२ शमूएल 22:51 - नेवाः बाइबल

⁵¹ छिं थःम्‍हं ल्‍यःम्‍ह जुजुयात ततःधंगु ल्‍वापु त्‍याके बियादी। छिं थःम्‍हं अभिषेक यानादीम्‍हय्‌सित न्‍ह्याबलें माया यानादी, दाऊदयात व वया सन्‍तानतय्‌त।

२ शमूएल 22:51 ပူးပေါင်းရင်းမြစ်များ

२ शमूएल 22:2

परमप्रभु जिगु निंतिं ल्‍वहंधी थें खः वय्‌कः जिगु किल्‍ला व जितः उद्धार याइम्‍ह खः।

२ शमूएल 23:1

दाऊदयागु दक्‍कलय् लिपांगु वचन थुपिं हे खः – यिशैया काय् दाऊदं धाःगु खँ थ्‍व हे खः, व मनुखं धाःगु खँ, सुयात परमेश्‍वरं तःधंकादिल, सुयात याकूबया परमेश्‍वरं जुजु अभिषेक यानादिल, सु इस्राएलया भजनत हालिम्‍ह खः, वयागु वचन –

२ शमूएल 7:16

छंगु घराना न्‍ह्याबलें दयाच्‍वनी अले छिमि सन्‍तानतय्‌सं जुजु जुयाः न्‍ह्याबलें शासन याइ। अले छंगु सिंहासन न्‍ह्याबलें दयाच्‍वनी।’”

भजनसंग्रहया सफू 144:10

छिं जुजुपिन्‍त त्‍याकादी, छिं थः दास दाऊदयात तरवारपाखें बचय् यानादी।

भजनसंग्रहया सफू 18:50

छिं थःम्‍हं ल्‍यःम्‍ह जुजुयात ततःधंगु ल्‍वापु त्‍याके बियादिल। छिं थःम्‍हं अभिषेक यानादीम्‍हय्‌सित न्‍ह्याबलें माया यानादी – दाऊदयात व वया सन्‍तानतय्‌त।

भजनसंग्रहया सफू 21:1

हे परमप्रभु, छिं बल बियादीगुलिं जुजु लय्‌ताःगु दु। वयात त्‍याकेबियादीगुलिं तसकं लय्‌ताःगु दु।

भजनसंग्रहया सफू 3:3

तर हे परमेश्‍वर! छि जिगु जवंखवं ढाल जुयाच्‍वनादीगु दु। छि जिगु गौरव खः, छिं हे जिगु छ्यं धस्‍वाका तयादीगु दु।

भजनसंग्रहया सफू 48:3

परमेश्‍वर थः हे यरूशलेमया किल्‍ला खः, उकिया रक्षा याइम्‍हकथं वय्‌कलं थःत क्‍यनादीगु दु।

भजनसंग्रहया सफू 89:20

जिं जिमि दास दाऊदयात कयाः थःगु पवित्र चिकनं अभिषेक यानागु दु।

भजनसंग्रहया सफू 89:24

जिं वयात सदां दइगु दया माया यानाच्‍वने, अले वनापं विश्‍वास याये बहःम्‍ह जुयाच्‍वने, जिगु नांपाखें वयागु शक्ति अप्‍वयावनी।

भजनसंग्रहया सफू 89:26

वं जितः थथे धकाः सःती, ‘छि जिमि बाः, जिमि परमेश्‍वर व जिगु उद्धारया ल्‍वहंधी खः।’

भजनसंग्रहया सफू 89:29

जिं वया वंशयात न्‍ह्याबलें तयातये, अले आकाश दतले वयागु सिंहासन दयाच्‍वनी।

भजनसंग्रहया सफू 89:36

वयागु वंश न्‍ह्याबलें दयाच्‍वनी अले जिगु न्‍ह्यःने वयागु सिंहासन सूर्य थें दयाच्‍वनी।

भजनसंग्रहया सफू 91:2

जिं परमप्रभुया बारे धाये, “वय्‌कः जिगु शरण कायेगु थाय् व किल्‍ला खः, वय्‌कः जिमि परमेश्‍वर खः, जिं वय्‌कःयात भरोसा याना।”

यर्मिया 30:9

तर इमिसं जि परमप्रभु थः परमेश्‍वरयागु व जिं इमिगु लागि ल्‍ययाम्‍ह दाऊद जुजुया सेवा याइ।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”