२ शमूएल 3:3 - नेवाः बाइबल

³ वया माइलाम्‍ह काय् किलाब खः, थ्‍वया मां कर्मेलयाम्‍ह सी धुंकूम्‍ह नाबालया कलाः अबीगेल खः। साहिँलाम्‍ह काय् अब्‍शालोम खः, थ्‍वया मां गशूरयाम्‍ह जुजु तल्‍मैया म्‍ह्याय् माका खः।

२ शमूएल 3:3 ပူးပေါင်းရင်းမြစ်များ

२ शमूएल 13:1

दाऊदया काय् अब्‍शालोमया तामार नांयाम्‍ह छम्‍ह तसकं बांलाःम्‍ह केहेँ दु। दाऊदया मेम्‍ह काय् अमनोन वयागु मतिनाय् भुलय् जुल।

२ शमूएल 14:23

अनंलि व थत्‍थें गशूरय् वनाः अब्‍शालोमयात यरूशलेमय् लितब्‍वनाहल।

२ शमूएल 14:24

तर जुजुं धाल, “व थःगु हे छेँय् वनेमाः। व जिगु न्‍ह्यःने मवयेमा।” अथे जुयाः अब्‍शालोम जुजुया न्‍ह्यःने मवंसे थःगु हे छेँ वन।

२ शमूएल 14:32

अब्‍शालोमं धाल, “स्‍व, जिं छपाखें जुजुयाथाय् खबर छ्वये फइ ला धकाः छन्‍त थन सःतके छ्वयाहया। जि गशूरं थन वयाः छाय् च्‍वंवया च्‍वनेमाल? जि अन हे च्‍वनाच्‍वंसा ज्‍यूगु नि। अथे जुयाः आः जि जुजुया न्‍ह्यःने दंवने दयेमाः। अले जिं छुं द्वंकागु दुसा वय्‌कलं जितः स्‍यायेमा।”

२ शमूएल 15:7

प्‍यदँया दकलय् लिपांगु लाय् अब्‍शालोमं दाऊद जुजुयात धाल, “स्‍वयादिसँ, जिं परमप्रभुनापं यानागु भाकल पूवंके, जितः हेब्रोनय् वनेबियादिसँ।

२ शमूएल 15:8

छःपिनि दास जि अराम देशया गशूरय् च्‍वंच्‍वनाबलय् परमप्रभुनापं थथे धकाः भाकल यानागु खः, परमप्रभुं जितः यरूशलेमय् लितब्‍वनाहयादिल धाःसा जिं हेब्रोनय् परमप्रभुया आराधना याये।”

२ शमूएल 18:33

अनंलि जुजु तसकं दुःख मन ताय्‌काः मू ध्‍वाखाया च्‍वय्‌यागु कोथाय् वनाः ख्‍वः वन, अले जुजु थथे धाधां ख्‍वख्‍वं वन, “जिम्‍ह पुताः! जिमि काय् अब्‍शालोम, जिकाय् अब्‍शालोम! छंगु पलेसा जि सीगु जूसा ज्‍यूगु नि! अय् अब्‍शालोम, जिकाय्, जिकाय्!”

२ शमूएल 2:2

अथे जुयाः दाऊद थः निम्‍ह कलाःत, यिजरेली अहीनोम व कर्मेलया नाबालया विधवा अबीगेलनापं अन वन।

१ राजा 1:6

वया बौम्‍हं वयात, “छं थथे छाय् यानागु” धकाः गुबलें ब्‍वःब्‍यूगु मदु। अदोनियाह नं छम्‍ह तसकं बांलाःम्‍ह मनू खः, व अब्‍शालोम स्‍वयाः लिपा बूम्‍ह खः।

१ राजा 2:15

अदोनियाहं धाल, “थ्‍व राज्‍य जिगु खः धकाः छिं सि हे स्‍यू। इस्राएलयापिं फुक्‍क मनूतय्‌सं जि जुजु जुइ धकाः बिचाः याःगु खः। तर फुक्‍क खँ अःखः जुल। राज्‍य जिमि किजायागु जुल। छाय्‌धाःसा परमप्रभुयागु इच्‍छा थ्‍व हे खः।

१ इतिहास 3:1

हेब्रोनय् बूपिं दाऊदया काय्‌पिं थुपिं हे खः – तःधिकःम्‍ह काय् अमनोन, थ्‍वया मां यिजरेलयाम्‍ह अहीनोम खः। माइलाम्‍ह दानिएल, थ्‍वया मां कर्मेलयाम्‍ह अबीगेल खः।

१ इतिहास 3:2

साइँलाम्‍ह काय् अब्‍शालोम, थ्‍वया मां गशूरयाम्‍ह जुजु तल्‍मैया म्‍ह्याय् माका खः। काइँलाम्‍ह अदोनियाह, थ्‍वया मां हग्‍गीत खः।

व्‍यवस्‍था 3:14

मनश्‍शेया सन्‍तान याईरं गशूरीतय्‌गु व माकातीतय्‌गु सिमाना तक अर्गोबया फुक्‍क लागा कयाः उकियात थःगु हे नां बिल। अथे जुयाः थौं तक नं बाशानयात हब्‍बात-याईर धाइगु।

यहोशू 13:13

अय्‌नं इस्राएलीतय्‌सं गशूरीत व माकातीतय्‌त लिना मछ्वः। अथे जुयाः इपिं थौं तक नं इस्राएलीतय् दथुइ च्‍वनाच्‍वंगु दु।

१ शमूएल 25:3

वयागु नां नाबाल खः अले वया कलाःया नां अबीगेल खः। अबीगेल तसकं बांलाःम्‍ह व बुद्धि दुम्‍ह खः। तर वया भाःत कालेबया वंशया छम्‍ह नुगः छाःम्‍ह व मभिंगु ज्‍या याइम्‍ह खः।

१ शमूएल 25:42

अले व काचाकाचां तयार जुयाः थः न्‍याम्‍ह दासीतनापं गधा गयाः खबर हःपिं दाऊदया मनूतनापं वन, अले व दाऊदया कलाः जुल।

१ शमूएल 27:8

दाऊद व वया मनूत हमला याः वनीगु अले गशूरीत, गिज्रीत व अमालेकीतय्‌त लुतय् याइगु। इपिं न्‍हापांनिसें हे शूर व मिश्रय् थ्‍यंकाच्‍वनाः च्‍वंपिं खः।