२ शमूएल 3:22 - नेवाः बाइबल

²² भचा लिपा दाऊदया मनूत व योआब छगू लडाइँलय् थःपिन्‍सं लाकाकाःगु मालताल ज्‍वनाः लिहां वल। इपिं अन थ्‍यंबलय् अबनेर दाऊदयाथाय् हेब्रोनय् मदु। छाय्‌धाःसा दाऊदं अबनेरयात बांलाक बिदा बियाः याउँक छ्वये धुंकूगु खः।

२ शमूएल 3:22 ပူးပေါင်းရင်းမြစ်များ

२ शमूएल 3:23

योआब व वया सिपाइँत लिहां वयाः अन थ्‍यंकः वल, नेरया काय् अबनेर जुजुयाथाय् वयाः याउँक लिहां वंगु खँ मनूतय्‌सं योआबयात कन।

२ शमूएल 4:2

ईश्‍बोशेतया निम्‍ह मनूत दु। उपिं शत्रुतय् शहर लुतय् याइपिं वया सिपाइँतय् नायःत खः। इमिगु नां बानाह व रेकाब खः। इपिं बेन्‍यामीन कुलयाम्‍ह बेरोती रिम्‍मोनया काय्‌पिं खः। बेरोत नं बेन्‍यामीननापं हे ल्‍याः खाःगु दु।

१ शमूएल 27:8

दाऊद व वया मनूत हमला याः वनीगु अले गशूरीत, गिज्रीत व अमालेकीतय्‌त लुतय् याइगु। इपिं न्‍हापांनिसें हे शूर व मिश्रय् थ्‍यंकाच्‍वनाः च्‍वंपिं खः।