२ शमूएल 24:4 - नेवाः बाइबल

⁴ अय्‌नं जुजुं योआब व सेनापतितय्‌त मनूतय्‌गु ल्‍याः मकाय्‌क मज्‍यू धाल। उकिं इपिं वनाः इस्राएल न्‍यंक चाःहिलाः मनूत ल्‍याः खायेत जुजुया न्‍ह्यःनं वन।

२ शमूएल 24:4 ပူးပေါင်းရင်းမြစ်များ

२ शमूएल 24:3

योआबं लिसः बिल, “परमप्रभु छिकपिनि परमेश्‍वरं मनूतय्‌गु ल्‍याः सछिदुगं अप्‍वः यानाबीमा। जिमि मालिक जुजुं व फुक्‍क खनेमा। तर जिमि मालिक महाराजयात थथे छाय् याये मास्‍ति वःगु?”

२ शमूएल 24:5

अनंलि इपिं यर्दन पुलावन, अरोएरनेर शहरया दच्‍छिन पाखेया खुसि लिक्‍क पाल ग्‍वल, अले गाद जुयाः याजेर तक हे न्‍ह्यज्‍यात।

१ इतिहास 21:4

अय्‌नं जुजु दाऊदं थःगु बिचाः महीकू। जुजुं धाःथें हे योआबं यायेमाल। अले योआब वनाः इस्राएल न्‍यंक चाःहिलाः मनूत ल्‍याः खानाः यरूशलेमय् लिहां वल।

प्रस्‍थान 1:17

दिरिअजिपिं परमेश्‍वरया भय काइपिं जूगुलिं मिश्रया फारोनं उजं ब्‍यू थें मयासें इमिसं काय् बूसां मस्‍यासें हे त्‍वःताबीगु।

प्रस्‍थान 30:12

“छं इस्राएलीत ल्‍याः खाइबलय् इमिके महामारी मवयेमा धकाः फुक्‍कसिनं थथः ल्‍याःखाःगु इलय् परमप्रभुयात छुत्‍काराया मू पुलेमाः। अले छं इमित ल्‍याःखाइबलय् महामारी वइ मखु।

उपदेशक 8:4

जुजुया वचनय् फुक्‍क शक्ति दु। सुनानं जुजुयात थथे धाये फइ ला, “छसपोलं छाय् थथे यानादियागु?”

प्रेरित 5:29

पत्रुस व मेपिं प्रेरिततय्‌सं थथे लिसः बिल – “जिमिसं मनूतय्‌गु स्‍वयाः परमेश्‍वरयागु खँ न्‍यनेमाः।