२ शमूएल 3:18 - नेवाः बाइबल

¹⁸ आः व ज्‍या पूवंकीगु ई थ्‍व हे खः, छाय्‌धाःसा दाऊदया बिषय्‌लय् परमप्रभुया बचं थ्‍व दु, जिमि दास दाऊदया ल्‍हातं हे जिमि प्रजा इस्राएलयात पलिश्‍तीतय्‌गु व इमि फुक्‍क शत्रुतपाखें बचय् याइ।”

२ शमूएल 3:18 ပူးပေါင်းရင်းမြစ်များ

२ शमूएल 3:9

जिं दाऊदयात परमप्रभुं वयात जिं याये धकाः बियादीगु बचंया लागिं ग्‍वाहालि मयात धाःसा परमेश्‍वरं हे जितः कडा सजाँय बियादीमा।

२ शमूएल 8:6

अले दाऊदं अरामया दमस्‍कस शहरय् प्‍यखें छाउनीत तल। अरामीतय्‌सं दाऊदया अधीनय् च्‍वनाः वयात कर पुल। थुकथं दाऊद न्‍ह्याथाय् वंसां परमप्रभुं वयात त्‍याकादिल।

१ शमूएल 13:14

तर आः छिगु राज्‍य सदांया निंतिं जुइ मखु। परमप्रभुं थःगु मन नाप मिलय् जूम्‍ह छम्‍ह मनू मालादीगु दु। अले वयात हे इस्राएलीतय् नायः ल्‍ययादीगु दु, छाय्‌धाःसा छिसं परमप्रभुया आज्ञा मानय् मया।”

१ शमूएल 15:28

शमूएलं वयात धाल, “थौं परमप्रभुं इस्राएलया राज्‍य छिगु ल्‍हातं लाकाः छि स्‍वयाः भिंम्‍ह मनूयात बियादीगु दु।

१ शमूएल 16:1

परमप्रभुं शमूएलयात धयादिल, “छ ग्‍वःन्‍हु तक शाऊलया निंतिं दुखं च्‍वनेगु? जिं वयात इस्राएलया जुजुया थासं लिकाये धुनागु दु। अथे जुयाः छंके दुगु नेकुलिइ जैतूनया भतिचा चिकं तयाः ज्‍वनाः हुँ। जिं छन्‍त बेथलेहेमय् यिशैयाथाय् छ्वयेत्‍यनागु दु। छाय्‌धाःसा जिं वया काय्‌पिं मध्‍ये छम्‍हय्‌सित जुजु ल्‍ययागु दु।”

१ शमूएल 9:16

“जिं कन्‍हय् थ्‍व हे इलय् बेन्‍यामीनया लागां छम्‍ह मनू छ्वयाहये। वयात हे छं जिमि प्रजा इस्राएलया निंतिं जुजु अभिषेक या। वं जिमि प्रजातय्‌त पलिश्‍तीतय्‌गु ल्‍हातं त्‍वःतका हइ। जिं जिमि प्रजायागु दुःख खनागु दु छाय्‌धाःसा इमिगु ख्‍वःसः जिथाय् थ्‍यंगु दु।”