२ शमूएल 23:9 - नेवाः बाइबल

⁹ उपिं स्‍वम्‍ह बहादुर सिपाइँत मध्‍ये निम्‍हम्‍ह अहोही दोदैया काय् एलाजार खः। व दाऊदनापं पास-दम्‍मीमय् दुगु खः, गुगु थासय् लडाइँ यायेत मुपिं पलिश्‍तीतय्‌त इमिसं चुनौती ब्‍यूगु खः। इस्राएलीत बिस्‍युं वंबलय् व याकःचा हे दनाः लडाइँ जूगु थासय् ल्‍वानाच्‍वन।

२ शमूएल 23:9 ပူးပေါင်းရင်းမြစ်များ

१ इतिहास 27:4

निगूगु लाया निंतिं पुचःया कप्‍तान अहोही दोदै खः। वयागु पुचलय् मिक्‍लोत न्‍ह्यलुवाः खः। इमिगु पुचलय् २४,००० म्‍ह दु।

१ इतिहास 8:4

अबीशू, नामान, अहोह,

उपदेशक 4:12

छम्‍हय्‌सिनं मेम्‍हय्‌सित गुकथं त्‍याके फइ, तर निम्‍ह दःसा थःपिनीगु रक्षा याये फइ। स्‍वपु तु जीक निलातःगु खिपः याकनं चबुइ मखु।

यशैया 63:3

“जि याकःचां हे दाखयात तुतिं न्‍हुत्तुन्‍हुया, सुं नं जातित जिनापं मदु। जिं तमं इमित न्‍हुत्तुन्‍हुया तीसिना, अले जिं झ्‍वँकय् इमित न्‍हुत्तुन्‍हुया। इमिगु हिया फुति जिगु वसतय् लाःगु दु, अले जिगु वसः फुक्‍कं हिया हिं जाःगु दु।

यशैया 63:5

जिं स्‍वया, तर ग्‍वाहालि याइपिं सुं नं मखना। ग्‍वाहालि याइपिं सुं नं मखना जि अजू चाया। अथे जुयाः जिगु थःगु हे बल्‍लाःगु ल्‍हातं जिगु उद्धार याना, अले जिगु तमं जितः थामय् यात।

मर्कूस 14:50

अले चेलात फुक्‍क उखेलाः थुखेलाः मदय्‌क बिस्‍युं वन।

१ शमूएल 17:10

अले व पलिश्‍तीं धाल, “थौंयागु न्‍हि जिं इस्राएलीतय्‌त क्‍वह्यंके। आँट दुसा जिनापं ल्‍वाये फुम्‍ह छम्‍ह मनू छ्वयाहिँ। अले झीपिं ल्‍वाये।”

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।