२ शमूएल 23:1 - नेवाः बाइबल

¹ दाऊदयागु दक्‍कलय् लिपांगु वचन थुपिं हे खः – यिशैया काय् दाऊदं धाःगु खँ थ्‍व हे खः, व मनुखं धाःगु खँ, सुयात परमेश्‍वरं तःधंकादिल, सुयात याकूबया परमेश्‍वरं जुजु अभिषेक यानादिल, सु इस्राएलया भजनत हालिम्‍ह खः, वयागु वचन –

२ शमूएल 23:1 ပူးပေါင်းရင်းမြစ်များ

उत्‍पत्ति 49:1

याकूबं थःकाय्‌पिं फुक्‍कसित सःताः धाल, “छिपिं फुक्‍क थन वा, छिमित लिपा छु छु जुइतिनि धकाः जिं छिमित धाये।

२ शमूएल 22:34

वय्‌कलं जिगु तुतियात चल्‍लायागु तुति थें यानादी। अले जि ततःजाःथाय् नं तुतिं चुयाच्‍वने फइ।

२ शमूएल 22:51

छिं थःम्‍हं ल्‍यःम्‍ह जुजुयात ततःधंगु ल्‍वापु त्‍याके बियादी। छिं थःम्‍हं अभिषेक यानादीम्‍हय्‌सित न्‍ह्याबलें माया यानादी, दाऊदयात व वया सन्‍तानतय्‌त।

१ इतिहास 16:7

उखुन्‍हु आसाप व वया थःथितितय्‌त दाऊदं थ्‍व भजन परमप्रभुयात सुभाय् देछायेत बिल –

१ इतिहास 16:9

वय्‌कःया निंतिं भजन हा, वय्‌कःया प्रशंसाया म्‍ये हा, वय्‌कःया फुक्‍क अजू चायापुगु ज्‍याया बारे कँ,

भजनसंग्रहया सफू 2:6

“जिं थःम्‍ह जुजुयात थःगु पवित्र पर्वत सियोनय् पलिस्‍था याये धुनागु दु।”

भजनसंग्रहया सफू 72:20

यिशैया काय् दाऊदया प्रार्थना क्‍वचाल।

भजनसंग्रहया सफू 89:20

जिं जिमि दास दाऊदयात कयाः थःगु पवित्र चिकनं अभिषेक यानागु दु।

भजनसंग्रहया सफू 89:21

जिगु बल न्‍ह्याबलें वयाके दयाच्‍वनी। जिगु शक्तिं वयात बल्‍लाकाबी।

आमोस 6:5

छिमिसं दाऊदं थें वीणा थाइ, बाजनय् थत्‍थें लय् पिकाइ।

लूका 20:42

दाऊद थःम्‍हय्‌सिनं हे भजन सफुलिइ थथे च्‍वया थकूगु दु – “‘छं शत्रुतय्‌त छंगु पालि तःले मततले छ जिगु जव ल्‍हाःपाखे च्‍वनाच्‍वँ धकाः परमप्रभुं जिमि प्रभुयात धयादिल।’

लूका 24:44

अले वय्‌कलं इमित धयादिल – “जिं छिपिंनाप दुबलय् जिगु बारे धर्मशास्‍त्रय् अर्थात मोशाया व्‍यवस्‍था, अगमवक्ता व भजनया सफुलिइ च्‍वयातःगु फुक्‍क खँ पूवनेमाः धकाः न्‍हापा हे धयागु खः।”

व्‍यवस्‍था 33:1

थः सिनावने न्‍ह्यः परमेश्‍वरया मनू मोशां इस्राएलीतय्‌त ब्‍यूगु सुवाः थ्‍व खः।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

याकूब 5:13

छिपिं मध्‍ये सुनानं दुःखकष्‍ट सियाच्‍वंगु दुसा वं प्रार्थना या। छिपिं मध्‍ये सुं मनू तसकं लय्‌ताःसा वं भजन हा।

१ शमूएल 17:12

आः दाऊद यिशै धाःम्‍ह एप्रातीया काय् खः। व यहूदाया बेथलेहेमय् च्‍वंम्‍ह खः। यिशैया च्‍याम्‍ह काय्‌पिं दु। शाऊलया इलय् व बःमलाय् धुंकूम्‍ह व बुरा जुइ धुंकूम्‍ह खः।

१ शमूएल 18:7

मिसात लय्‌तातां थथे धकाः म्‍ये हाल, शाऊलं द्वलंद्वःयात स्‍यात, अले दाऊदं ला लखं लखयात स्‍यात।

१ शमूएल 2:10

परमप्रभुया विरोध याइपिं नाश जुयावनी, वय्‌कः इमिगु विरोधय् स्‍वर्गं नँ न्‍याःगु सलं हालादी। पृथ्‍वीया कुंकुलामय् तक नं वय्‌कलं न्‍याय यानादी। “वय्‌कलं जितः शक्ति बियादीगु दु अले थम्‍हं अभिषेक यानाम्‍हय्‌सिगु छ्यं धस्‍वाकादी।”