२ शमूएल 23:4 - नेवाः बाइबल

⁴ व सुपाँय् मदुबलय्‌या सुथसियागु निभाजः थें खः। व वा वये धुंकाः जमिनं घाँय् बुइकीगु जः थें खः।”

२ शमूएल 23:4 ပူးပေါင်းရင်းမြစ်များ

भजनसंग्रहया सफू 110:3

छिं थः शत्रुतलिसें लडाइँ याःगु दिनय् छिकपिनि मनूत छिगु हे इच्‍छां न्‍ह्यःने वनी। सुथ न्‍हापांया सुतिलः थें छिकपिनि ल्‍याय्‌म्‍हपिं पवित्र पहाडय् छिथाय् वइ।

भजनसंग्रहया सफू 72:6

घाँय् लयातःगु ख्‍यलय् वा वये थें जुजुं राज्‍य यायेमा, झ्‍वार्र वा वयाः बँयात प्‍याकू थें जुजुं राज्‍य यायेमा।

भजनसंग्रहया सफू 89:36

वयागु वंश न्‍ह्याबलें दयाच्‍वनी अले जिगु न्‍ह्यःने वयागु सिंहासन सूर्य थें दयाच्‍वनी।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

यशैया 18:4

परमप्रभुं जितः थथे धयादी, “तसकं छाःगु निभाः वा बाली लयेगु इलय् सुतिया सुपाँय् थें जि सुम्‍क च्‍वने अले जि च्‍वनागु थासं स्‍वये।”

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

यशैया 60:1

“हे यरूशलेम दँ! छाय्‌धाःसा छंगु जः वये धुंकल! अले परमप्रभुया महिमा छंके खनेदः वःगु दु।

यशैया 60:3

जाति जातित छंके दुगु जलय् व जुजुत छंके खनेदुगु सुथया निभाःया जलय् वइ।

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

होशे 6:5

अथे जुयाः जिं छिमित जिमि अगमवक्तातपाखें कुचा कुचा यानागु दु। जिं छिमित जिगु म्‍हुतुया वचनं स्‍यानागु दु। जिगु न्‍याय छिमिके हाबलासा थें प्‍वालापिलि च्‍यात।

मीका 5:7

यक्‍व मनूतय्‌गु दथुइ याकूबया ल्‍यंदुपिं परमप्रभुं छ्वयाहयादीगु सुतिलः व घाँसय् द्यःने लाःगु लः थें जुइ। इमिसं सुयात नं पियाच्‍वनी मखु, वा न मनूतय्‌के भलसा तइ।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

यूहन्‍ना 1:7

थ्‍व मनू जःयागु खँ थः हे साक्षी जुयाः फुक्‍कसितं कनाः विश्‍वास याकेत वःम्‍ह खः।

व्‍यवस्‍था 32:2

जिं स्‍यनेकने यायेगु खँ वा वः थें कुहां वइ अले वाउँगु घाँसय् च्‍वंगु सुतिलः थें च्‍वनी, वाउँगु घाँसय् फुति फुति वःगु वा थें, क्‍यातूगु माचाय् झ्‍वार्र वःगु वा थें।

न्‍यायकर्ता 5:31

“हे परमप्रभु, थुकथं हे छि सकल शत्रुत नाश जुइमा। परमेश्‍वरयात माया याइपिं धाःसा थियाच्‍वंगु सूर्य थें जुइमा।” हाकनं देशय् पिइदँ तक शान्‍ति जुल।