२ शमूएल 24:1 - नेवाः बाइबल

¹ हाकनं परमप्रभु इस्राएलीतपाखें तंम्‍वयादिल अले दाऊदपाखें इस्राएलीतय्‌त दुःखकष्‍ट बियादिल। अले परमप्रभुं दाऊदयात धयादिल, “वनाः इस्राएल व यहूदाया मनूत ल्‍याःखा।”

२ शमूएल 24:1 ပူးပေါင်းရင်းမြစ်များ

उत्‍पत्ति 45:5

जितः थन मियाहःगुलिइ आः छिमिसं दुःख ताये मते, थः खनाः तं नं म्‍वये मते। जितः थन फुक्‍क मनूतय्‌त बचय् यायेत परमेश्‍वरं हे छ्वयाहयादीगु खः।

उत्‍पत्ति 50:20

छिमिसं जितः स्‍यंकेत स्‍वल, परमेश्‍वरं थुकिया पलेसा भिं यानादिल। थौं झी फुक्‍कं गुकथं बचय् जुयाच्‍वना, व उकिया हे लिच्‍वः खः।

२ शमूएल 12:11

“परमप्रभुं धयादी, ‘जिं छंगु थःगु हे परिवारया दथुं छन्‍थाय् विपत्ति हये। जिं छिमि कलाःतय्‌त यंकाः छंगु हे मिखां खंक छं लिक्‍क लाःम्‍ह मनूयात बी अले न्‍हिनय् हे व उपिं नापं द्यनी।

२ शमूएल 16:10

तर जुजुं धाल, “अय् सरूयाहया काय्‌पिं, छिमित जिनापं छु मतलब? परमप्रभुं हे वयात दाऊदयात सराः ब्‍यु धकाः धाःगु खःसा सुनां वयात पनेगु?”

२ राजा 3:6

अथे जुयाः उबलय् जुजु योरामं सामरियां वनाः फुक्‍क इस्राएलयात मुंकल।

१ इतिहास 21:1

शैतान इस्राएलया विरोधी जुल। उकिं वं इस्राएलया मनूत ल्‍याः खायेगु ज्‍या यायेत दाऊदयात ग्‍वाकल।

१ इतिहास 7:2

तोलाया काय्‌पिं – उज्‍जी, रपायाह, यरीएल, यहमै, यिब्‍साम व शमूएल खः। इपिं सकलें थथःगु परिवारया नायः व बहादुर सिपाइँत खः। दाऊद जुजुया पालय् इमि परिवारय् २२,६०० म्‍ह मनूत दु।

१ इतिहास 7:40

थुपिं सकलें आशेरया सन्‍तान खः। इपिं परिवार परिवारया नायः, ल्‍ययातःपिं मनूत व बहादुर सिपाइँत खः। अले तःधंपिं नायःत खः। वंशावलीकथं इमिके २६,००० म्‍ह सिपाइँ दु।

२ इतिहास 32:25

तर हिजकिया तसकं तःधंछु जुल। परमप्रभुं थःगु निंतिं गुलि नं यानादीगु खः, उकिया निंतिं वं परमप्रभुयात सुभाय् मब्‍यू। उकिं वं अले यहूदा व यरूशलेमं परमप्रभुया तं फये माल।

प्रस्‍थान 7:3

मिश्र देशय् थःगु यक्‍व चिं व अजू चायापुगु ज्‍या यानाः क्‍यनेत जिं फारोया नुगः छाय्‌काबी।

इजकिएल 14:9

“‘अले उम्‍ह अगमवक्तायात लोभ क्‍यनाः अगमवाणी याकेब्‍यूगु दुसा, जि परमप्रभुं हे उम्‍ह अगमवक्तायात लोभ क्‍यनागु खः। जिं थःगु ल्‍हाः वयागु विरोधय् ल्‍ह्वने, अले जिगु प्रजा इस्राएलया दथुं वयात नाश यानाबी।

इजकिएल 20:25

अले जिं इमित ज्‍यालगय् मजूगु नियम बिया, अले इपिं म्‍वानाच्‍वने मफइगु विधि बिया।

लेवी 10:6

अले मोशां हारून व वया काय्‌पिं एलाजार व ईतामारयात धाल, “छिमिसं थःपिनिगु सँ भुलुसुलु दंका तये मते, अले लं खुइ मते। मखुसा छिपिं सी, अले फुक्‍क मनूतलिसे परमप्रभु तंम्‍वयादी। छिमि थःथितिपिं इस्राएलया फुक्‍क मनूत धाःसा परमप्रभुया मिं सीपिनिगु निंतिं ख्‍वयेमाली।

गन्‍ती 1:19

परमप्रभुं मोशायात उजं बियादीगु थें। मोशां सीनैया मरुभूमिइ इमित ल्‍याः खात।

प्रेरित 4:28

थ्‍व ला छिं न्‍हापांनिसें हे ग्‍वसाः ग्‍वयादी थें जक इमिसं याःगु खः।

२ थेसलोनिकी 2:11

अय्‌जूगुलिं इमिसं मखुगु खँय् जक विश्‍वास यानाच्‍वनेमा धकाः परमेश्‍वरयागु शक्तिं इमित मखुगु खँ जक पत्‍याः याका तइ।

न्‍यायकर्ता 2:14

उकिं परमप्रभु इस्राएलीत खनाः तसकं तंचायादिल, अले वय्‌कलं इमित इमि जःखः च्‍वंपिं शत्रुतय्‌गु ल्‍हातय् मियादिल। इमिसं इमित लुतय् यात। उकिं यानाः इपिं थः शत्रुतय् न्‍ह्यःने च्‍वने मफुत।

न्‍यायकर्ता 2:20

उकिं इस्राएललिसें तसकं तंचायाः परमप्रभुं धयादिल, “थ्‍व जातिं जिं इमि पुर्खातलिसे चिनागु बाचा त्‍वाथूगु व जिगु खँ मन्‍यगु जुयाः

१ शमूएल 26:19

हे प्रभु जिमि जुजु, जिं छु धायेत्‍यनागु दु बांलाक ध्‍यान बियाः न्‍यनादिसँ। थथे परमप्रभुं हे छितः जिगु विरोधय् याकेब्‍यूगु खःसा जितः वय्‌कःयात छगू भेटी छाय्‌के बियादिसँ सके वय्‌कःया मन हिलिला। तर छुं जुयाः थ्‍व मनूतय्‌सं याकूगु जूसा इमित परमप्रभु सराः लायेमा। छाय्‌धाःसा थौं ‘वं मेपिं द्यःतय्‌गु सेवा यायेमा’ धकाः इमिसं जितः परमप्रभुया सर्बयपाखें लिकाःगु दु।