२ शमूएल 23:16 - नेवाः बाइबल

¹⁶ अथे जुयाः उपिं स्‍वम्‍ह बहादुर सिपाइँत पलिश्‍तीतय्‌गु दथुं दुहां वनाः बेथलेहेमया ध्‍वाखाया लिक्‍क च्‍वंगु तुंथिं लः कयाः हयाः दाऊदयात बिल। तर दाऊदं व लः त्‍वने म्‍हाः धाल। अले परमप्रभुया न्‍ह्यःने व लः प्‍वंकाः वं थथे धाल,

२ शमूएल 23:16 ပူးပေါင်းရင်းမြစ်များ

२ कोरिन्‍थी 5:14

ख्रीष्‍टं जिमित माया यानादीगुलिं थुकथं जिमिसं ज्‍या यानाच्‍वनेमाःगु खः। फुक्‍क मनूतय्‌गु निंतिं ख्रीष्‍ट सिनादीगु खः, उकिं सिनादीम्‍ह ख्रीष्‍टनाप फुक्‍क मनूत सित।

उत्‍पत्ति 35:14

याकूबं अन ल्‍वहं छगः धंकाः उकी दाखमद्य व चिकं लुनाबिल।

रोमी 5:7

तसकं भिंम्‍ह मनूया लागि सुं नं मनू सीत बल्‍लतल्‍लं जक न्‍ह्यचिली। धात्‍थें धायेगु खःसा अज्‍याःपिं मनूत तसकं कम हे जक दइ।

विलाप 2:19

पाः च्‍वनीगु ई शुरु जुइबलय् दनाः चान्‍हय् हा! परमप्रभुया न्‍ह्यःने हे छंगु नुगः लः थें प्‍वंकि। गल्‍लि गल्‍लिइ नयेपित्‍यानाः मूर्च्‍छा जुयाच्‍वंपिं मस्‍तय्‌गु प्राण म्‍वाकेगु निंतिं थःगु ल्‍हाः वय्‌कःपाखे ल्‍ह्वँ।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

२ शमूएल 23:9

उपिं स्‍वम्‍ह बहादुर सिपाइँत मध्‍ये निम्‍हम्‍ह अहोही दोदैया काय् एलाजार खः। व दाऊदनापं पास-दम्‍मीमय् दुगु खः, गुगु थासय् लडाइँ यायेत मुपिं पलिश्‍तीतय्‌त इमिसं चुनौती ब्‍यूगु खः। इस्राएलीत बिस्‍युं वंबलय् व याकःचा हे दनाः लडाइँ जूगु थासय् ल्‍वानाच्‍वन।

१ शमूएल 19:5

व पलिश्‍तीयात स्‍याःबलय् वं थःगु ज्‍यान तकं पात। परमप्रभुं इस्राएलीतय्‌त तःधंगु विजय बियादिल, अले छि व खनाः लय्‌तायादीगु खः। छम्‍ह छुं दोष मदुम्‍ह मनूयात छिं छाय् मभिं याये त्‍यनागु, छाय् छुं कारण हे मदय्‌क दाऊदयात स्‍याये त्‍यनागु?”

१ शमूएल 7:6

अथे जुयाः इपिं सकलें मिस्‍पाय् मुन, अले इमिसं लः जाय्‌काहयाः परमप्रभुया न्‍ह्यःने देछाकथं प्‍वंकाबिल। उखुन्‍हु “जिमिसं परमप्रभुया विरोधय् पाप यानागु दु” धकाः मानय्‌ यानाः न्‍हिच्‍छि हे इपिं अपसं च्‍वन। अले शमूएल मिस्‍पाय् इस्राएलीतय् नायः जुल।

गन्‍ती 28:7

न्‍हियान्‍हिथं न्‍हापांम्‍ह बां बीगु भ्‍याःचानापं त्‍वँसाबलिकथं छगू हीनया प्‍यब्‍वय् छब्‍व दाखमद्य वेदीइ छायेमाः। थ्‍व त्‍वँसाबलि नापलायेगु पालया चुकय् च्‍वंगु वेदीइ परमप्रभुया निंतिं प्‍वंकेमाः।

१ इतिहास 11:18

अले उपिं स्‍वम्‍ह बहादुर सिपाइँत पलिश्‍तीतय् दथुं दुहां वनाः बेथलेहेमया ध्‍वाखाया लिक्‍क च्‍वंगु तुंथिं लः कयाः दाऊदयाथाय् हल। तर दाऊदं व लः त्‍वने मखु धाल। अले परमप्रभुया न्‍ह्यःने व लः प्‍वंकाः वं थथे धाल,

उपदेशक 4:12

छम्‍हय्‌सिनं मेम्‍हय्‌सित गुकथं त्‍याके फइ, तर निम्‍ह दःसा थःपिनीगु रक्षा याये फइ। स्‍वपु तु जीक निलातःगु खिपः याकनं चबुइ मखु।