२ शमूएल 3:29 - नेवाः बाइबल

²⁹ बरु योआब व वया अबुया फुक्‍क परिवारया छेनय् व दोष लायेमा। अले योआबया परिवारय् कइया ल्‍वय् वा छेंगूया पुनेयःगु ल्‍वय् नं गुबलय् नं मत्‍वःतेमा। कथिया भरय् इपिं जुइमालेमा वा तरवारं पालाः स्‍याइपिं वा फ्‍वनाजुइपिनि सन्‍तानत मगाःमचाः मजुइमा।”

२ शमूएल 3:29 ပူးပေါင်းရင်းမြစ်များ

२ शमूएल 16:8

शाऊलया घरानाय् हि हाय्‌काः वया पलेसा राज्‍य यायेत स्‍वःम्‍हय्‌सित थौं परमप्रभुं बदला कयादीगु पक्‍का हे खः। अले थ्‍व राज्‍य परमप्रभुं छिमि काय् अब्‍शालोमयात बियादिल। छ नाश जुइ धुंकल छाय्‌धाःसा छ ज्‍यानमारा खः।”

२ शमूएल 3:28

अले दाऊदं थ्‍व खँ लिपतय् तिनिं सिल, दाऊदं धाल, “नेरया काय् अबनेरयात स्‍याःगुया बारे जि व जिगु राज्‍य परमप्रभुया न्‍ह्यःने सदां दोषी जूगु मदु।

२ राजा 5:1

नामान अरामया जुजुया सेनापति खः। व थः जुजुया निंतिं छम्‍ह तःधंम्‍ह मनू खः। वं यानाः हे अरामयात परमप्रभुं त्‍याकादीगुलिं अरामया जुजुं वयात तसकं मानय् याइगु। व छम्‍ह बहादुर सिपाइँ खः, तर वयाके छेंगूया पुनेयःगु ल्‍वय् दु।

२ राजा 5:27

आः नामानया छेंगूया पुनेयःगु ल्‍वय् न्‍ह्याबलें छ व छिमि सन्‍तानयाके दयाच्‍वनी।” थत्‍थें गेहजीयात ग्‍यानापुगु छेंगूया पुनेयःगु ल्‍वचं काल। गेहजी अनं वन, वयागु म्‍हया छेँगू च्‍वापु थें तुयुसे च्‍वन।

भजनसंग्रहया सफू 7:17

वय्‌कःयागु धार्मिकताया कारणं जिं परमप्रभुयात तःधंके। जिं दक्‍व शक्ति दुम्‍ह परमप्रभुया म्‍ये हाले।

प्रस्‍थान 21:19

अले व मनू दनाः कथिं चुयाः न्‍यासि जुइ फत धाःसा दाःम्‍ह मनूयात सजाँय जुइ मखु। अय्‌नं घाःपाः जूम्‍ह मनूयात वं ज्‍या याये मफुतले वयात ज्‍याला पुलेमाः, अले मलंतले वयात वासः यायेमाः।

लेवी 15:2

“इस्राएलीतय्‌त धा, ‘सुं नं मिजंयात धातुया ल्‍वय् जुल धाःसा, व धातुया ल्‍वय्‌या हुनिं व मनू अशुद्ध जुइ।

गन्‍ती 35:33

“‘छिमिसं थः च्‍वनेगु थाय् अशुद्ध याये मते। हिं देशयात अशुद्ध याइ। हिया प्रायश्‍चित यायेत हि बाः वय्‌कूम्‍ह मनूयागु हि हे माः।

प्रेरित 28:4

वयागु ल्‍हातय् सर्प यग्‍गागु खनाः अन च्‍वंपिं मनूत थःथवय् थथे खँ ल्‍हात – “थ्‍व मनू ला धात्‍थें हे ज्‍यानमारा जुइमाः। समुद्रं बचय् जुया वःसां न्‍याय याइम्‍हय्‌सिनं थ्‍वयात म्‍वाके मबिल।”

व्‍यवस्‍था 21:6

व सीम्‍हया दकलय् सतिक लाःगु शहरया सकलें थकालितय्‌सं ब्‍यासिइ ककु त्‍वाथूम्‍ह साचाया च्‍वय् थथःगु ल्‍हाः सिलेमाः।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

न्‍यायकर्ता 9:24

यरूब-बालया न्‍हयेम्‍ह काय्‌पिन्‍त स्‍याःगु अपराधया सजाँय इमित स्‍याःम्‍ह वया दाजु अबीमेलेकयात व वया थः किजापिन्‍त स्‍यायेत वयात ग्‍वाहालि याःपिं शेकेम शहरयापिं मनूतय्‌त लायेमा धकाः परमेश्‍वरं थथे यानादीगु खः।