२ शमूएल 23:5 - नेवाः बाइबल

⁵ छु जिगु घराना परमेश्‍वरलिसें ठीक मजू ला? छु वय्‌कलं जिलिसें फुक्‍क खँय् सुरक्षित व बल्‍लाःगु छगू न्‍ह्याबलेंया बाचा चिनादीगु मदु ला? छु वय्‌कलं जितः ग्‍वाहालि मालीबलय् उद्धार यानाः मदी ला? अले जिगु फुक्‍क इच्‍छा पूवंकामदी ला?

२ शमूएल 23:5 ပူးပေါင်းရင်းမြစ်များ

उत्‍पत्ति 9:16

आकाशय् गुबलय् इन्‍द्रेणी खनेदइ, उकियात स्‍वयाः जिं पृथ्‍वीइ च्‍वंपिं फुक्‍क प्राणीलिसे सदांया लागि चिनागु बाचा लुमंके।”

२ शमूएल 12:10

छं जितः क्‍वह्यंकूगुलिं व हित्ती उरियाहया कलाःयात छं थः कलाः यायेत यंकूगुलिं छिमि परिवारं गुबलय् नं तरवारपाखें आराम कायेखनि मखु।’”

२ शमूएल 13:14

तर वं तामारया खँ न्‍यं हे मन्‍यन अले व तामार स्‍वयाः बल्‍लागुलिं वयात बलजफतिं ज्‍वनाः बलात्‍कार यात।

२ शमूएल 13:28

अब्‍शालोमं थः मनूतय्‌त थथे उजं बिल, “मौका स्‍वयाच्‍वँ, अले अमनोन त्‍वनाः धेधे चुइबलय् जिं ‘अमनोनयात स्‍या!’ धकाः धाये। अले छिमिसं वयात स्‍या। ग्‍याये माःगु मदु। साहस यानाः धिसिलाक्‍क च्‍वँ। थ्‍व जिगु छिमित आज्ञा खः।”

२ शमूएल 18:14

योआबं धाल, “छनापं खँ ल्‍हानाः जिं थःगु ई सितिं छ्वये मखु।” अले योआब अब्‍शालोम दुथाय् वन, अले वं स्‍वंगू च्‍वामुसे च्‍वंगु कथि कयाः म्‍वाःम्‍वाकं हे सिमाय् यग्‍गायाच्‍वंम्‍ह अब्‍शालोमया छातिइ सुयाबिल।

२ शमूएल 7:12

छ सिनाः छन्‍त थः पुर्खातनापं थुने धुंकाः जिं छिमि छम्‍ह काय्‌यात जुजु दय्‌के, अले जिं वयागु राज्‍ययात बल्‍लाकाबी।

२ शमूएल 7:18

अले जुजु दाऊद दुहां वनाः परमप्रभुया न्‍ह्यःने च्‍वन, अले वं थथे प्रार्थना यात, “हे परमप्रभु परमेश्‍वर, छिं जितः थन तक हयादीत जि सु खः धकाः अले जिगु परिवार छु खः धकाः?

१ राजा 1:5

दाऊदया काय् अदोनियाह, गुम्‍हय्‌सिया मां हग्‍गीत खः, वं “जि हे जुजु जुये” धकाः फुइँ यात। उकिं वं थःगु लागि रथ, सलगइपिं व नेय्‌म्‍ह थःगु न्‍ह्यःने न्‍ह्यःने ब्‍वाँय् जुइपिं मनूत तयार यात।

१ राजा 11:38

जिम्‍ह सेवक दाऊदं थें छं जिगु आज्ञा मानय् यात धाःसा अले जिगु लँपुइ वन धाःसा अले जिगु विधि व आज्ञा मानय् यानाः जितः यःगु ज्‍या यात धाःसा जि न्‍ह्याबलें छनापं दइ। जिं छंगु वंशया निंतिं नं दाऊदया निंतिं याना थें छगू न्‍ह्याबलें दयाच्‍वनीगु वंश दय्‌के।

१ राजा 12:14

वं धाल, “जिमि बौनं छिमित झ्‍यातुगु कु क्‍वबिकादिल, जिं झन झ्‍यातुगु कु क्‍वबिकाबी। वय्‌कलं छिमित कोर्रां दाय्‌कादीगु खः, तर जिं छिमित कं दुगु कोर्रां दाय्‌काबी।”

भजनसंग्रहया सफू 111:9

वय्‌कलं थः मनूतय्‌त मू पुलाः त्‍वःतकादिल, अले वय्‌कलं इपिंलिसें न्‍ह्याबलेंया बाचा चिनादिल। वय्‌कः पवित्र व मानय् यायेमाःम्‍ह खः।

भजनसंग्रहया सफू 119:81

हे परमप्रभु, जि छिपाखें उद्धार कायेत प्‍याःचाः, जिं छिगु वचनय् आशा तयागु दु।

भजनसंग्रहया सफू 27:4

जिं न्‍ह्याबलें माला च्‍वनागु छता हे जक खँ परमप्रभुयाके जिं छता हे जक फ्‍वने, जिं व हे मालाच्‍वने, परमप्रभुयागु हिसिलाःगु ख्‍वाः स्‍वयेत व वय्‌कःयात म्‍हसीकेत वय्‌कःयागु देगलय् सदां च्‍वनेदयेमा।

