।

इजकिएल 32:16

“मनूतय्‌सं बिलाप यायेत बिलापया म्‍ये थ्‍व हे खः। जाति जातिया म्‍ह्याय्‌पिन्‍सं थ्‍व हाली, छाय्‌धाःसा मिश्र देश व वया फुक्‍क सेनाया निंतिं इमिसं थ्‍व हे बिलापया म्‍ये हाली, जि, परमप्रभु परमेश्‍वर न्‍ववानागु दु।”

होशे 6:9

गथे दाखुँतय्‌सं मनूतय्‌त सुलाः पियाच्‍वनी, अथे हे पुजाहारीतय् पुचलं शकेम वनेगु लँय् मनूत स्‍यायेगु यानाच्‍वनी, इमिसं तःधंगु अपराध याःगु दु।

न्‍यायकर्ता 16:21

पलिश्‍तीतय्‌सं वयात ज्‍वनाः वयागु मिखा लिकयाबिल। इमिसं वयात गाजाय् यंकल। अन इमिसं वयात कँय्‌यागु सिखलं चिनाः झ्‍यालखानाय् घःक्‍यलेगु ज्‍या याकल।