२ शमूएल 24:13 - नेवाः बाइबल

¹³ अले गादं दाऊदयाथाय् वनाः हाकनं व हे खँ धाल, “परमप्रभुं थथे धयादी – ‘छन्‍त छु यः व ल्‍य – स्‍वंगू दँया अनिकाल, वा स्‍वला तक शत्रुतपाखें बिस्‍युं जुयेगु, वा स्‍वन्‍हु तक इस्राएलय् महामारी जुइगु।’ आः जिं परमप्रभुयात छु लिसः बीगु खः व छिं क्‍वःछिनादिसँ।”

२ शमूएल 24:13 ပူးပေါင်းရင်းမြစ်များ

२ शमूएल 21:1

दाऊदं शासन यानाच्‍वंगु इलय् स्‍वदँ ति अनिकाल जुल। अनंलि दाऊदं परमप्रभुयात मालेगु यात। अले परमप्रभुं धयादिल, “शाऊल व वया घरानाय् हिया द्वपं लाःगु दु, छाय्‌धाःसा वं गिबोनीतय्‌त स्‍याःगु खः। अथे जुयाः अनिकाल जूगु खः।”

२ शमूएल 24:12

“वनाः दाऊदयात थथे धा, परमप्रभुं थथे धयादी, ‘जिं वयात स्‍वंगू खँ ल्‍ययेगु मौका बी। अले वं छु ल्‍यइ जिं व हे याये।’”

२ राजा 8:1

एलीशां शूनम्‍मीय् च्‍वंम्‍ह गुम्‍ह मिसाया काय्‌यात हाकनं म्‍वाकूगु खः वयात वं धाःगु खः, “थः परिवारनापं छ छुं ईया लागि मेगु देशय् च्‍वंहुँ, छाय्‌धाःसा परमप्रभुं न्‍हय्‌दँ तक अनिकाल जुइगु आज्ञा बियादीगु दु। न्‍हय्‌दँ तक थ्‍व देशय् अनिकाल जुयाच्‍वनी।”

१ इतिहास 21:12

स्‍वंगू दँया अनिकाल, वा स्‍वला तक शत्रुतपाखें बिस्‍युं जुयेगु, वा स्‍वन्‍हु तक देशय् परमप्रभुया तरवार, अर्थात इस्राएलय् महामारी जुइगु अले परमप्रभुया दूतं इस्राएल देशया फुक्‍क थासय् नाश यानाच्‍वनीगु। आः जिं थःत छ्वयाहयादीम्‍हय्‌सित छु लिसः बीगु खः व छिं क्‍वःछिनादिसँ।”

भजनसंग्रहया सफू 91:6

छ खिउँलय् वइगु ल्‍वय् खनाः व न्‍हिनय् स्‍यंकीगु महामारी खनाः ग्‍याइ मखु।

प्रस्‍थान 7:25

परमप्रभुं नील खुसिया लखय् दाःगु न्‍हय्‌न्‍हु दय् धुंकल।

इजकिएल 14:13

“अय् सीमानिम्‍ह मनू, धाये कि, देशं जिगु विरोधय् पापयात अले व देशयागु नसा वइगु दिकेत व अन अनिकाल छ्वयेत अले अनयापिं मनूत व पशुत स्‍यायेत जिं वयागु विरोधय् ल्‍हाः ल्‍ह्वन धाःसा,

लेवी 26:20

छिमिसं यक्‍व ज्‍या याःसां सितिं वनी छाय्‌धाःसा छिमिगु बुँइ अन्‍न सइ मखु। अले सिमाय् फल नं सइ मखु।

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

लूका 4:25

“अय्‌नं जिं छिकपिन्‍त धात्‍थें जूगु खँ कने, न्‍यनादिसँ – एलिया दुबलय् इस्राएलय् यक्‍व यक्‍व हे भाःत मदुपिं मिसात दु। अबलय् छकः स्‍वदँ व खुलातक वा मवःगुलिं इस्राएलय् दक्‍वभनं हे अनिकाल जुल।

व्‍यवस्‍था 28:22

परमप्रभुं छिमित सुकूगनावनीगु ल्‍वचं काय्‌कादी अले छिपिं ज्‍वर व मनावइगु ल्‍वचं दने फइ मखु। छिमिगु अन्‍न बाली नाश यानाछ्वयेत वय्‌कलं वा मवइगु ई व तसकं क्‍वाःगु फय् छ्वयाहयादी। वय्‌कलं क्‍वःगु व फ्‍वसा वःगुलिं कय्‌कादी, अले म्‍वातले छिमिके थुपिं आपत विपत वया हे च्‍वनी।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।

व्‍यवस्‍था 28:27

परमप्रभुं छिमित मिश्रीतय्‌त याःथें लनी मखुगु म्‍हय् वइगु कै, ला ग्‍वारा, न्‍हि दुगु घाः व चासु कइनं दुःख बियादी।

व्‍यवस्‍था 28:35

परमप्रभुं छिमिगु पुलि व तुतिइ, पुर्खालिसें पाफयाः बाचा यानाः छ्यनंनिसें पालि तक हे लनी मखुगु स्‍याइगु कै छ्वयाहयाः छिमित सास्‍ती बियादी।

व्‍यवस्‍था 28:52

छिमिगु फुक्‍क शहरयात इमिसं घेरय्‌ याइ। अले छिमिसं भलसा तःगु देश न्‍यंकया ततःजाःगु पखाः इमिसं थुनाबी। परमप्रभु छिमि परमेश्‍वरं बियादीत्‍यंगु देशन्‍यंक शहर शहरय् छिमित घेरय्‌ याइ।

१ शमूएल 25:17

आः छु यायेमाःगु खः छिं बांलाक बिचाः यानादिसँ छाय्‌धाःसा झी मालिक व वया परिवारय् पक्‍का हे नाश वयेत्‍यंगु दु। व तसकं लुच्‍चाम्‍ह मनू खः व नापं ला सुं नं मनू खँ तक नं ल्‍हाइ मखु।”