२ शमूएल 3:28 - नेवाः बाइबल

²⁸ अले दाऊदं थ्‍व खँ लिपतय् तिनिं सिल, दाऊदं धाल, “नेरया काय् अबनेरयात स्‍याःगुया बारे जि व जिगु राज्‍य परमप्रभुया न्‍ह्यःने सदां दोषी जूगु मदु।

२ शमूएल 3:28 ပူးပေါင်းရင်းမြစ်များ

उत्‍पत्ति 4:10

परमप्रभुं धयादिल, “छं थ्‍व छु यानागु? छिमि किजायागु हिं जितः बँ दुनें सः बियाच्‍वंगु दु।

उत्‍पत्ति 9:6

“सुनां मनूया हि बाः वय्‌की वयागु नं हि बाः वइ, छाय्‌धाःसा प रमेश्‍वरं मनूयात थःथें हे च्‍वंक दय्‌कादीगु दु।

२ शमूएल 16:8

शाऊलया घरानाय् हि हाय्‌काः वया पलेसा राज्‍य यायेत स्‍वःम्‍हय्‌सित थौं परमप्रभुं बदला कयादीगु पक्‍का हे खः। अले थ्‍व राज्‍य परमप्रभुं छिमि काय् अब्‍शालोमयात बियादिल। छ नाश जुइ धुंकल छाय्‌धाःसा छ ज्‍यानमारा खः।”

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

२ शमूएल 3:29

बरु योआब व वया अबुया फुक्‍क परिवारया छेनय् व दोष लायेमा। अले योआबया परिवारय् कइया ल्‍वय् वा छेंगूया पुनेयःगु ल्‍वय् नं गुबलय् नं मत्‍वःतेमा। कथिया भरय् इपिं जुइमालेमा वा तरवारं पालाः स्‍याइपिं वा फ्‍वनाजुइपिनि सन्‍तानत मगाःमचाः मजुइमा।”

प्रस्‍थान 21:12

“सुनानं सुयातं दायाः स्‍यात धाःसा वयात नं स्‍याना छ्वयेमाः।

गन्‍ती 35:33

“‘छिमिसं थः च्‍वनेगु थाय् अशुद्ध याये मते। हिं देशयात अशुद्ध याइ। हिया प्रायश्‍चित यायेत हि बाः वय्‌कूम्‍ह मनूयागु हि हे माः।

मत्ती 27:24

मनूत थथे हाला हःगुलिं पिलातसं छुं हे याये फइ थें मच्‍वनाः सकसिगुं न्‍ह्यःने ल्‍हाः सिलाः थथे धाल – “थ्‍व मनूयात स्‍याःगु दोष छिमित हे लाइ, जितः लाइ मखु।”