२ शमूएल 3:27 - नेवाः बाइबल

²⁷ अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

२ शमूएल 3:27 ပူးပေါင်းရင်းမြစ်များ

२ शमूएल 13:26

अले अब्‍शालोमं धाल, “छि झायादी मखुसा जिमि दाजु अमनोनयात जिनापं वनेबियादिसँ।” जुजुं न्‍यन, “व छाय् छलिसे वनेगु?”

२ शमूएल 19:13

अले अमासायात थथे धा, छु छ जिगु ला व हि मखु ला? छ योआबया पलेसा छंगु जिवंकाःछि हे जिम्‍ह सेनापति मजुल धाःसा परमेश्‍वरं जिनापं बांमलाःगु व्‍यवहार यानादीमा।’”

२ शमूएल 3:26

योआब दाऊदयात त्‍वःतावन, वं अबनेरया ल्‍यूल्‍यू दूतत छ्वल। इमिसं अबनेरयात सीराया तुंया लिक्‍कसं लितब्‍वनाहल। तर दाऊदं थ्‍व फुक्‍क खँ मस्‍यू।

२ शमूएल 3:28

अले दाऊदं थ्‍व खँ लिपतय् तिनिं सिल, दाऊदं धाल, “नेरया काय् अबनेरयात स्‍याःगुया बारे जि व जिगु राज्‍य परमप्रभुया न्‍ह्यःने सदां दोषी जूगु मदु।

२ शमूएल 4:1

अबनेरयात हेब्रोनय् स्‍यात धयागु खँ न्‍यनाः शाऊलया काय् ईश्‍बोशेत ग्‍यात अले फुक्‍क इस्राएलीत नं तसकं ग्‍यात।

१ राजा 2:32

जिमि बौ दाऊदं मसीकं योआबं निम्‍ह मनू स्‍याःगुलिं परमप्रभुं वयात सजाँय बियादी। योआबं थः स्‍वयाः भिंपिं निम्‍ह स्‍वजापिं मनूत इस्राएलया सेनापति नेरया काय् अबनेर व यहूदाया सेनापति येतेरया काय् अमासायात तरवारं स्‍याःगु खः।

१ राजा 2:5

“सरूयाहया काय् योआबं इस्राएलया निम्‍ह सेनापतित नेरया काय् अबनेर व येतेरया काय् अमासायात स्‍यानाः जितः छु यात, व खँ छं सी हे स्‍यू। लडाइँया इलय् थें शान्‍तिया इलय् नं वं इपिं निम्‍हय्‌सित स्‍यात। व हे हिं थःगु जनी व तुतिया लाकांयात प्‍याकल।

१ इतिहास 27:21

गिलादय् दुगु मनश्‍शेया बच्‍छि कुल – जकरियाया काय् इद्दो। बेन्‍यामीन कुल – अबनेरया काय् यासीएल।

हितोपदेश 26:26

इमिसं थःपिनिगु मभिंगु बिचाः ला सुचुका तइ, तर मभिंगु ज्‍या ला सकसिनं खनी।

यर्मिया 41:2

नतन्‍याहया काय् इश्‍माएल व झिम्‍ह मनूतय्‌सं दनाः बेबिलोनयाम्‍ह जुजुं उगु देशया बडाहाकिम ल्‍यःम्‍ह शापानया छय्, अहीकामया काय् गदल्‍याहयात तरवारं पालाः स्‍यानाबिल।

गन्‍ती 35:19

हिया बदला काइम्‍हसिनं वयात स्‍याये फइ। इमिसं वयात लुइकेवं स्‍याये फइ।

गन्‍ती 35:20

अथे हे, सुनानं सुयातं तमय् घ्‍वानाः, छुकिंनं कय्‌का स्‍यात धाःसा

व्‍यवस्‍था 27:24

“सुनां मसीकं थः जःलाखःलायात स्‍याःम्‍ह मनूयात सराः लायेमाः।” अले फुक्‍कसिनं “आमेन” धायेमाः।