भजनसंग्रहया सफू 62:2

वय्‌कः जक जिगु ल्‍वहंधी खः, अले वय्‌कलं जितः उद्धार यानादी। वय्‌कः जिगु किल्‍ला खः, जि गुबलें बुइ मखु।

भजनसंग्रहया सफू 89:3

छिं धयादिल, “जिं थःम्‍हं ल्‍ययाम्‍हनापं बाचा चिनागु दु, थः दास दाऊदलिसे पाफयागु दु,

यशैया 11:1

यिशैया परिवारया थुथां छपु चुलि ह्वइ, अले उकिया हां पिहां वःगु न्‍हूगु कचां फल सय्‌की।

यशैया 27:6

आः वइगु दिनय् याकूबया सन्‍तान इस्राएलया मनूतय्‌सं हा कयाच्‍वनी। अले इस्राएल मुखू ह्वयावइ व फल सय्‌की अले फुक्‍क पृथ्‍वी फलं जाइ।

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

यशैया 54:10

पर्वतयात संकूसां अले डाँडात चीकाःछ्वसां अय्‌नं छिमिगु निंतिं जिगु सदां दइगु दयामाया गुबलें अन्‍त जुइ मखु। अले जिं चिनागु शान्‍तिया बाचा गुबलें त्‍वधुली मखु,” छन्‍त दयामाया यानादीम्‍ह परमप्रभुं धयादी।

यशैया 55:3

हे मनूत, जिथाय् वयाः जिगु खँ बांलाक न्‍यँ! अले छिमित जीवन दइ। जिं छिपिंनापं सदांया निंतिं छगू बाचा चिने, जिं दाऊदयात सदां दइगु दयामाया बी धकाः बचं बियागु पवित्र आशिष छिमित बी।

यशैया 61:8

“छाय्‌धाःसा जि, परमप्रभु धाःसा न्‍याययात माया याये, खुइगु व अधर्मयात जिं तसकं मय्‌के। जिं थःगु विश्‍वास यायेबहलं जिमि मनूतय्‌त सिरपाः बी। अले जिं इपिंनापं सदांया निंतिं बाचा ची।

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

यर्मिया 33:21

जिम्‍ह दास दाऊद व जिगु न्‍ह्यःने सेवा याइपिं पुजाहारीतलिसें यानागु जिगु बाचा नं त्‍वधुली, अले दाऊदया गद्दीइ राज्‍य यायेत आवंलि वया सन्‍तान दइ मखु।

इजकिएल 37:26

जिं इपिंलिसें शान्‍ति व सुरक्षाया बाचा ची, व न्‍ह्याबलेंया लागि जुइ। जिं इमित थापं याये, जिं इमिगु ल्‍याः अप्‍वय्‌काबी। इमिगु दथुइ जिं थःगु पवित्रथाय् न्‍ह्याबलेंया लागिं तये।

आमोस 9:11

“व दिंखुन्‍हु “जिं दाऊदया नाश जुइ धुंकूगु वंशयात हाकनं थापं याये, व दुंगु छेँ थें जूगु खः। जिं उकिया पःखाः दय्‌के अले उकियात हाकनं थापं याये। जिं उकियात हाकनं दय्‌के अले उकियात यक्‍व न्‍हापायागु थें दय्‌के।

प्रेरित 13:34

“परमेश्‍वरं वय्‌कःयात गुबलें सीम्‍वाय्‌क म्‍वाकादीगु खँय् थथे धयादिल – “‘जिं दाऊदयात बी धकाः धयागु पवित्र आशिष छिमित बी।’

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

हिब्रू 6:19

थ्‍व हे आशाय् झीपिं म्‍वानाच्‍वनागु दु। थ्‍व धात्‍थें व पक्‍का खः। अले थ्‍व देगलय् च्‍वंगु पर्दाया दुने थ्‍यंकः थ्‍यं।

१ शमूएल 2:35

जिं जिगु निंतिं छम्‍ह विश्‍वास याये बहःम्‍ह पुजाहारी ल्‍यये। वं हे जिगु मनय् व नुगलय् च्‍वंगु खँकथं याइ। जिं वया परिवारयात थापं याये अले वं हे जिं जुजु अभिषेक यानाम्‍ह मनूया न्‍ह्यःने सदां सेवा याइ।

१ शमूएल 25:28

हे जिमि प्रभु, छिकपिनि दासीं मभिं याःगु दुसा क्षमा यानादिसँ। परमप्रभुं छिकपिनि वंशयात सदां दय्‌का तयादी, छाय्‌धाःसा छिं परमेश्‍वरया हे लडाइँ यानादीगु दु। छपिनिगु जिवंकाछि छु नं कथंयागु मभिंगु मजुइमा।